1. ნუ გადადებთ საქმეს. გააკეთეთ აქ და ახლა - შეწყვიტეთ ფიქრი და ოცნება მომავალზე. დროა, ამ ოცნებების განსახორციელებლად მოქმედება დაიწყოთ. ნუ გადადებთ საქმეს. დიახ, სწორედ ახლა არ ის საუკეთესო დრო იმ საქმის დასაწყებად, რომელზეც დიდი ხანია ოცნებებთ.

2. იმოქმედეთ პრობლემების მოსაგვარებლად - თავს ნუ აარიდებთ პრობლემებს, ისინი თავისი არ მოგვარდება. სჯობს, თვალი გაუსწოროთ სირთულეებს. აუცილებლად შეძლებთ ყველანაირი დაბრკოლების გადალახვას თუკი მონდომებთ.

3. გადადგით ნაბიჯი - არ გაუშვათ შესაძლებლობები და გადადგით ნაბიჯი მიზნისკენ. ვიცით, რომ ზოგჯერ რთულია რაიმეს გაკეთება. ცხოვრება რთულ გაკვეთილებს გვიტარებს და შესაძლოა, სასოწარკვეთა მოგეძალოთ, მაგრამ არავითარ შემთხვევაში არ უნდა დენებდეთ.

4. შეინარჩუნეთ პოზიტიური დამოკიდებულება - ნუ იტყვით, რომ რაიმის გაკეთება არ შეგიძლიათ. თქვენ ნამდვილად შეგწევთ ყველაფრის გაკეთების უნარი. მთავარია, მოინდომოთ და საქმის კეთების დროს პოზიტიური განწყობა შეინარჩუნოთ.

5. დაეხმარეთ ადამიანებს - ნახავთ, რომ როცა ადამიანებს დახმარების ხელს უწვდით, ეს პოზიტივით ავსებს თქვენს ცხოვრებას.

6. შემოიკრიბეთ პოზიტიური ადამიანები - უარი თქვით იმ ადამიანებთან ურთიერთობაზე, რომლებიც ნეგატივით გავსებენ, რომლებიც ცხოვრებას უიმედოდ უყურებენ და ამ ნეგატივს თქვენც გადმოგდებენ. იყავით იმ ადამიანების გვერდით, რომლებთან ერთადაც გულიანად სიცილი შეგიძლიათ, რომლებიც იმედით გავსებენ და თქვენზე დადებითად მოქმედებენ.

7. თუ ფიქრობთ, რომ თქვენი ცხოვრება ჯოჯოხეთს ჰგავს, არ გაჩერდეთ - პირიქით, ახლა უფრო მეტი მიზეზი გაქვთ წინსვლისა და უკეთესი მომავლისკენ სწრაფვის. ამ ჯოჯოხეთს თავი უნდა დააღწიოთ, ამის უნარი ნამდვილად შეგწევთ. დაფიქრდით, როგორ უნდა მოაგვაროთ პრობლემები, დასახეთ გეგმა და იმოქმედეთ ამ გეგმის შესაბამისად.