ჯანმრთელობა

რა ხდება ორგანიზმში, როდესაც მოწევას თავს ანებებთ?

რა ხდება ორგანიზმში, როდესაც მოწევას თავს ანებებთ?

ადამიანების ნაწილს გვაქვს ისეთი მავნე ჩვევები, რომლებზეც დამოკიდებულები ვხდებით. არსებობს ბევრი პროდუქტი, ციფრული მოწყობილობები და სხვადასხვა საქმიანობა, რომლებზეც დამოკიდებულები ვართ. შესაძლოა, დამოკიდებული ვიყოთ შოკოლადზე, ალკოჰოლზე, თამბაქოზე და ა.შ.

ზოგადად, რაიმეზე დამოკიდებულება, რაც უნდა იყოს ის, ცუდია. განსაკუთრებით მავნებელი კი, თამბაქოს მოწევაზე დამოკიდებულებაა. არსებობს უამრავი რამ, რაც ორგანიზმში იცვლება მაშინ, როცა თამბაქოს მოწევას იწყებთ და მაშინაც, როცა მოწევას თავს ანებებთ.

ვნახოთ, რა ხდება ორგანიზმში ამ დროს და რა სირთულეებთანაა დაკავშირება მოწევისთვის თავის დანებება?

1. სისხლის მიმოქცევა - მოწევისთვის თავის დანებების გადაწყვეტილების მიღება რთულია, მაგრამ უნდა იცოდეთ, რომ ბოლო ღერის მოწევიდან მხოლოდ 20 წუთის გასვლის შემდეგ, პულსი და სისხლის მიმოქცევა იწყებს ნორმალიზებას. 

რა ხდება ორგანიზმში, როდესაც მოწევას თავს ანებებთ?

2. ჟანგბადი - მოწევისთვის თავის დანებებიდან 8 საათის შემდეგ, სისხლში ჟანგბადის დონე იზრდება. 

რა ხდება ორგანიზმში, როდესაც მოწევას თავს ანებებთ?

3. გულის შეტევა - მოწევისთვის თავის დანებებიდან 24 საათის შემდეგ, მცირედით, მაგრამ მაინც, შემცირებულია გულის შეტევის რისკი. მიუხედავად იმისა, რომ მოწევის სურვილი უფრო იზრდება და ამის გამო გაღიზიანებული ხართ, უნდა იცოდეთ, რომ ორგანიზმი იწყებს გაწმენდას მავნე ნივთიერებებისგან და ერთი დღის თავის დანებების შემდეგაც, უკვე სერიოზული ცვლილებებია ჯანმრთელობის მდგომარეობის გაუმჯობესების კუთხით. 

რა ხდება ორგანიზმში, როდესაც მოწევას თავს ანებებთ?

4. მგრძნობელობა - იზრდება ადამიანის მგრძნობელობა თამბაქოს მოწევისთვის თავის დანებებიდან 48 საათის შემდეგ. უმჯობესდება გემოს შეგრძნება. ნახავთ, რომ საკვები უფრო გემრიელია, ასევე გაგიუმჯობესდებათ სმენის ხარისხიც, ყნოსვა და მხედველობა.

რა ხდება ორგანიზმში, როდესაც მოწევას თავს ანებებთ?

5. ცირკულაცია - თამბაქოს მოწევის თავის დანებებიდან 2 კვირის შემდეგ, ორგანიზმში მნიშვნელოვნად უმჯობესდება სისხლის მიმოქცევის ხარისხი. აღმოაჩენთ, რომ უფრო მარტივად შეგიძლიათ შორ მანძილზე ფეხით გადაადგილება და მარტივად არ იღლებით. 30%-ით უმჯობესდება ფილტვების მუშაობის ხარისხი. 

რა ხდება ორგანიზმში, როდესაც მოწევას თავს ანებებთ?

6. ფილტვები - მოწევისთვის თავის დანებებიდან 1-დან 9 თვემდე პერიოდში ორგანიზმი აგრძელებს ენერგიის აღდგენის პროცესს. უმჯობესდება ფილტვების მუშაობის ხარისხი, ხოლო ორგანიზმს უმუშავდება უნარი, უფრო მარტივად გაუმკლავდეს სხვადასხვა დაავადებებს. 

რა ხდება ორგანიზმში, როდესაც მოწევას თავს ანებებთ?

7. ზოგადად, ჯანმრთელობის მდგომარეობა - მოწევისთვის თავის დანებებიდან ერთი წლის შემდეგ, გულის დაავადებების გაჩენის რისკი ორჯერ უფრო ნაკლებია. 

რა ხდება ორგანიზმში, როდესაც მოწევას თავს ანებებთ?

8. შემცირებული რისკები - მოწევისთვის თავის დანებებიდან 5 წლის შემდეგ, ყელისა და საყლაპავი მილის სიმსივნის გაჩენის რისკი 50%-ითაა შემცირებული. ასევე, შემცირებულია ფილტვის სიმსივნის გაჩენის რისკებიც. 

რა ხდება ორგანიზმში, როდესაც მოწევას თავს ანებებთ?

9. ფილტვის სიმსივნე - მოწევისთვის თავის დანებებიდან 10 წლის შემდეგ, თქვენს ფილტვებზე სიმსივნის გაჩენის რისკი ზუსტად იგივე იქნება, როგორიცაა არამწველების შემთხვევაში. 

რა ხდება ორგანიზმში, როდესაც მოწევას თავს ანებებთ?

10. დაბრუნება ნორმალურ რეჟიმში - მოწევისთვის თავის დანებებიდან 15 წლის გასვლის შემდეგ, გულის შეტევის რისკი შემცირებულია და ის ზუსტად ისეთივეა, როგორც არამწველებში. 

რა ხდება ორგანიზმში, როდესაც მოწევას თავს ანებებთ?

11. რთულად შესასრულებელი გრძელვადიანი გეგმა - ახლა იცით, თუ რა მოხდება წლების განმავლობაში და რომ თამბაქოსთვის თავის დანებება და ორგანიზმის გაჯანსაღების პროცესი გრძელვადიანია. თავში გიტრიალებთ, რომ ეს ძალიან რთული საქმე და რთულად შესასრულებელი გეგემაა.

რა ხდება ორგანიზმში, როდესაც მოწევას თავს ანებებთ?

12. მოწევის დაუოკებელი სურვილი - ეს სურვილი განსაკუთრებით თავს იჩენს მოწევისთვის თავის დანებების შესახებ მიღებული გადაწყვეტილებიდან ორი საათის შემდეგ. 

რა ხდება ორგანიზმში, როდესაც მოწევას თავს ანებებთ?

13. გგონიათ, რომ გაგიჟდებით თამბაქოს მოწევის გარეშე - მოწევის წარმოუდგენელი სურვილი თავდაპირველად ნორმალურია. იგრძნობთ შფოთვას, მოუსვენრობას, გადაღლილობას. შესაძლოა, შეგექმნათ ძილთან დაკავშირებული პრობლემები, შეგეცვალოთ მადა. 

რა ხდება ორგანიზმში, როდესაც მოწევას თავს ანებებთ?

14. სიმპტომები - მოწევისთვის თავის დანებებიდან სამი დღის შემდეგ, ნიკოტინი მთლიანად ტოვებს ორგანიზმს. ამიტომ, შესაძლოა შეგაწუხოთ თავის ტკივილმა, ოფლიანობამ, გულისრევის შეგრძნებამ. რთულია, მაგრამ ჯანმრთელობა უფრო მნიშვნელოვანია, ამიტომ მოტივაცია არ უნდა დაკარგოთ და არ უნდა დანებდეთ. გახსოვდეთ, რომ ეს სირთულეები მალე გაივლის.

რა ხდება ორგანიზმში, როდესაც მოწევას თავს ანებებთ?

15. მხარდაჭერა - თუ გიჭირთ შეინარჩუნოთ მოტივაცია, სთხოვეთ საყვარელ ადამიანს, მეგობარს ოჯახის წევრს დახმარება. ხშირად შეგახსენონ, რომ მარტო არ ხართ, რომ მხარს გიჭერენ, რომ შეგახსენონ, რამდენად მნიშვნელოვანია ჯანმრთელობისთვის მოწევაზე უარის თქმა. ასევე მნიშვნელოვანია ისიც, რომ თქვენ გარშემომყოფებს უთხრათ თქვენი გადაწყვეტილების შესახებ, რათა არ გაუკვირდეთ, თუ რატომ შეგეცვალათ ხასიათი და რთულ მომენტებში თქვენი გაგება შეძლონ. 

რა ხდება ორგანიზმში, როდესაც მოწევას თავს ანებებთ?

16. დროის გასვლის შემდეგ - ორგანიზმი და გარემო უფრო ჯანსაღი, თქვენი საყვარელი ადამიანები კი გაცილებით ბედნიერები იქნებიან თქვენ მიერ მიღებული ამ გადაწყვეტილების გამო. იგრძნობთ უფრო მეტ სიყვარულს საკუთარი თავის მიმართ, იქნებით ჯანმრთელები და თან, საფულეში უფრო მეტი ფული გექნებათ.

რა ხდება ორგანიზმში, როდესაც მოწევას თავს ანებებთ?



<a href="https://www.providr.com">https://www.providr.com</a>