სტილი

დაბალწელიანი ჯინსის შარვლები მოდას უბრუნდება - 2019 წლის მთავარი ტენდენცია

დაბალწელიანი ჯინსის შარვლები მოდას უბრუნდება - 2019 წლის მთავარი ტენდენცია

„მოდა ბრუნავს“ - ყველამ ვიცით ეს ფრაზა, რომლის ჭეშმარიტებაშიც 2019 წლის მოდის მთავარი ტენდენციები კიდევ ერთხელ გვარწმუნებს - წელს მოდას დაბალწელიანი ჯინსის შარვლები უბრუნდება.

ეს სამოსი კრიტიკოსების მწვავე უარყოფით შეფასებას იმსახურებდა და იმსახურებს დღემდე, თუმცა მიუხედავად ამისა, ადამიანების ნაწილს მოსწონს და მსოფლიო პოდიუმებზე წამყვანი დიზაინერებიც სწორედ ასეთ შარვლებს წარმოგვიდგენენ.

ყოველთვის უცნაური, სახალისო და ამავდროულად, სასიამოვნო სანახავია ძველი თაობის ადამიანებისთვის ის, როგორ იცვამენ ახალი თაობის წარმომადგენლები ისეთ სამოსს, რომლებიც მათ დროს იყო მოდაში.

მშობლების თაობას კარგად ახსოვს დაბალწელიანი ჯინსის შარვლები, რომლებიც 90-იანი წლების მთავარი ტრენდი იყო, კლუბში, სხვადასხვა წვეულებებზე გოგონები სწორედ ამ სტილის ჯინსებს იცვამდნენ.

BO-1 Instagram Post

მათ მოდაში დამკვიდრებას ბრიტნი სპირსსაც უკავშირებენ. 90-იანი წლების თაობის კუმირი, პოპ პრინცესა ბრიტნი ამ სტილს ანიჭებდა უპირატესობას და მოდიდან გადასვლის შემდეგაც კი არ შეუწყვეტია მათი ტარება.

დარწმუნებულები ვართ, რომ „ტრენდის“ მკითხველებს შორის ბევრია ისეთი, ვისაც დაბალწელიანი ჯინსის შარვლები არ მოსწონს და გარკვეულწილად მართლებიც ხართ, რადგანაც ეს სტილი სხეულს ფორმას აკარგვინებს და უფრო დაბალს გაჩენთ. ვიცით, გსურდათ, რომ მსგავსი შარვლები აღარასდროს დაბრუნებოდა მოდას, მაგრამ ვწუხვართ - 2019 წელს ის მთავარი ტენდენციაა.

ასე რომ, თუ ტრენდული ხართ და გინდათ, რომ მოდას არ ჩამორჩეთ, „დედიკოს შარვლების“ ყიდვა მოგიწევთ.

დაბალწელიანი ჯინსის შარვლებით უკვე გამოჩდნენ პოპულარული ადამიანები, სუპერმოდელები, მათ შორის, ბელა ჰადიდი, რომლის ჩაცმის სტილიც მოდაზე დიდ გავლენას ახდენს და ყველაფერი, რასაც ის იცვამს, მალევე ხდება ტრენდული. 



<a href="https://www.moms.com">https://www.moms.com</a>