მიიჩნევა, რომ ბავშვები განიცდიან ქცევის ცვლილებას მაშინ, როდესაც ისინი დაღლილები, მოწყენილები ან იმედგაცრუებულები არიან. რაც არ უნდა იყოს მიზეზი, ეს ცვლილებები შეიძლება შემაშფოთებელი იყოს, რადგან შესაძლოა, მათ მიღმა უფრო ღრმა და სერიოზული პრობლემები იმალება. მაგალითად, განიცდიან ჩაგვრას თანატოლებისგან, გრძნობენ შიშს და აქვთ თავდაჯერების პრობლემა.

თქვენს ბავშვს უჭირს რამის სწავლა

თუ შეამჩნევთ, რომ თქვენს შვილს უჭირს საბაზისო უნარების სწავლა, შესაძლოა მას ჰქონდეს შესწავლის უნარის შეზღუდვა, რაც ნიშნავს, რომ მათ უფრო მეტი შრომა მოუწევს, ვიდრე იმ ბავშვებს, ვისაც ეს შეზღუდვა არ აქვთ.

მიზეზი: ეს არის მდგომარეობა, რომელიც აფერხებს ზოგიერთი კონკრეტული უნარის განვითარებას.

რა უნდა გააკეთოთ? ამის დასაძლევად მთავარია ადრეული გამოვლენა. თუ თქვენი ბავშვი მიიღებს მათთვის საჭირო დახმარებას სპეციალიზირებულ მასწავლებლებთან ერთად, ის ყველა დაბრკოლებას გადალახავს.

თქვენმა ბავშვმა ჭორაობა დაიწყო

მნიშვნელოვანია განასხვაოთ უვნებელი საუბარი და მავნე ჭორაობა. მიუხედავად იმისა, რომ ბავშვები ძალიან იშვიათად იწყებენ ჭორაობას, მათთვის განსაკუთრებით ადვილია ჭორების გავრცელება.

მიზეზი: მას შეიძლება სჯეროდეს, რომ ეს ხელს შეუწყობს პოპულარული გახდეს თანატოლებში.

რა უნდა გააკეთოთ? როგორც მშობელი, თქვენ ხართ ვალდებული აუხსნათ, თუ რატომ არის ჭორაობა არაკეთილსინდისიერი საქციელი და როდესაც ამ პროცესს იწყებ, დიდი ალბათობაა, სხვებიც შენს ზურგს უკან ჭორაობენ. საჭიროების შემთხვევაში, შეგიძლიათ ურჩიოთ მათ მასწავლებელთან მისვლა. თუ რა თქმა უნდა, არ გსურთ, რომ თქვენმა ბავშვმა სხვები დაჩაგროს.

თქვენმა ბავშვმა დაიწყო თვითდაზიანება

ფსიქიატრები მიიჩნევენ, რომ თუ ბავშვი დაიწყებს თვითდაზიანების ნიშნების გამოვლენას, ეს მშობლების უფრო საფუძვლიანი ზრუნვისკენ. მცირეწლოვანი ბავშვები მიდრეკილნი არიან თვითნებურად დაიკაწრონ, დაიჩქმიტონ სხეული, ან მიიღონ დაზიანება მყარი საგნების გამოყენებით. ხოლო მოზარდები და თინეიჯერები უფრო მეტად ჭრილობებისა და დამწვრობებისკენ არიან მიდრეკილნი.

მიზეზი: მათ შეიძლება ჰქონდეთ დაბალი თვითშეფასება ან პრობლემა შინაგან გრძნობებთან, რომლებიც მათ მიუღებლად მიაჩნიათ.

რა უნდა გააკეთოთ: თუ თქვენი შვილები თვითდაზიანებას იყენებენ, უნდა მიიყვანოთ ისინი ბავშვთა თერაპევტთან, რათა შეძლონ ემოციების დამუშავება.

თქვენი ბავშვი გაქცევით იმუქრება

ფსიქოლოგები ამტკიცებენ, რომ როდესაც ბავშვები სტრესს განიცდიან, მათ გაქცევის სურვილის გამოვლენა ახასიათებთ.

მიზეზი: აქ ერთ-ერთი მთავარი ფაქტორი ისაა, რომ ბავშვები ხშირად იდეალიზებენ გაქცევას და ავითარებენ რომანტიზებულ ხედვას ქუჩებში, ტყეში და სხვა მიუწვდომელ ადგილებში ცხოვრების მიმართ. მათ შეიძლება სცადონ გაქცევა, რათა თავიდან აიცილონ დამცირება ან უხერხულობა, მაგალითად, სკოლაში პრობლემებისას, მოტყუებისას ან რამე ცუდი საქციელის გამო.

რა უნდა გააკეთოთ? ესაუბრეთ თქვენს შვილს და შეეცადეთ დაამყაროთ სანდო ურთიერთობა, რომელშიც ბავშვი თავს კომფორტულად გრძნობს, თქვენ არ შეეშინდება და გაქცევა არ იქნება მისი ერთადერთი გამოსავალი.

თქვენს ბავშვს ეშინია ღამით დაძინების

თუ თქვენი ბავშვი კარგი მძინარე იყო, მაგრამ მოულოდნელად ძილის პრობლემები დაეწყო ან საერთოდ ვერ იძინებს, ეს საკმარისი მიზეზია, რომ მეტი ყურადღება მიაქციოთ.

მიზეზი: ისინი გრძნობენ, რომ საფრთხე ყველა კუთხეში ემუქრებათ.

რა უნდა გააკეთოთ? ბავშვის ძილის პრობლემების დასახმარებლად ყველაზე სწრაფი გზაა გაუმკლავდეთ მათ ღამის შიშებს და დაეხმაროთ მათ გადალახვაში.