1. სტილი, რომელიც არასდროს გადადის მოდიდან
ვერასოდეს დაუშვებთ შეცდომას, თუ კლასიკურ სტილს აირჩევთ. საუკეთესო რჩევა, რომელიც მოდის ექსპერტებს შეუძლიათ მოგვცენ ისაა, რომ დავაბანდოთ ინვესტიცია კლასიკურ, ხარისხიან ტანსაცმელში და შედეგად, ყოველთვის გვექნება მოდური ლუქი. ამ მარტივი და კლასიკური ლუქის გასახალისებლად კი, მკვეთრი აქსესუარები საუკეთესო არჩევანია.
2. სეზონის პირველი კაბა
ალბათ, არ არსებობს იმაზე უკეთესი გრძნობა, რომ კვლავ შეგვიძლია კაბა მოვირგოთ. ამ დიდებული წამებისთვის მზადება კი ზამთრის სეზონიდანვე იწყება. უკვე მოიფიქრეთ როგორი იქნება 2021 წლის გაზაფხულის პირველი კაბა?
3. ველურ ბუნებაში
იცით რომელია გარდამავალი სეზონის ფავორიტი ნივთი, რომელიც 2021 წლის გაზაფხულზე აუცილებლად დაგჭირდებათ? - ტყავის მიდი ქვედაკაბა. ეს საკმაოდ ნეიტრალური ნივთი დაგეხმარებათ გაუმკლავდეთ ადრიანი გაზაფხულის გრილ ამინდებს და თანაც, სეზონის პირველი მხიარულება გამოხატოთ.
4. ორეული
უკანასკნელი სეზონების განმავლობაში, ორეული ნამდვილი ფავორიტია. იქნება ეს სპორტული, ყოველდღიური თუ კლასიკური სტილი. თუმცა 2021 წლის გაზაფხულზე შეგიძლიათ განსაკუთრებული სითამამე გამოიჩინოთ.
5. ქსოვილებით მოთამაშე
ყვავილების პრინტი არ არის ერთადერთი, რომელიც გაზაფხულს ყველაზე მეტად უხდება, ზოლები და პაისელებიც მზად არიან წვეულებისთვის. ამ ლუქის წესი მარტივია: მაქსიმალური ზემოქმედებისთვის სცადეთ ერთდროულად ჩაიცვათ თამამი და მკვეთრი პრინტები.
თემები: სტილი, რჩევები ქალებს, ტრენდი, Trend, 2021 წელი, 2021 წლის მოდა
<a href="https://www.harpersbazaar.com/">https://www.harpersbazaar.com/</a>