ბოლო რამდენიმე წლის განმავლობაში, განსაკუთრებით პოპულარულია სილამაზის ამანათები, რომლებიც თავის მოვლის განსხვავებულ პროდუქციას სთავაზობს მომხმარებელს. და მაინც, დროა პასუხი გავცეთ ყველაზე მარტივ შეკითხვებს:

სინამდვილეში, რას წარმოადგენს Beauty Box, იგივე სილამაზის ამანათი? 

მოკლედ რომ ვთქვათ, სილამაზის ამანათი ფანტასტიკური საშუალებაა თქვენი საყვარელი ჰობის აღმოსაჩენად: ყოველთვიურად ახალი პროდუქტების შეძენა და მოსინჯვა არასოდეს ყოფილა ასეთი ადვილი. მხოლოდ ერთი „გამოწერის“ წყალობით, როგორც წესი ყოველთვიურად ან ყოველ სეზონურად მიიღებთ სხვადასხვა კოსმეტიკური თუ სილამაზის პროდუქციის ნაკრებს. თანაც, იმაზე ბევრად ნაკლებ ფასად, ვიდრე ამ პროდუქტების ინდივიდუალური შეძენისას მოგიწევდათ გადახდა. მართალია ამანათები იდეისა და პროდუქტების მიხედვით განსხვავდება, მაგრამ ყველაზე ხშირად ის 4-7 პროდუქტს აერთიანებს. 

ცხადია, „გამოწერის“ ნაცვლად ერთჯერადი შენაძენიც შეგიძლიათ გააკეთოთ, თუმცა ამ ამანათების მთავარი იდეა სწორედ მისი სისტემატიური მიღებაა: როდესაც იცით, რომ მომდევნო თვეში აუცილებლად მიიღებთ თქვენს კუთვნილ ამანათს, მაშინ გულის ფანცქალითაც დაელოდებით.

ქართულ ბაზარზე ამანათების რამდენიმე სახეობა არსებობს, ამიტომ თქვენი გადასაწყვეტია უპირატესობას თავის მოვლისა თუ დეკორატიული კოსმეტიკის პროდუქციას მიანიჭებთ. ასევე, თქვენვე უნდა განსაზღვროთ თანხა, რომლის სისტემატიური გადახდისთვისაც მზად ხართ.

რომელია საუკეთესო სილამაზის ამანათი ქართულ ბაზარზე?

 შესაძლოა, სულაც არ ხართ სილამაზის „ნარკომანი“ და კოსმეტიკური პროდუქციის ნაცვლად, უპირატესობას თავის მოვლას ანიჭებთ. ასეთ შემთხვევაში, თქვენთვის საუკეთესო არჩევანი Perfect Skin იქნება - ის აერთიანებს სახის, სხეულისა და თმის მოვლის საშუალებებს. კარგად ცნობილი სილამაზის ამანათებისგან განსხვავებით, Perfect Skin ჯანმრთელობაზეა ორიენტირებული. ამანათში ვერ შეხვდებით დეკორატიულ კოსმეტიკას, თუმცა აუცილებლად აღმოაჩენთ თქვენი კანის ტიპის შესაბამის პროდუქციას, რომელიც დერმატოლოგებისა მიერაა შერჩეული. 

მისი შეძენა სეზონურად, წელიწადში ოთხჯერაა შესაძლებელი. Perfect Skin-ის ყველა პროდუქტი შერჩეულია დერმატოლოგების მიერ მომხმარებლის კანის ტიპის შესაბამისად: მწვანე ფერის ამანათი ცხიმიანი კანისთვისაა განკუთვნილი, ცისფერი კომბინირებულის, ხოლო ვარდისფერი - მშრალი კანისთვის. 

Perfect Skin-ის მომხმარებელი სახის მოვლის 5-6 პროდუქტს, სხეულის ან თმის მოვლის 1 პროდუქტსა და 1 კოსმეტოლოგიური პროცედურას აღმოაჩენს. ამანათების ფასი სამივე ტიპის კანისთვის 49 ლარია. ამანათის ფასი არ არის დამოკიდებული კანის ტიპსა თუ პროცედურებზე და არ არის ცვალებადი. მომხმარებელს მისი გამოწერა ვებგვერდიდან და სოციალური ქსელების საშუალებით შეუძლია. პროდუქტი ქართულ ბაზარზე 2021 წლის იანვარში გამოჩნდა და უკვე დიდი პოპულარობით სარგებლობს იმ ადამიანებში, ვისთვისაც კანის მოვლა პრიორიტეტია. 

გასაკვირი სულაც არ არის, რომ სილამაზის ამანათმა უკვე მოახერხა მრავალი მომხმარებლის გულის მოგება: ვის არ ესიამოვნება ამანათი, რომელიც სპეციალურად თქვენი კანის ტიპისთვის შერჩეულ, ხარისხიან პროდუქციაზე ყველაზე ხელმისაწვდომ ფასად გთავაზობთ? თანაც, ესაა საუკეთესო საჩუქარი მეგობრებისა თუ ოჯახის წევრებისთვის: დაბადების დღეებსა თუ სხვა დღესასწაულებზე, უნიკალური და გააზრებული საჩუქარი, ნებისმიერი ქალის ბედნიერების გარანტიაა.