80 წლის წინ, მსოფლიომ კლასიკად ქცეული ამერიკული ფილმი, „ოზის ჯადოქარი“ იხილა. ალბათ, ეს ფილმი სულაც არ იქნებოდა ისეთი შთამბეჭდავი, რომ არა წითელი ფერის, ბრჭყვიალა ფეხსაცმელები, რომელიც ამდენი ხნის შემდეგაც, კვლავ ახსოვს მსოფლიოს.

არავინ იცის ზუსტად როდის დაიწყო ქალის სასიყვარულო ურთიერთობა ფეხსაცმელთან, ეჭვგარეშეა, რომ დოროთი ნამდვილად დაგვეხმარა კარგი ფეხსაცმლის მნიშვნელობის სწავლებაში. თუმცა ეს ფილმი, სულაც არ არის ერთადერთი, რომლის ფეხსაცმელებსაც ვეტრფით და ვაღმერთებთ...

1. „ოზის ჯადოქარი“, 1939 წელი

რა თქმა უნდა, ეს მომენტი ნამდვილად იმსახურებს პირველ ადგილს.

2. „მხიარული სახე“, 1951 წელი

ალბათ ამ კადრის შემდეგ გადაიქცა შავი ლოფერები, ნამდვილ კლასიკად.

3. „ალისა საოცრებათა ქვეყანაში“, 1951 წელი

„მერი ჯეინების“ პოპულარობა, აუცილებლად პატარა ალისას დამსახურებაა.

4. “ჯენლტმენებს ქერები ურჩევნიათ “, 1953 წელი

ამბობენ, რომ ყველა ქალის გარდერობში უნდა მოიძებნებოდეს ერთი წყვილი, წითელი მაღალქუსლიანი ფეხსაცმელი.

5. „ბინძური ცეკვები“, 1987 წელი

თეთრი სპორტული ფეხსაცმელიც შეიძლება იყოს ისეთი დაუვიწყარი, როგორც წითელი, ქუსლიანი ფეხსაცმელი. რა თქმა უნდა, თუ სწორი ადამიანი მოირგებს.

6. „ბეტმენის დაბრუნება“, 1992 წელი

თუ გაინტერესებთ, საიდან იღებს სათავეს მაღალყელიანი, ლატექსის ჩექმები...

7. „ფორესტ გამპი“, 1994 წელი

Nike-ის ეს მოდელი, უკვე თითქმის 30 წელია არ თმობს პოზიციებს.

8. „ტენენბაუმების ოჯახი“, 2001 წელი

მარგო ტენენბაუმი სტილის ნამდვილი ინსპირაციაა. ხოლო მისი ყავისფერი ლოფერები, მრავალი ქალის სიყვარული.

9. „პრინცესას დღიურები“, 2001 წელი

იქნებოდა კი ეს ფილმი, ასეთი გენიალური, მიას რომ თავისი ფავორიტი მარტენსები, გვირგვინში არ გადაეცვალა?

10. „ეშმაკი ატარებს პრადას“, 2006 წელი

იმიტომ, რომ სტილის ტრანსფორმაცია, „შანელის“ მაღალყელიანი ჩექმიდან იწყება...

11. „მარია ანტუანეტა“, 2006 წელი

ცხადია, ეს სია ვერ შედგებოდა მარია ანტუანეტას დაუვიწყარი ფეხსაცმელების გარეშე.

რა თქმა უნდა, სიაში არ მოხვდა „სექსი დიდ ქალაქში“... მხოლოდ იმიტომ, რომ ჩვენ ვიცით, თქვენ გახსოვთ, გიყვართ და აღმერთებთ ქერი ბრედშოუს ყველა ფეხსაცმელს, განსაკუთრებით კი, „მანოლოებს“...