ეს კერძი იტალიური სამზარეულოს კლასიკაა და მისი ათობით ვერსია არსებობს. თუმცა, დღეს ჩვენ შემოგთავაზებთ მარტივ რეცეპტს, რომლისთვისაც მხოლოდ 5 ნაცნობი ინგრედიენტი დაგჭირდებათ.

ინგრედიენტები:

 · 1 შეკვრა თქვენი საყვარელი სპაგეტი;

· 100 გრამი კარაქი;

· 1 ჭიქა გახეხილი პარმეზანი (ან, მეტი ექსპერიმენტებისთვის, სცადეთ სულგუნი)

· 3 ლიმონის წვენი და ცედრა;

· ზეითუნის ზეთი, მარილი და წიწაკა - გემოვნებით.

მომზადების წესი:

 დაიმახსოვრეთ, კერძის საიდუმლო, როგორც ამბობენ, სოუსშია. უკეთ რომ ვთქვათ, ყველაფერი დამოკიდებულია იმაზე, თუ როგორ ამზადებთ სოუსს.

· პირველ რიგში, დავიწყოთ სოუსის მომზადება: 1 კოვზი დაფქული წიწაკა დაყარეთ მშრალ ტაფაზე და მოხალეთ დაბალ ცეცხლზე.

აქ მთავარია არომატი: როგორც კი წიწაკა ინტენსიურ სუნს გამოუშვებს, დაამატეთ ნახევარი ჭიქა ონკანის წყალი და გამორთეთ ცეცხლი.

· ამის შემდეგ, მარილიან წყალში მოხარშეთ სპაგეტი.

თუმცა გაითვალისწინეთ, არ გადახარშოთ მაკარონი. როგორც კი, შერბილდება, გამორთეთ ქურა.

· როდესაც მაკარონი მომზადდება, ამოიღეთ დაახლოებით ნახევარი ჭიქა მდუღარე წყალი და დაამატეთ ცედრას.

ეს სრულყოფილად ააქტიურებს ცედრას არომატს.

· გადაწურეთ მაკარონი, ჩაამატეთ წიწაკიან წყალში და მოათავსეთ საშუალო ცეცხლზე.

· დაუმატეთ ცედრა, კარაქი და პარმეზანი (ან სულგუნი). გამუდმებით ურიეთ მანამ, სანამ არ გადნება ყველი და კარაქი.

· გამორთეთ ცეცხლი და დაამატეთ ლიმონის წვენი. გააგრძელეთ მორევა მანამ, სანამ თქვენი მაკარონი მსუბუქი და კრემისებრი არ გახდება.

· ამოიღეთ თეფზე და დაამატეთ რამდენიმე წვეთი ზეითუნის ზეთი.

და აი, კლასიკური, ორიგინალური და საოცრად არომატული სპაგეტიც მზადაა! გემრიელად მიირთვით!