ფოტოგრაფიის სამყაროდან მოდის სამყაროს სცენაზე ძალიან საინტერესო ბრენდი ATELIER KIKALA გაჩნდა. ალბათ, არავის გაუჭირდება იმის მიხვედრა თუ რის სახელთან არის დაკავშირებული აღნიშნული ბრენდი. 

KIKALA STUDIO 2005 წლიდან ერთ-ერთი ყველაზე პოპულარული და წარმატებული ფოტო სტუდიაა, რომელსაც ეკუთვნის ATELIER KIKALA. ფოტოსესიებში, KIKALA STUDIO ხშირად მის მიერ შექმნილ ტანისამოსს იყენებდა, რაც ადამიანებში, მოდის მოყვარულებში გაოცებასა და აღფრთოვანებას იწვევდა. ბუნებრივია, შთამბეჭდავი იყო, როგორც ფაქტი, ასევე ექსპერიმენტი. თუმცა, აღსანიშნავია და ფაქტია, რომ ექსპერიმენტმა გაამართლა. 

ATELIER KIKALA 2012 წელს მომხმარებელთა პოზიტიური და დადებითი შეფასებების შედეგად შეიქმნა და ეს წამოწყება წარმატებით ხორციელდება დღემდე. 

ATELIER KIKALA-ს 2017/2018 წლის შემოდგომა-ზამთრის კოლექცია შთამბეჭდავი და გამორჩეული გახლდათ. ჭარბობს მუქი, ძირითადად შავი ფერი. ATELIER KIKALA-ს ქალი თავისუფალი და საქმიანია, ახალგაზრდა და გაბედულია, თამამი და სექსუალურია. 

TREND. გთავაზობთ Mercedes-Benz Fashion Week Tbilisi-ის ფარგლებში გამართულ ATELIER KIKALA-ს ჩენების ფოტოებს:

ფოტო: ქეთა კანდელაკი