არსებობს 7 კანონი, რის მიხედვით ცხოვრობს სამყარო. მათი არცოდნა არ ათავისუფლებს პასუხისმგებლობისგან. ცოდნა - დაგეხმარებათ არ დაუშვათ შეცდომები, მიაღწიოთ ჰარმონიას და იცხოვროთ ბედნიერად.

1. სიცარიელის კანონი

თუ გჭირდებათ ახალი ფეხსაცმელი, გადააგდეთ ძველი. თუ გჭირდებათ ახალი ტანსაცმელი, გაათავისუფლეთ თქვენი კარადა. უნდა ნებაყოფლობით დაემშვიდობოთ სტერეოტიპებს. ახალი შემოდის მხოლოდ მაშინ, როცა თავისუფლდებით ძველისგან.

2. ცირკულაციის კანონი

იყავით მზად გაუშვათ რაიმე, რაც თქვენს საკუთრებაშია, რათა მიიღოთ ის, რაც გსურთ.

3. წარმოსახვის კანონი

უპირველეს ყოვლისა თქვენ უნდა დაინახოთ წარმატება საკუთარ წარმოსახვაში. გააკეთეთ საკუთარი იდეალური დღის აღწერა და არ აჩვენოთ არავის, გარდა იმისა, ვისაც ენდობით. ხელთ გქონდეთ ეს აღწერა, და თავისუფალ დროს გადაიკითხეთ.

4. შემოქმედების კანონი

ადამიანს შეუძლია მიაღწიოს წარმატებას საკუთარი აზროვნების ენერგიის, ინტუიციისა და წარმოსახვის დახმარებით.

5. გაცემისა და მიღების კანონი

თუ თქვენ გასცემთ რაიმეს, მაშინ ათმაგათ გიბრუნდებათ. როცა რაიმე კარგს ღებულობთ, ძალიან მნიშვნელოვანია გაუზიაროთ გარშემომყოფებს. თუ თქვენ გაგაჩნიათ ნიჭი, და არ იყენებთ მას, ესე იგი შეურაცხყოფთ თქვენს არსს. იმისათვის, რომ სათანადო პატივისცემით მოეკიდოთ საკუთარ უნარს, უნდა გიხაროდეთ წარმატება და გაუზიაროთ სხვებს. თუ ასე მოიქცევით, უფრო მეტ სიკეთეს მოიზიდავთ საკუთარ ცხოვრებაში.

6. მეათედის კანონი

სამყარო ყოველთვის აიღებს საკუთარ მეათედს. ეს უბრალოდ, მხარდაჭერის წყაროს მადლიერების კანონია - 10 % ყველაფრისგან, რაც გაგაჩნიათ. თქვენ არასოდეს არ იცით, როგორ დაგიბრუნდებათ თქვენი მეათედი. ფული - ჩვეული მოვლენაა. მაგრამ ისიც ასევე შეიძლება მოვიდეს ვინმესთან შერიგების სახით, ახალი მეგობრული ურთიერთობებით, გამოჯანმრთელების სახით და ა.შ.

7. მიტევების კანონი

თუ არ შეგიძლიათ მიუტევოთ ადამიანებს, ვერ გამდიდრდებით. თუ თქვენი სული სავსეა სიძულვილით, სიყვარული ვერ იპოვის მასში ადგილს. უნდა განთავისუფლდეთ ნეგატიური გრძნობებისგან, რომლებიც გშთანთქავენ და მოსვენებას არ გაძლევენ.

იყავით მადლიერები!