ადამიანების უმეტესობა, რომლებსაც უფროსი და ჰყავთ, ამბობენ, რომ ეს ნამდვილად ბედის საჩუქარია, ვინაიდან უფროსი და არის ადამიანი, რომელიც თქვენი ყველაზე დიდი მეგობარია.

ის არის თქვენი ყველაზე დიდი კრიტიკოსი და ყველაზე დიდი დამცველი, არის თქვენ გვერდით ყველაზე რთულ პერიოდში. ის უბრალოდ არის ადამიანი, რომელსაც უპირობოდ უყვარხართ:

1. ის თქვენი საუკეთესო და ერთგული მეგობარია - უფროსი და თქვენი ცხოვრების ყველა მნიშვნელოვანი მომენტის მოწმეა. ფეხის ადგმიდან დღემდე ყველაფერი იცის თქვენზე. როგორ ვითარდებოდით, იზრდებოდით. უფროსი და საუკეთესო მრჩეველია. ის ყოველთვის გიზიარებთ გამოცდილებას.

2. ის უმცროს დას საკუთარ სამოსს უზიარებს - მისი გარდერობი, როგორც წესი, თქვენიცაა და ის არის ადმიანი რომლისთვისაც არასოდეს მოგერიდებათ სამოსის გამორთმევა.

3. იცის, როგორ მოგიგვაროთ პრობლემები მშობლებთან - პრობლემები მშობლებთან თქვენი უფროსი დისთვისაც არ არის უცხო. თავისი გამოცდილების გამოყენებით ის პრობლემის მოგვარებაში დაგეხმარებათ და მისი მცდელობა თქვენსაზე გაცილებით ეფექტური იქნება.

4. მასთან არ არსებობს არანაირი ბარიერი - არ არსებობს არანაირი საზღვრები როცა მას ესაუბრებით და მასთან ერთად ხართ. შეგიძლიათ იაროთ მის წინ საცვლებით მთელი დღე, არ იყოთ ყალბები. შეგიძლიათ შეიჭრათ მის პრივატულ სამყაროში, მაგრამ ამის გამო ცუდად და უხერხულად თავს არავინ იგრძნობს.

5. საუკეთესო მრჩეველია - მას შეუძლია გირჩიოთ რომელი ფილმი ნახოთ, გესაუბროთ მოდურ ტენდენციებზე. ის არის ადამიანი ვისთანაც უბრალოდ შეგიძლიათ ნებისმიერ თემაზე ისაუბროთ.

6. სიმართლეს არასოდეს დაგიმალავთ - მეგობრები, როგორც წესი, თავიანთ ნამდვილ შეხედულებას ჩვენ შესახებ, ჩვენი გადაწყვეტილებების შესახებ არ გვიზიარებენ. უფროსი და ასე არასოდეს მოიქცევა. ის პირდაპირ გეტყვით სიმართლეს. ზოგჯერ საჭიროა, რომ გვერდით გყავდეთ ადამიანი რომელიც რეალობას დაგანახებთ. ასეთი ადამიანი ნამდვილად არის თქვენი უფროსი და.

7. ყოველთვის სიხარულით მიგიღებთ - უფროსი და ყოველთვის გამოხავს თქვენთვის დროს, ყოველთვის თქვენთან გაჩნდება, როცა დაგჭირდებათ. ის მზად არის თქვენთან იყოს როცა მის მხარზე ტირილი გსურთ. ის არის კარი, რომელიც თქვენთვის ყოველთვის ღიაა, არ აქვს მნიშვნელობა მიზეზს.

8. ის თქვენი ყველაზე დიდი გულშემატკივარია - როცა საკუთარ შესაძლებლობებში დაეჭვდებით, თვითრწმენა დაეცემა, თქვენი უფროსი და მზადაა, რომ დაგეხმაროთ მის ამაღლებაში, მოტივაციის გაზრდაში, ის მზადაა, რომ გააკეთოს ყველაფერი რათა უფრო ძლიერი გახდეთ. ის ყოველთვის თქვენი ყველაზე დიდი გულშემატკივარი იქნება.

9. ხშირად თქვენს საქმეს თავად აკეთებენ - უფროსმა დებმა ყოველთვის იციან სწორი სიტყვების შერჩევა. ყოველთვის იციან რა გითხრან. მათ თითქოს მაგიური ძალა აქვთ - შეუძლიათ გააკეთონ ყველაფერი, რომ თქვენ გარშემო ყველაფერი კარგად იყოს. ხშირად თქვენ მაგივრად აკეთებენ საქმეს.

10. და ბოლოს - ის ყოველთვის თქვენ გვერდითაა - მიუხედავად იმისა, რომ შეიძლება ძალიან გაბრაზდეს ზოგჯერ თქვენზე, მაინც არასოდეს დაგტოვებთ მარტო.