Kenzo-ს კრეატიულმა დირექტორებმა — კეროლ ლიმმა და უმბერტო ლეონმა სადებიუტო სუნამოსთვის გრანდიოზული კონცეფციის შემუშავება გადაწყვიტეს: ახალ სუნამოს წყალ Kenzo World-ზე არც მეტი, არც ნაკლები, მსოფლიოს წამყვანმა პარფიუმერმა და ნიშ-სუნამოების ბრენდ Maison Francis Kurkdjian-ის დამფუძნებელმა — ფრანსის კურკჯიანმა იმუშავა; ფლაკონის დიზაინი კი „მესამე თვალის“ იდეითაა შთაგონებული — როგორც ლიმმა და ლეონმა განმარტეს, სწორედ მომაჯადოებელი სურნელია ქალის უხილავი ძალა, იგივე მესამე თვალი.

ვიქტორია დუაჩენკო

სუნამოს პრეზენტაცია პარფიუმერულ მაღაზიათა ქსელმა „ვულე-ვუმ“ ორიგინალური ფორმატით გამართა: სასტუმრო ROOMS-ის საკონფერენციო დარბაზში Kenzo World-ის რეკლამა გააცოცხლეს — ქორეოგრაფმა ვიდეორგოლში მსახიობ მარგარეტ ქუალის მიერ შესრულებული ცეკვა წარმოადგინა.

Kenzo World-ის არომატი გარკვეულწილად Kenzo-ს ხელწერას ატარებს - მწარე ნოტები მასშიც იკითხება, თუმცა ეს სულ სხვა Kenzo-ა — კურკჯიანის სტილში, ღრმა, აღმოსავლური მოტივებით. სურნელის წამყვანი ნოტი ამბროქსანია: როგორც კრეატიულმა დირექტორებმა განმარტეს, მას სურნელის შექმნაში დაახლოებით ლეონარდო და ვინჩის ნათელი გრადაციის ტექნიკის ფუნქცია ენიჭება, ტილოებზე ნისლის და უხილავი კონტურის ილუზიას რომ ქმნის. მისტიკური, შემოქმედებითი სურნელის მისაღებად კურკჯიანმა ამბროქსანს ჟასმინის და პიონის ნოტებიც დაუმატა.

ნინო ნოდია

რაც შეეხება სუნამოს რეკლამას, ეს მისია ოსკარის პრემიის ლაურეატს, ამერიკელ რეჟისორ სპაიკ ჯონსს მიანდეს. თუმცა ვიდეოს წარმოუდგენელი პოპულარულობის მიზეზი სავარაუდოდ მაინც უმშვენიერესი მსახიობი ქალბატონი, სერიალ The Leftovers-ის გმირი მარგარეტ ქუალი გახდა, რომელიც ცნობისათვის ჰოლივუდის ვარსკვლავის — ენდი მაკდაუელის ქალიშვილია.

თათა სადრაძე, ნინო ნოდია, მაიკო მაზანაშვილი

ბახვა ბრეგვაძე და ვიკა კალანდია

ბახვა ბრეგვაძე, ვიკა კალანდია, ნინი გოგოლაძე, ნინო დარასელი, თეონა ბაღდავაძე