იცოდი, რომ 18-30 წლის მამაკაცებს სექსუალური შინაარსის ფიქრები საშუალოდ ყოველ 52 წამში აწუხებთ, ჩვენს პლანეტაზე კი ყოველ 5 წამში 2,778 წყვილს აქვს სექსი? 

გადავწყვიტეთ, რამდენიმე საინტერესო მოვლენა გაგაცნოთ იმ აქტივობაზე, რომელიც ადამიანის ცხოვრების მამოძრავებელ ძალადაა მიჩნეული და რომელზეც ყველაზე, ყველაზე ხშირად ვფიქრობთ… განსაკუთრებით კი — წვიმიან ამინდში :)

40 წლამდე ადამიანებს, რომლებიც არჩევნებზე არ დადიან, სექსი უფრო ხშირად აქვთ — სულ ცოტა, კვირაში ერთხელ, ვიდრე ამ ასაკობრივი ჯგუფის იმ ნაწილს, რომელიც არჩევნებზე აქტიურობით გამოირჩევა. საინტერესოა, რა ხდება პოლიტიკოსების ცხოვრებაში? :)

გამოკითხული ქალების 12 % აცხადებს, რომ სიამოვნებით დაკავდებიან სექსით ცნობილ ადამიანთან, თუ მისგან შეთავაზებას მიიღებენ

სექსის სრულყოფილი სესიის დროს დაახლოებით 200 კალორიას წვავ, რაც სარბენ ბილიკზე გატარებული 15 წუთის შედეგის ტოლფასია!

მიუხედავად იმისა, რომ საყოველთაოდ ცნობილია, რომ უწმაწურ სიტყვებს უმეტესად მამაკაცები იყენებენ, აღმოჩნდა, რომ სექსის დროს ამ მხრივ ქალები ლიდერობენ და მიიჩნევენ, რომ dirty talk-ი პრელუდიის გამრავალფეროვნების მიღებული ფორმაა

მსოფლიო მასშტაბით გამოკითხული სტუდენტების 40 % აცხადებს, რომ მათ თანაკურსელს პროფესორთან აქვს რომანი

მაგრამ ყველა იღბლიანი როდია!

ამერიკის შეერთებული შტატების მოსახლეობის 25-იდან 40 წლამდე ასაკობრივ ჯგუფებში 1 მილიონი მამაკაცი და 800,000 ქალია, რომლებსაც სექსი არასოდეს ჰქონიათ! ამავდროულად, ამერიკელები პირველ სექსუალურ გამოცდილებებს ყველაზე ხშირად ივნისის თვეში იღებენ, ყველაზე ხანგრძლივი კოიტუსით კი მაიამის მოსახლეობა გამოირჩევა — მათი სქესობრივი აქტი საშუალოდ 35 წუთს გრძელდება.

ძალიან ბევრ ადამიანს ორგაზმის მიღწევა სხვადასხვა მიზეზის გამო არ შეუძლია, თუმცა ამის გამომწვევი ყველაზე გავრცელებული მიზეზი ფეხის ტერფებზე სიცივის შეგრძნებაა: მათ, ვისაც ფეხები გამუდმებით გაყინული აქვთ, ექსპერტები სექსის დროს წინდების ჩაცმას ურჩევენ: ბრიტანეთის მოსახლეობის 80 %-მა განაცხადა, რომ წინდები ორგაზმის მიღწევაში ეხმარებათ, გამოკითხულთა 50 % კი, ვისაც სექსის დროს წინდა არ აცვია, ორგაზმის მიღწევის პრობლემების შესახებ საუბრობს.

სავარაუდოდ, მიზეზი მარტივია: როდესაც სხეული შემცივნებულია, ეს პირველ რიგში კიდურების გაყინვაზე აისახება. სრულყოფილი ორგაზმისთვის კი სისხლის მიმოქცევის გააქტიურებაა საჭირო, რასაც სიცივის გამო შევიწროებული სისხლძარღვები აფერხებს. ასე რომ, წინდის გაფეტიშება აქ არაფერ შუაშია :)

ირკვევა, რომ მთელი მსოფლიოს მასშტაბით, რესპუბლიკური პარტიის წევრებს უფრო ხშირად აქვთ სექსი, ვიდრე მათ დემოკრატ ოპონენტებს, თანაც რესპუბლიკელები მეტად სექსუალური ჩაცმულობით გამოირჩევიან.

35 წლამდე ასაკობრივი ჯგუფის წარმომადგენლები სექსის შემდეგ სოციალურ მედიაში აქტიურობენ, განსაკუთრებით — მამაკაცები (ცხადია, სტატუსი და კომენტარები მათ სქესობრივ ცხოვრებას არ ეხება)

იცოდი, რომ მამაკაცების სიკვდილიანობის ერთ-ერთი ძალიან გავრცელებული მიზეზი ეროტიკული ასფიქსიაა? რადიკალური სექსუალური ექსპერიმენტებით გატაცებულმა ადამიანებმა სიამოვნების გახანგრძლივების ახალი მეთოდი — ტვინისთვის ჟანგბადის მიწოდების შეზღუდვა შეიმუშავეს და, როგორც ამბობენ, ამ დროს განსაკუთრებული შეგრძნებები აღმოაჩინეს, თუმცა მათი ექსპერიმენტების უმრავლესობა ფატალურად დასრულდა. ამიტომაც გირჩევთ, ბუნებისგან მინიჭებულ სიამოვნებას დასჯერდე!

ინგლისელების 12% აღნიშნავს, რომ სექსის დროს ერთხელ მაინც ჩასძინებია, კანადის მცხოვრებთა 3/4 კი აცხადებს, რომ თვლემისას სწრაფი სქესობრივი აქტი სჩვევიათ

ქალების 35 პროცენტი სექსის დროს სახლის საქმეებზე ფიქრობს

მე-19 საუკუნეში ვიბრატორი ქალის „ისტერიული შეტევის“ სამკურნალოდ გამოიყენებოდა