თანამედროვე ძლიერი და დაბალანსებული ქალის მოხიბვლა არც ისე მარტივია. რა უნდა იცოდეს მამაკაცმა ასეთ ქალთან ურთიერთობის დროს და რას ითხოვს ასეთი ქალი მამაკაცისგან:

11. დინამიური ცხოვრების სტილი - თანამედროვე, ძლიერი ქალი მუდმივად მოძრაობს, მას არ შეუძლია ერთ ადგილას გაჩერება და მოსწონს დინამიური ცხოვრების სტილი. მნიშვნელოვანია, რომ თქვენც იგივე სისწრაფით ცხოვრება შეძლოთ და აყვეთ მის რიტმს. მის უკან კი არ მიდიოდეთ, არამედ მის გვერდით. თუ მისი ცხოვრების რიტმს აჰყვებით, ყველაფერი კარგად იქნება. 

10. დამოუკიდებლობა - თანამედროვე ქალი, ეძებს ისეთ მამაკაცს, რომელიც აბსოლუტურად დამოუკიდებელია - როგორც ფინანსურად, ასევე ფსიქოლოგიურად, რომელსაც აქვს ჯანსაღი მიდგომები სხვადასხვა საკითხების მიმართ და საკუთარი, დამოუკიდებელი აზრი, ჰობი, ჰყავს მეგობრები. 

9. პოზიტივი - ძლიერი ქალის კრედო წარმატებაა და მან იცის, რომ საკითხისადმი სწორი დამოკიდებულება წარმატების მომტანია. ის ცდილობს, გარშემომყოფები პოზიტივით აავსოს და სხვებისგანაც ამავეს ითხოვს. ასე რომ, დატოვეთ ყოველგვარი უარყოფითი კარს მიღმა, იყავით პოზიტიურები და დატკბით ცხოვრებით.

8. თავისუფლება - თანამედროვე ქალისთვის თავისუფლება ყველაფერია და ის იხიბლება მამაკაცით, რომელიც პატივს სცემს თავისუფლებას. მას არ შეუძლია რაიმე სახის შეზღუდვა აიტანოს და არავის მისცემს ამის საშუალებას. 

7. კონსტრუქციული კრიტიკა - როცა თანამედროვე ქალი შეცდომას უშვებს, ის მხოლოდ კონსტრუქციულ კრიტიკას მიიღებს. თუ უტაქტო შენიშვნებს მისცემთ, ის თქვენ გვერდით არ გაჩერდება.

6. გამოწვევა - თანამედრივე ქალებს მოსწონთ გამოწვევები. მათ სურთ, რომ შეეჯიბრონ თავიანთ პარტნიორს სხვადასხვა მიმართულებით. სხვა შემთხვევაში, ისინი თქვენ გვერდით მოიწყენენ და ინდიფერენტულები იქნებიან. თანამედროვე ქალის გვერდით მყოფ მამაკაცს მებრძოლი ნატურა უნდა ჰქონდეს, სავსე უნდა იყოს გამარჯვების ჟინით.

5. იუმორის გრძნობა - მუდმივად სტრესულ მდგომარეობაში ყოფნა რთულია, განტვირთვა ყველას სჭირდება და როცა პარტნიორმა იცის, როგორ გაგაცინოს, ეს შესანიშნავია.

4. მღელვარე სიყვარული - თანამედროვე, ძლიერი ქალი ძალიან ადამიანურია და რაც მნიშვნელოვანია, ის ქალია. დამოუკიდებელი, ამბიციური, მაგრამ ქალი. მათ სურთ, რომ უყვარდეთ და ბედნიერები იყონ. ისინი იხიბლებიან, როცა პარტნიორი სიყვარულს დაუფარავად გამოხატავს.

3. ნდობა - მასაც აქვს შიშები, იმედები და იცნებები და სურს იყოს ისეთი მამაკაცის გვერდით, რომელსაც ასეთ თემებზე ესაუბრება და აჩვენებს თუ რამდენად დაუცველია. მას სურს, რომ გვერდით ჰყავდეს პარტნიორი რომელსაც ენდობა.

2. სურს პარტნიორი გვერდით დაუდგეს ნებისმიერ სიტუაციაში - მას გვერდით ისეთი მამაკაცი სურს, რომელიც არა მხოლოდ მხარს დაუჭერს, არამედ დაეხმარება მიზნების მიღწევაში. 

1. თანამედროვე ქალს გვერდით სჭირდება ისეთი მამაკაცი, რომელიც ახალ ჰორიზონტს უჩვენებს - ძლიერი ქალი აანალიზებს, რომ მას უბრალოს არ შეუძლია ყველაფერი იცოდეს, მაგრამ რასაკვირველია, ცდილობს ბევრი რამ ისწავლოს. მას სჭირდება პარტნიორი, რომლისგანაც ყოველ დღე რაღაც ახალს ისწავლის, ყოველგვარი ლექციების გარეშე.