ცხოვრებაში უამრავ ადამიანთან გვიწევს ურთიერთობა. ზოგიერთი მათგანი ძალიან სასიამოვნო და პოზიტიური ენერგიის მატარებელია, თუმცა გვერდით გვყავს ისეთი ადამიანებიც, რომლებსაც მხოლოდ ზიანი მოაქვთ ჩვენთვის და ცხოვრებას ნეგატივით გვივსებენ.

გთავაზობთ 9 ნიშანს, რომელთა საშუალებითაც ამოიცნობთ ადამიანს, რომელიც ცხოვრებას გიწამლავთ და უარყოფითი ენერგიით გავსებთ.

1. ისინი არიან ცუდი მსმენელები - როცა ადამიანს ესაუბრები, ის კი არ გისმენს, ან უცებ გაწყვეტინებს და სხვა თემაზე იწყებს ლაპარაკს, ეს ძალიან თავხედური ქცევაა. ასეთ ადამიანებს სურთ მხოლოდ საკუთარ თავზე და საკუთარ ინტერესებზე ისაუბრონ და თქვენი აზრი არ აინტერესებთ.

2. ისინი ყოველთვის მსხვერპლნი არიან - თუ ნებისმიერ სიტუაციაში თავს ისე აჩვენებენ, რომ მსხვერპლნი არიან, ესეც მკაფიო ნიშანია. გამორიცხულია, რომ ყველა სიტუაციაში მხოლოდის იყოს მართალი.

3. ისინი ყოველთვის განსჯიან ადამიანებს - თუ თქვენ გვერდით არის ისეთი ადამიანი, რომელიც გამუდმებით სხვებზე საუბრობს, გამუდმებით სხვების ვიზუალს, ჩაცმის სტილს, ქმედებებს, თუ პირად ცხოვრებას განსჯის, სჯობს თავი აარიდოთ მასთან ურთიერთობას.

4. ყოველთვის ყურადღების ცენტრში ყოფნა სურს - თუ ყოველთვის ცდილობს, რომ მხოლოდ ის საუბრობდეს და ყურადღების ცენტრში იყოს, სხვებს საუბარს არ აცდის, საუბრობს ძალიან ხმამაღლა, ასეთი ქცევით ყველანაირ ენერგიას გართმევთ.

5. უპატივცემულობას იჩენენ ყველას მიმართ - თუ თქვენ გვერდით არის ადამიანი, რომელიც ყველას მიმართ უპატივცემულობას იჩენს, არასოდეს უხდის სხვებს მადლობას, რატომ უნდა იყოთ მის გვერდით? ასეთ ადამიანს მხოლოდ და მხოლოდ ცხოვრების გართულება შეუძლია.

6. ის ყოველთვის გაწყვეტინებთ საუბარს - ამის გამო ბოდიშსაც არ იხდის და თავისი ქცევა არ აწუხებს. მხოლოდ უსიამოვნების მომტანია ასეთ ადამიანთან ურთიერთობა.

7. ხშირად ილანძღება და სხვების მიმართ შეურაცხმყოფელ სიტყვებს არ იშურებს - ჩხუბი და კონფლიქტი მისი საყვარელი საქმიანობაა.

8. არ შეუძლია აღიაროს, რომ შეცდომა დაუშვა - თვლის, რომ ყოველთვის სწორ გზაზე დგას და მისი ყველა გადაწყვეტილება მართებულია. ზოგიერთი მათგანი იმის დასამტკიცებლად რომ მართალია, ხმამაღლა, თითქმის ყვირილით საუბრობს.

9. არ გრძნობს არანაირ პასუხისმგებლობას - ზოგიერთ ადამიანს საერთოდ არაფრის მიმართ არ აქვს პასუხისმგებლობის გრძნობა და რა საშინელებაც უნდა ჩაიდინოს, თავის თავს არ ადანაშაულებს, საკუთარ პასუხისმგებლობას ვერ გრძნობს. თუ ასეთი უპასუხისმგებლო ადამიანია თქვენ გვერდით, სასწრაფოდ უნდა გაეცალოთ.