როგორ უნდა ჩავიცვათ გასაუბრებაზე? სავალდებულოა თუ არა ოფიციალური სტილის სამოსი და შესაძლებელია თუ არა სპორტული ტანსაცლით გასაუბრებაზე მისვლა? - ა, და მსგავს კითხვებზე პასუხი საზოგადოების დიდი ნაწილისთვის ინტერესის საგანია.

არ აქვს მნიშვნელობა რომელ სფეროში ცდილობთ დასაქმებას, არსებობს ხუთი მთავარი რამ, რაც გასაუბრებაზე ადამიანმა არ უნდა ჩაიცვას:

1. მაღალქუსლიანი ფეხაცმელი, რომელსაც წელიწადში მხოლოდ ორჯერ იცვამთ - თუ მაღალქუსლიანი ფეხსაცმელი თქვენი სტილი არ არის და მას იშვიათად იცვამთ, აუცილებელი არაა, რომ ის ახლა, გასაუბრებაზე ჩაიცვათ. იმისთვის რომ თავდაჯერებული იყოთ, თავს კომფორტულად უნდა გრძნობდეთ და ამ კომფორტს, პირველ რიგში, ფეხსაცმელი გიქმნით. ასე რომ, მთავარია ჩაიცვათ ისეთი ფეხსაცმელი, რომელშიც თავს კომფორტულად გრძნობთ. 

2. ძალიან დიდი ზომის ჩანთა - არ არის საჭირო გასაუბრებაზე წაიღოთ ლანჩი, წყლის ბოთლი, კოსმეტიკის ჩანთა და ა.შ. ერთი დღით ეს ყველაფერი დატოვეთ სახლში და არჩევანი შეაჩერეთ უფრო მცირე ზომის სტრუქტურულ ჩანთაზე, თუ პორტფოლიოს, ან ბაინდერის წაღება გჭირდებათ, უმჯობესია, თუ მას ხელში დაიკავებთ, ასე თქვენი საქმიანი იმიჯი უფრო თვალშისაცემი იქნება. 

3. ჯინსები - უმჯობესია, თუ გასაუბრებაზე წასვლისას ჯინსებზე უარს იტყვით, ან თქვენს სამოსში მინიმალურად გამოიყენებთ. მაგ: თუ ჩაიცვამთ ჯინსის შარვალს, უარი თქვით ჯინსის ქურთუკზე.

4. უარი უნდა თქვათ ექსტრავაგანტულ სამოსზე - შესანიშნავია თუ მოდას თქვენ განსაზღვრავთ და ადამიანები ბაძავენ თქვენს სტილს, მაგრამ გასაუბრება ნამდვილად არ არის ის ადგილი, სადაც თქვენი ექსტრავაგანტულობა უნდა აჩვენოთ. გახსოვდეთ, რომ ხელმძღვანელ თანამდებობაზე მყოფი ადამიანები ყოველთვის ისე ვერ ერკვევიან მოდაში, როგორც თქვენ, ამიტომ უმჯობესია, თუ გასაუბრებზე თქვენს ექსტრავაგანტულ სტილს დაივიწყებთ და ჩვეულებრივი სამოსით წახვალთ.

5. ნუ ჩაიცვამთ ძალიან ტრენდულ სამოსს - ადამიანებს, რომლებიც გასაუბრებაზე დაგხვდებიან, დიდი ალბათობით თქვენი სამოსით დაამახსოვრდებით და არა თქვენი შესანიშნავი იდეებითა და გამოცდილებით.

როგორ უნდა ჩაიცვათ გასაუბრებაზე?

თითქმის ყველა კომპანიას საკუთარი დრეს კოდი აქვს და სანამ გასაუბრებაზე წახვალთ, უმჯობესია თუ ამ დრეს კოდის შესახებ გაიგებთ. თუ პიჯაკი არის აუცილებელი, ასეც უნდა მოიქცეთ და პიჯაკი ჩაიცვათ.

თუ გასაუბრებაზე ნაკლებად ფორმალურ გარემოში მიდიხართ, შეგიძლიათ ჩვეულებრივი, ყოველდღიური სტილის სამოსიც ჩაიცვათ. სამოსი უნდა იყოს მარტივი, არ უნდა იყოს გადატვირთული სხვადასხვა დეტალებით და აუცილებლად უნდა გიხდებოდეთ.