ბევრ ადამიანს მოსწონს ფსიქოლოგიური ტესტები. ზოგიერთი მათ მხოლოდ გართობის მიზნით აკეთებს, ზოგისთვის შთაგონების წყარო ხდება - ადამიანები ასეთი ფსიქოლოგიური ტესტების საშუალებით იგებენ, რა უნდა გააკეთონ, როგორ ჩაიცვან, როგორ იცხოვრონ და ა.შ.

ამჯერად გთავაზობთ ტესტს, რომელიც ფერების ფსიქოლოგიას ეყრდნობა. მისი შედეგებით გაიგებთ თქვენს ფარულ სურვილებსა და იმას, თუ რას უნდა ელოდოთ 2018 წელს.

შეხედეთ ფოტოს ყურადღებით, მოუსმინეთ გულის ხმას და აირჩიეთ ერთ-ერთი ხე. ახლა კი, მოძებნეთ შესაბამისი პასუხი:

1. თუ პირველი, ანუ მუხის ხე აირჩიეთ - თქვენთვის ცხოვრება დიდი თავგადასავალია, რომელიც მოულოდნელობებითაა სავსე. ახალი წელი ცხოვრებაში სასიამოვნო და მნიშვნელოვან სიახლეებს გპირდებათ იმიტომ, რომ ხართ გახსნილი ადამიანი, მზად ხართ ახალი შთაბეჭდილებების მისაღებად და მზად ხართ ცვლილებებისთვის. საქმეს ვნებით და ჟინით აკეთებთ, ამიტომაც წარმატება არ დააყოვნებს. 2018 წელს ბევრი სასიამოვნე მოვლენა გელით.

2. თუ მეორე, ლარიქსის ხე აირჩიეთ - მიუთითებს რომ დამოუკიდებელი ადამიანი ხართ. შეგიძლიათ დამოუკიდებლად სრულიად მარტომ აირჩიოთ თქვენი ცხოვრების გზა და ამ საკითხში არავის მისცემთ ჩარევის უფლებას. 2018 წელსაც არავის დაუჯეროთ, იმოქმედეთ საკუთარი სურვილების შესაბამისად, თუ გინდათ, რომ წარმატებას მიაღწიოთ.

3. თუ მესამე, ნეკერჩხლის ხე აირჩიეთ - ძალიან მგრძნობიარე ხართ. საკუთარ თავზე ზრუნვაში დიდ დროს ატარებთ, თუმცა არც სხვებზე ზრუნვა გავიწყდებათ. 2018 წელს თქვენს ცხოვრებაში გაჩნდება ადამიანი, რომელთანაც ჰარმონიულ სასიყვარულო ურთიერთობას ააწყობთ. ცხოვრება ბევრი ნათელი ფერით აივსება. მთავარია, უფრო თამამები იყოთ.

4. თუ მეოთხე ხე აირჩიეთ, ეს მურყანია - მიუთითებს, რომ ძალიან პრაქტიკული და დაბალანსებული ადამიანი ხართ. თქვენ გვერდით ყოფნა სხვებისთვის ძალიან კომფორტულია, რადგანაც სანდო და სამართლიანი ხართ. საპირისპირო სქესის ადამიანებთან ურიერთობის დამყარება ცოტა გიჭირთ. გაგახარებთ და გეტყვით, რომ ახალ წელს სასიამოვნო სიახლეები გელოდებით. დიდი ალბათობით, შეხვდებით ადამიანს, რომელიც შეგიყვარებთ ისეთს, როგორიც ხართ და არ მოინდომებს თქვენს შეცვლას.

5. თუ მეხუთე ხე აირჩიეთ, ეს მირტის ხეა - თავდაჯერებული ადამიანი ხართ. საკუთარ ცხოვრებას კარგად აკონტროლებთ. შეგიძლიათ დატკბეთ მომენტით. ბედნიერი ხართ იმით, რაც გაქვთ. არ გიყვართ საქმის გადადება. გარშემომყოფები ძლიერ ადამიანად გთვლიან და თქვენი ძლიერი ხასიათის შტრიხები ძალიან მოსწონთ. 2018 წელს შრომა და მიზანდასახულობა დაგიფასდებათ და მოსალოდნელია, რომ თქვენი შემოსავალი მნიშვნელოვნად გაიზრდება.

6. თუ მეექვსე, ქლიავის ხე აირჩიეთ - მშვიდი და გონიერი ადამიანი ხართ. გიყვართ მეგობრების გარემოცვაში დროის გატარება, მაგრამ არც მარტოობა ხდება მოწყენილობის მიზეზი. ზოგჯერ გჭირდებათ, რომ საკუთარ თავთან მარტო დარჩეთ იმისთვის, რომ დაფიქრდეთ ცხოვრებაზე, გჭირდებათ პირადი სივრცე. გირჩევთ, 2018 წელს დაივიწყოთ მარტოობა და რაც შეიძლება მეტ ადამიანთან გქონდეთ ურთიერთობა. მოსალოდნელია, რომ შეხვდებით ადამიანს, რომლისთვისაც მოგინდებათ მთელი თქვენი ცხოვრების შესახებ მოყოლა, გულის გადაშლა, რომელთანაც ბევრ საერთოს იპოვნით. ნუ იქნებით ფრთხილად, იყავით უფრო თამამები და გახსნილები.

7. თუ მეშვიდე, ცაცხვის ხე აირჩიეთ - თავდაჯერებული ადამიანი ხართ, რომელსაც შეუძლია მარტივად და სწრაფად შეაფასოს მოვლენები. არ გიჭირთ ადამიანებთან კომუნიკაცია. სწორედ ამ კომუნიკაციის უნარის წყალობით შეხვდებით ადამიანს, რომელიც დიდ როლს ითამაშებს თქვენს კარიერულ წარმატებაში.

8. თუ მერვე, წაბლის ხე აირჩიეთ - მეოცნებე და რომანტიკოსი ხართ, არ გაქვთ რაციონალურად ფიქრის უნარი, გრძნობები თქვენთვის ყველაზე მნიშვნელოვანია. როცა აღმოაჩენთ ადამიანს, რომლისთვისაც გრძნობებია მთავარი, მაშინვე საოცარ სიახლოვეს გრძნობთ მისდამი. მოსალოდნელია, რომ 2018 წელს სწორედ ასეთ ადამიანს შეხვდებით. ადამიანს, რომელიც გაგიგებთ, არ შეზღუდავს თქვენს ოცნებებს და მოგცემთ ემოციებისა და გრძნობების გამოხატვის შესაძლებლობას.

9. თუ მეცხრე, ტირიფის ხე აირჩიეთ - რისკის გაწევა გიყვართ, მოგწონთ გამოწვევები და ახალი საქმე. გღლით ყოველდღიური რუტინა. ცვლილებები მოგწონთ და 2018 წელს ის არ დააყოვნებს. გირჩევთ, ახალ წლამდე არაფერი შეცვალოთ. ახალი წლის შემდეგ თქვენს წინ დიდი შესაძლებლობები გადაიშლება.