გთავაზობთ რამდენიმე იდეას საახალწლოდ პაემნისთვის, რომლებიც ვფიქრობთ, დაგეხმარებათ, საყვარელი ადამიანის გვერდით ახალი წლის ღამე დაუვიწყარ დღესასწაულად აქციოთ.

1. დაპატიჟეთ ისეთ ადგილას, სადაც ბევრს იცეკვებთ - რა შეიძლება იყოს უკეთესი ვიდრე საცეკვაოდ წასვლა? კარგად გაერთობით, მხიარულ განწყობაზე დადგებით და რაც მთავარია, ერთმანეთთან საოცარ სიახლოვეს იგრძნობთ. ნუ შეგეშინდებათ იმის, რომ ცეკვა საერთოდ არ გამოგდით. გვერწმუნეთ, სულაც არაა საჭირო საუკეთესო მოცეკვავე იყოთ.

2. თამაშების ღამე - თუ განმარტოება გინდათ, ბევრი ადამიანის გარემოცვაში ყოფნა არ გსურთ და გინდათ თავი აარიდოთ ხმაურს, ამავდროულად, მხიარულად გაატაროთ საღამო საყვარელ ადამიანთან ერთად, მოიფიქრეთ რამე თამაში, ან თავსატეხი მისთვის, რომელსაც მინიშნებების საშუალებით ამოხსნის. რა თქმა უნდა, თავსატეხის ამოხსნის შემთხვევაში რაიმე პრიზიც უნდა ერგოს. ახალი წლის ღამეს ასეთი თამაშით დაუვიწყარს და ძალიან მხიარულს გახდით.

3. წადით ქალაქგარეთ - თუ თქვენ და თქვენს პარტნიორს მოგწონთ თავგადასავლები დაგეგმეთ საახალწლოდ მცირე მოგზაურობა.

4. წადით ბოულინგის სათამაშოდ - რა თქმა უნდა, ახალი წელი, მხოლოდ ღამის კლუბში გართობას არ ნიშნავს. შეგიძლიათ სხვა აქტივობებითაც დაკავდეთ, მაგ: გაერთოთ ბოულინგის თამაშით. თუ ასე მოიქცევით, ახალი წლის ღამეს ნამდვილად დიდი მხიარულება გელით.

5. ახალი წლის ღამეს მოამზადეთ რაიმე ერთად - წადით საყიდლებზე ერთად და სამზარეულოშიც ერთად იფუსფუსეთ. გვერწმუნეთ, ეს ყველაზე გემრიელი ახალი წელი იქნება.

6. დესერტი - თუ სხვებთან ერთად ხვდებით ახალ წელს, შეგიძლიათ, დესერტზე საყვარელი ადამიანი ცალკე წაიყვანოთ და ეს დესერტი მხოლოდ მისთვის უნდა იყოს. წადით ორივე თქვენგანისთვის საყვარელ ადგილას.

7. მოაწყვეთ სპა სალონი სახლში - არ იდარდოთ იმაზე თუ არ გაქვთ სპა სალონში წასვლისთვის საკმარისი თანხა. შეგიძლიათ, სახლშიც მოაწყოთ საკუთარი სპა. ერთმანეთს მასაჟი გაუკეთოთ და ჩვეულებრივი ღამე განსაკუთრებულად აქციოთ.

8. ივახშმეთ საწოლში - გრძელი და დამღლელი დღის შემდეგ გაანებივრეთ საკუთარი და საყვარელი ადამიანი და მიირთვით საწოლში.

9. მოაწყვეთ კინოჩვენება - შეგიძლიათ მთელი ღამე საყვარელ ადამიანთან ერთად საყვარელ ფილმებს უყუროთ.

10. უბრალოდ მოაწყვეთ განტვირთვისა და დასვენების საღამო - გაერიდეთ ხმაურს და მხოლოდ ძვირფასი ადამიანის სიყვარულით დაკავდით.

11. წადით კონცერტზე - საახალწლოდ უამრავი კონცერტი და ღონისძიება იმართება. შეგიძლიათ შეარჩიოთ ფავორიტი და საყვარელ ადამიანთან ერთად წახვიდეთ.

12. გაატარეთ რომანტიკული საღამო ბუხართან, წითელი ღვინის არომატით - თუ გსურთ, რომ რომანტიკული საღამო მოუწყოთ ძვირფას ადამიანს, რა თქმა უნდა ბუხარი და წითელი ღვინო საუკეთესო გადაწყვეტილება იქნება.

13. წადით ზღვის სანაპიროზე და დატკბით ლამაზი ხედებით.

14. წადით მდიდრულ რესტორანში - ისეთ ადგილას, სადაც ძალიან ორივე თქვენგანი ძალიან უნდა გაიპრანჭოს. დააგემოვნეთ გემრიელი კერძები.

15. უბრალოდ დაპატიჟეთ სახლში და მიირთვით ერთად ღვინო.