1. მადონა და ევა პერონი

1996 წლის ფილმში „ევიტა“ მადონამ არგენტინელი მსახიობისა და პირველი ლედი ევა დუარტეს როლი ითამაშა. ევა პოლკოვნიკ ხუან პერონის მეუღლე გახლდათ, რომელიც აღიარებულია, როგორც ტირანი პრეზიდენტი.

2. ნიკოლ კიდმანი და ვირჯინია ვულფი

2002 წელს ნიკოლ კიდმანმა კარდინალურად შეიცვალა გარეგნობა, რათა ფილმში „საათები“ ცნობილი ბრიტანელი მწერალი ვირჯინია ვულფი განესახიერებინა.

3. მარიონ კოტიარი და ედიტ პიაფი

ლეგენდარული „ბეღურას“ როლისთვის 2007 წლის ფილმში „ცხოვრება ვარდისფერ ფერებში“ მარიონ კოტიარმა „ოსკარი“ მიიღო.

4. ნაომი უოტსი და დაიანა

2013 წლის ფილმის „დაიანა: სიყვარულის ისტორია“ სიუჟეტი დაფუძნებულია უელსის პრინცესას რეალურ რომანზე პაკისტანელ კარდიოქირურგ ხასნატ კხანთან, მაგრამ საიდუმლო სასიყვარულო კავშირის დეტალები გამოგონილია, რის გამოც მთავარი როლის შემსრულებელი ნაომი უოტსი კრიტიკის ქარ-ცეცხლში მოჰყვა, როგორც სამეფო ოჯახის მხრიდან, ასევე თავად კხანისგან.

5. მიშელ უილიამსი და მერილინ მონრო

მთავარი როლისთვის მელოდრამაში „7 დღე და ღამე მერილინთან“ მიშელ უილიამსი ნომინირებული იყო „ოსკარზე“.

6. ლინდსი ლოჰანი და ელიზაბეტ ტეილორი

2012 წლის ფილმი „ლიზი და დიკი“ გვიამბობს ელიზაბეტ ტეილორისა და რიჩარდ ბარტონის სიყვარულის სკანდალურ ისტორიას. ორი მსახიობის მხურვალე რომანი ნამდვილად არის ეკრანიზაციის ღირსი, მაგრამ არა იმის, სადაც ითამაშა ლინდსი ლოჰანმა. კრიტიკოსებმა გაანადგურეს როგორც მისი თამაში, ასევე თვით პროექტიც.

7. მერილ სტრიპი და მარგარეტ ტეტჩერი

„რკინის ლედის“ როლისთვის მერილ სტრიპმა მესამე „ოსკარი“ მიიღო, მაგრამ მთავარი გმირი ფილმით უკმაყოფილო დარჩა.

8. ანჯელინა ჯოლი და ჯია კარანჯი

80-იანი წლების სუპერმოდელის უზარმაზარი წარმატება, ნარკოტიკებით ტრაგიკული გატაცება და სევდიანი დასასრული. ჯია ისტორიაში არ შესულა როგორც სუპერ მოდელი, ის პირველი ქალი იყო, რომელიც რეგისტრირებულად დაიღუპა შიდსისგან.

9. ჯენიფერ ლავ ჰიუიტი და ოდრი ჰეპბერნი

2000 წლის ფილმს „ოდრი ჰეპბერნის ისტორია“ არ მოჰყოლია დიდი წარმატება და სამწუხაროდ, ოდრის როლიც ვერ დაეხმარა ჯენიფერს, რომ უმაღლესი დონის ვარკვლავების სიაში გადასულიყო.

10. ოდრი ტოტუ და კოკო შანელი

მთავარ როლზე დრამაში - „კოკო შანელამდე“ პრეტენზია კირა ნაიტლიმ განაცხადა, მაგრამ ვინ ითამაშებდა საკულტო ფრანგი ქალის როლს, თუ არა თავად ფრანგი? - საბოლოოდ როლი ოდრი ტოტუს ერგო.