1. გოგონა 3 წელი დადიოდა სამსახურში ერთი და იგივე ტანსაცმელით

ექსპერიმენტის არსი: ერთხელ, კარადასთან გაუთავებელი ფიქრით დაღლილი მატილდა კალმა, ბლუზებისა და შარვლების რამდენიმე კომპლექტი იყიდა. მომდევნო 3 წელი სამსახურში მხოლოდ ამ „უნიფორმით“ დადიოდა.

შედეგი: მკვეთრი ფერის სამოსი მატილდამ უქმე დღეებისთვის შემოინახა. ექსპერიმენტმა მისცა საშუალება შეემცირებინა ყოველდღიური სამზადისის დრო, მან ხომ ყოველთვის იცის, რა ჩაიცვას.

2. ახალგაზრდა მამაკაცი მთელი წლის განმავლობაში მხოლოდ კარტოფილით იკვებებოდა

ექსპერიმენტის არსი: ენდრიუ ტეილორი მთელი წელი იკვებებოდა მხოლოდ კარტოფილით.

შედეგი: ენდრიუმ აჩვენა მთელ მსოფლიოს, რა მოუვა ადამიანის სხეულს, თუ ის მხოლოდ კარტოფილით იკვებება. შეხედეთ, ამ მამაკაცმა შეძლო 53 კგ-ის დაკლება და მშვენივრად გამოიყურება! მაგრამ ეს ექსტრემალური დიეტა ყველას არ უხდება.

3. ბავშვობა გაჯეტების გარეშე

ექსპერიმენტის არსი: მრავალშვილიანი დედა და ფოტოგრაფი ნიკი ბუნი ახალ ზელანდიაში ფერმაში ცხოვრობს. მან გადაწყვიტა, რომ ოთხი შვილი ტელევიზორისა და გაჯეტების გარეშე, ბუნებასთან ჰარმონიაში გაეზარდა. ოჯახი უკვე 7 წელია ამ კონცეფციას მისდევს.

შედეგი: ნიკის ოჯახი საკუთარ გამოცდილებაზე დარწმუნდა, რომ ბედნიერებისთვის ბავშვებს სჭირდებათ არა გაჯეტები, არამედ სიყვარული და ცოტა თავისუფლება. ისინი მშვენივრად იზრდებიან პლანშეტებისა და სმარტფონების გარეშე.

4. 20 წელი ფულის გარეშე

ექსპერიმენტის არსი: ჰაიდემარი შვერმერმა უარი თქვა ნაქირავებ ბინაზე, გააჩუქა თითქმის ყველა თავისი ნივთი და დაიწყო დიდი ექსპერიმენტი - ეცხოვრა ერთი წელი ფულის გარეშე. საკვების და ღამის გასათევის სანაცვლოდ ის ადამიანებს ოჯახის საქმის კეთებაში ეხმარებოდა. დადიოდა ფეხით, ნივთებიდან კი მას მხოლოდ ერთი ჩემოდანი დარჩა ყველაზე საჭირო ნივთებით.

შედეგი: ჰაიდემარიმ იცხოვრა ფულის გარეშე 20 წელი. საკუთარი ცხოვრებით მან დაამტკიცა, რომ ფული მთავარი რამ არ არის ცხოვრებაში.

5. ერთი წელი ინტერნეტის გარეშე

ექსპერიმენტის არსი: ჟურნალისტმა პოლ მილერმა უარი თქვა სოციალურ ქსელებზე, მობილურ ნივთებსა და ელექტრონულ ფოსტაზეც. ის 12 წლიდან იყო ინტერნეტის მომხმარებელი და გადაწყვიტა გაეგო, როგორია ცხოვრება ბრაუზერის მიღმა.

შედეგი: მან დაიწყო საკუთარი რომანის წერა, დაიკლო 5 კგ და ისწავლა უკეთესად კონცენტრირება. ექსპერიმენტის დამთავრების შემდეგ პოლმა დაიწყო ინტერნეტის უფრო შეგნებული მოხმარება. სოციალური ქსელი ხომ - მხოლოდ ინსტრუმენტია, რომელიც ჭკუით უნდა მართო.