31 იანვარს სავსე მთვარე ლომის ზოდიაქოში იქნება და ამავდროულად, მთვარის სრული დაბნელებაა მოსალოდნელი. ეს პერიოდი დაიწყება 10:51 წუთზე და გაგრძელდება 16:08 წუთამდე. ამ დროს ყველა ზოდიაქოს ნიშნისთვის დიდი ცვლილებებია მოსალოდნელი, რომლებიც მათ შემდგომ ცხოვრებაზე მოახდენს გავლენას.

1. ვერძი - ცვლილებები შეეხება თქვენს ფინანსებს. დროის ამ მონაკვეთში პირადი ბიუჯეტის კორექტირება, შესაძლოა, დადებითი შედეგის მომტანი იყოს. ამ პერიოდში ფინანსური დანაკარგების შიში შეგიპყრობთ და ეს სტრესის გამომწვევი მიზეზი გახდება. ეცადეთ, შეინარჩუნოთ სიმშვიდე, ვინაიდან სერიოზული ფინანსური პრობლემები მოსალოდნელი არ არის. უფრო მეტიც, გადაწყვეტილებებს თუ მშვიდად მიიღებთ, მთავრის დაბნელების შემდგომ პერიოდში ფინანსები გაიზრდება.

მთვარის დაბნელება სასიყვარულო ურთიერთობაზეც მოახდენს გავლენას. ურთიერთობაში არსებული პრობლემების მოგვარების გზას გამონახავთ. შესაძლოა, ახალი სიყვარული იპოვნოთ და თუ ასე მოხება, ურთიერთობა აუცილებლად იქნება წარმატებული.

მთვარის დაბნელება გავლენას მოახდენს უჯახურ ურთიერთობებზეც, განსაკუთრებით ოჯახის ახალგაზრდა წევრებთან მიმართებაში. შესაძლოა ამ კუთხით არასასიამოვნო სიტუაციაში აღმოჩნდეთ.

2. კურო - ძალიან ბევრი საქმე გამოგიჩნდებათ ერთდროულად გასაკეთებელი. შესაძლოა, მნიშვნელოვანი გადაწყვეტილების მიღება მოგიხდეთ. თუ რაიმე ბიზნესით ხართ დაკავებული, გარკვეული ცვლილებების განხორციელება მოგიწევთ. მოსალოდნელია, რომ მთვარის დაბნელების დროს ყველაზე დიდი პრობლემები კარიერული თვალსაზრისით შეგექმნებათ. რაც შეეხება ოჯახს და ახლობლებთან ურთიერთობებს, ეს მთლიანად თქვენს ყურადღებაზე იქნება დამოკიდებული. საჭიროა, რომ საყვარელ ადამიანებს უფრო მეტი დრო დაუთმოთ.

სასიყვარულო ურთიერთობაზე მთვარის დაბნელება გავლენას ვერ მოახდენს. ამ კუთხით დისბალანსი და პრობლემების წარმოშობა მოსალოდნელი არ არის. მოსალოდნელია, ჯანმრთელობის პრობლემების გაჩენა, ამიტომ უფრო მეტად გაუფრთხილდით საკუთარ თავს.

3. ტყუპები - განსაკუთრებული ცვლილებები შეეხებათ იმ ადამიანებს, რომლებიც განათლებას იღებენ, ან საგანმანათლებლო სფეროში მუშაობენ. დისციპლინა მაქსიმალურად დაიცავით და არ მიიღოთ სარისკო გადაწყვეტილებები. შესაძლოა, ადამიანებთან კომუნიკაციის დროს გარკვეულ პრობლემებს წააწყდეთ და მათ ვერ გაგიგონ, ან თქვენ ვერ გაუგოთ. ყურადღებით შეინახეთ მნიშვნელოვანი ფაილები ტელეფონსა და კომპიუტერში, იზრუნეთ მანქანაზე და დაიცავით უსაფრთხოების წესები მაქსიმალურად, წინააღმდეგ შემთხვევაში, შესაძლოა გარკვეულ გართულებებს წააწყდეთ.

ოჯახური ურთიერთობების თვალსაზრისით გამოწვევების წინაშე აღმოჩნდებით, რის გამოც სტრეში ჩავარდებით. მთვარის დაბნელება ფინანსური თვალსაზრისითაც უარყოფით გავლენას მოახდენს. ამ კუთხით კარგა ხანია პრობლემები გაქვთ და ახლა ის უფრო მეტად იჩენს თავს.

4. კირჩხიბი - ეს არის დრო, როცა უნდა სცადოთ მაქსიმალურად გატვირთვა და დასვენება, ძალების მოკრება. ბევრი კუთხით მთვარის დაბნელების გამო ცვლილებებია მოსალოდნელი. თუ განტვირთვისთვის დროს გამონახავთ, პრობლემების გადაჭრის გზებს მარტივად იპოვნით. მედიტაცია თქვენს საუკეთესო მეგობრად აქციეთ.

თავი დაანებეთ უსარგებლო საქმეებისთვის დროის ხარჯვას. იმუშავეთ საკუთარ თავზე, საკუთარი თავის განვითარებაზე. მთვარის დაბნელება გავლენას მოახდენს თქვენს ფინანსურ მდგომარეობაზე. ამ თვალსაზრისით დაშვებული უმნიშვნელო შეცდომაც კი, შესაძლოა ძალიან მძიმე შედეგების მომტანი აღმოჩნდეს.

5. ლომი - განსაკუთრებული ყურადღება მიაქციეთ ჯანმრთელობის საკითხებს მთვარის დაბნელების პერიოდში. დარწმუნდით, რომ კარგად გძინავთ და კარგად ისვენებთ და ყველა შესაძლებლობა საკუთარ თავზე ზრუნვისთვის გამოიყენეთ.

შესაძლოა, ამ პერიოდში გააანალიზოთ, რომ არ გინდათ იმ ადამიანების გვერდით ყოფნა, რომლებიც გარშემო გყავთ. ახალი გარემო და ახალი ადამიანები გჭირდებათ. არ შეგეშინდეთ ცვლილებების. ის მხოლოდ და მხოლოდ წარმატების მომტანი იქნება.

რაც შეეხება ფინანსურ მდგომარეობას, ამ კუთხით გართულებები მოსალოდნელი არ არის, თუმცა არც აღმასვლას უნდა ელოდოთ. სტაბილურად ისეთი ფინანსური მდგომარეობა გექნებათ, როგორიც ახლა გაქვთ.

6. ქალწული - თქვენზე მთვარის დაბნელება დადებითად მოქმედებს. მოსალოდნელია ბიზნესის, კარიერის კუთხით წარმატებები. იგრძნობთ ენერგიის მოზღვავებას და წარმატების მიღწევა უფრო გამარტივდება. ახალი შესაძლებლობები გაგიჩნდებათ.

სასიყვარულო ურთიერთობებზე მთვარის დაბნელება გავლენას არ მოახდენს, თუმცა ცვლილებები შეეხება მეგობრულ ურთიერთობებს. პრობლემურ მეგობრულ ურთიერთობებს დაასრულებთ, ხოლო თუ მყარი მეგობრობა გაკავშირებთ ვინმესთან, შესაძლოა, რაიმე პრობლემამ იჩინოს თავი. თუმცა ეს პრობლემა არ იქნება სერიოზული და კომუნიკაციის შედეგად მარტივად მოაგვარებთ.

7. სასწორი - სწორედ ახლა მიხვდებით ნამდვილი მეგობრების ფასს. მათ გარეშე ვერც თქვენ მოაგვარებთ პრობლემებს ამ პერიოდში და თქვენი მეგობრებიც ვერაფერს გააკეთებენ თქვენი მხარდაჭერის გარეშე.

ფინანსური კუთხით პრობლემები მოსალოდნელი არ არის და იგივე შეგვიძლია გითხრათ სამსახურზეც. გირჩევთ ამ პერიოდში არაფერი შეიძინოთ, რადგანაც მოსალოდნელია, რომ ამ დროს შეძენილ ნივთებს ვერ გამოიყენებთ, უსარგებლო პროდუქტს შეიძენთ,

8. მორიელი - მთვარის დაბნელება თქვენზე დადებით გავლენას მოახდენს. წარმატება გელოდებათ კარიერული თვალსაზრისით და ფინანსებით გაზრდის კუთხით. თუ სამსახური არ გაქვთ, სწორედ ახლა მოგეცემათ ამ კუთხით ყველაზე დიდი შესაძლებლობები.

ასტროლოგები გირჩევენ რომ გადადგათ ქმედითი ნაბიჯები, არ მოდუნდეთ. ცუდი ისაა, რომ შესაძლოა პრობლემები შეგემნათ ოჯახის წევრებთან, ან საყვარელ ადამიანებთან, რაც სტრესისა და დეპრესიის გამომწვევი მიზეზი გახდება.

9. მშვილდოსანი - ამ პერიოდში თავი აარიდეთ მოგზაურობას, ზოგადად მგზავრობას. მოსალოდნელია, რომ რაიმე საფრთხეში, სახიფათო სიტუაციაში აღმოჩნდებით. ისეთი საფრთხის წინაშე დადგებით, რომლისაც მთელი ცხოვრებაა ყველაზე მეტად გეშინიათ.

სცადეთ ყველაფერს თავი აარიდოთ, რაზეც გრძნობთ, რომ საფრთხის შემცველია. შეინარჩუნეთ სიმშვიდე.

გარკვეული ცვლილებებია მოსალოდნელი სამსახურში, თუმცა ეს ცვლილებები მხოლოდ და მხოლოდ წარმატების მომტანი იქნება.

10. თხის რქა - მშვილდოსნების მსგავსად თავი უნდა აარიდოთ სახიფათო სიტუაციებს, სახიფათო აქტივობებს. ეს ეხება სახიფათო სპორტსაც. ხიფათი მოსალოდნელია სექსუალური აქტივობის დროსაც. თუ სექსუალურად აქტიური ხართ, დარწმუნდით რამდენად იცავთ უსაფრთხოების ნორმებს.

უსაფრთხოება და დაცულობა აქციეთ პრიორიტეტად. შესაძლოა, სასიყვარულო ურთიერთობების თვალსაზრისით გარკვეული გამოწვევის წინაშე აღმოჩნდეთ, საფრთხე შეექმნას ქორწინებას. ყოველივეს გამომწვევი მიზეზი კი, ფინანსური პრობლემები იქნება.

11. მერწყული - მთვარის დაბნელება სასიყვარულო ურთიერთობაში იმაზე დიდ გამოცდას მოგიწყობთ, ვიდრე ოდესმე. მიმდინარე ურთიერთობა, შესაძლოა, ნამდვილ ბრძოლის ველად გადაიქცეს. გაუმკლავდით ამ სიტუაცია რამდენადაც შესაძლებელია მშვიდად.

მოსალოდნელია, რომ ზოგიერთი სასიყვარულო ურთიერთობა დასრულდება. თუ მარტოხელა ხართ, მარტოობის განცდა ძალიან შეგაწუხებთ და ამის გამო სტრესი დაგტანჯავთ.

მთავრის დაბნელება გავლენას მოახდენს სამსახურზეც. კარიერული თვალსაზრისით მოერიდეთ მკვეთრი ნაბიჯების გადადგმას და რადიკალური გადაწყვეტილებების მიღებას.

12. თევზები - მთვარის დაბნელება გავლენას მოახდენს თქვენი ჯანმრთელობის მდგომარეობაზე. ჯანმრთელობას მაქსიმალურად დიდი ყურადღება მიაქციეთ. იკვებეთ ჯანსაღად და შეცვალეთ კვების რაციონი.

სწორად გადაანაწილეთ დრო სამსახურისთვის, გართობისთვის და ძილისთვის.

სამსახურებრივი თვალსაზრისით სფეროს თუ შეუცვლით, ეს უფრო მეტ წარმატებას მოგიტანთ. ფინანსური კუთხით თქვენი ოჯახის ახალგაზრდა წევრები, ან მეგობრები პრობლემების წინაშე დადგებიან და გირჩევთ, მათ ამ შემთხვევაში მხარი არ დაუჭიროთ. მიეცეთ რჩევები, მაგრამ ფინანსურად არ დაეხმაროთ. წინააღმდეგ შემთხვევაში, შესაძლოა, თავადაც ფინანსური კრიზისის წინაშე აღმოჩნდეთ.