იაპონელმა პროფესორმა ისამუ საიტომ სათავე დაუდო ფსიქოლოგიის საინტერესო მიმართულებას, რომელსაც კოკოლოგია ეწოდება. კოკოლოგიური ტესტების არსი მდგომარეობს წარმოდგენილი სიტუაციების ინტერპრეტაციაში. საჭიროა რაც შეიძლება მკაფიოდ წარმოიდგინოთ 5 პუნქტში შემოთავაზებული მინი-სიუჟეტები და ამოარჩიოთ პასუხების ერთ-ერთი ვარიანტი.

1. უცნობი ურჩხული შიშს ჰგვრის ქალაქის მაცხოვრებლებს. როგორ ფიქრობთ, რა უნდა, რატომ გამოვიდა ტყიდან?

ა. მოშივდა... ყველასთვის ცნობილია, რომ ველური ცხოველები შიმშილის დროს ადამიანებთან გამოდიან.

ბ. ის ვიღაცას ეძებს თავისი გუნდიდან, იქნებ, წყვილს, შეიძლება შვილსაც კი.

გ. ის მხოლოდ ველური ნადირია ტყიდან. სხვა რა ახსნა შეიძლება ჰქონდეს ამას?

დ. მის ცხოვრებაში რაღაც საშინელი მოხდა. ქალაქში გამოსვლით ცდილობს ყურადღება მიიპყროს

2. იდუმალი თაყვანისმცემლისგან საჩუქრად მანუსკრიპტი მიიღეთ. როგორ ფიქრობთ, რა არის?

ა. ეს ცნობილი მწერლის ბიოგრაფიაა.

ბ. ეს კომედიური პიესაა.

გ. აბსურდის ლიტერატურაა.

დ. ეს პოემაა სიყვარულზე.

3. თქვენ გაქვთ ჯადოსნური მარაო. თუ დაუნიავებთ ვინმეს, ეს ადამიანი გაქრება. ვისზე გამოცდიდით მაგიური საგნის ძალას?

ა. საკუთარ თავზე.

ბ. საყვარელ ადამიანზე.

გ. მასზე, ვინც ყველაზე მეტ პრობლემას მიქმნის.

4. თქვენ ზიხართ ბაღში და კითხულობთ ნაჩუქარ მანუსკრიპტს. უცბად ჩნდება უცნობი და ამბობს...

ა. მეც მაქვს წაკითხული ეს წიგნი, შესანიშნავი ნაწარმოებია, ხომ ასეა?

ბ. როგორ მოგწონთ სიუჟეტი?

გ. თუ შეიძლება მითხარით, როგორ უნდა მოვხვდე მთავარ მოედანზე.

დ. მოხარული ვარ, რომ მოგეწონათ ჩემი საჩუქარი.

5. მეგობრებმა დაგპატიჟეს კრუიზში. როდესაც გემბანზე ახვედით, დაინახეთ...

ა. მშვიდი ზღვა, მზე ანათებს.

ბ. ღამის ზღვა და მთვარის შუქი

გ. თხელ ნისლში გახვეული ცივი, რუხი ფერის ზღვა.

დ. გამაოგნებელი სილამაზის მზის ჩასვლა.

პასუხები

1. ურჩხული - ეს თქვენი ცხოვრების მთავარი პრობლემაა.

ა. თქვენ არ ცხოვრობთ ბედნიერად, მუდმივად ზღუდავთ საკუთარ თავს.

ბ. სასიყვარულო ფრონტზე პრობლემები გაქვთ.

გ. გარშემომყოფები ნერვებს გიშლიან.

დ. ვერ გიგებენ და მარტოდ გრძნობთ თავს.

2. საჩუქარი - ეს თქვენი ხასიათის ერთ-ერთი ყველაზე მიმზიდველი თვისებაა.

ა. თქვენ ყოველთვის დარწმუნებული ხართ საკუთარ თავში და საკუთარ ძალებში და ყველანაირი საფუძველი გაქვთ ამისათვის.

ბ. მეგობრებს განსაკუთრებული იუმორის გრძნობით იზიდავთ.

გ. თქვენ ორიგინალური ადამიანი ხართ. დ. კეთილი ადამიანი ხართ, რომლისგანაც მხარდაჭერას ელიან მძიმე მომენტებში.

3. მარაო - პირად ცხოვრებაში პრობლემების გადაჭრის ხერხი

ა. თავს ქვიშაში მალავთ და ელოდებით, ყველაფერი თავისთავად როდის მოგვარდება.

ბ. თქვენ მიდრეკილი ხართ გადაიტანოთ პასუხისმგებლობა საყვარელ ადამიანზე.

გ. თქვენ არ არიდებთ თავს პრობლემებს, მაშინვე აგვარებთ მათ.

4. სცენა ბაღში აჩვენებს, რამდენად გულღია ხართ.

ა. თქვენ გიყვართ ახალი ნაცნობობა და არ კარგავთ ძველ კავშირებს. კომუნიკაბელურობა ძალიან მნიშვნელოვანია თქვენთვის.

ბ. თქვენ საკმაოდ მომთხოვნი ხართ ახალი ნაცნობების მიმართ.

გ. თქვენ არ გამძიმებთ მარტოობა. თქვენ ტკბებით სიმშვიდით და შესაძლებლობით აკეთოთ ის, რაც მოგწონთ თქვენ, და არა სხვებს.

დ. თქვენ მოგწონთ ყურადღების ცენტრში ყოფნა, და მშვენივრად იცით, როგორ მიაღწიოთ ამას.

5. ზღვა - ეს სიყვარულში თქვენი იდეალის განსახიერებაა.

ა. თქვენ გჭირდებათ, რომ ყველაფერი „ბრწყინავდეს“, ემოციები გავსებენ, და არა აქვს მნიშვნელობა, რა იქნება შემდეგ.

ბ. თქვენ არ გინდათ გქონდეთ საიდუმლო საყვარელი ადამიანისგან და მისი მხრიდანაც იგივე დამოკიდებულებას ელით.

გ. თქვენ დარწმუნებული ხართ, რომ შეყვარებული - ეს, პირველ რიგში, საუკეთესო მეგობარია.

დ. თქვენ თვლით, რომ ნამდვილი სიყვარული - ეს ის სიყვარულია, რომელიც აღწერილია რომანებში.