ტყუპები - ზოდიაქოს ამ ნიშნით დაბადებული ადამიანები კომუნიკაბელურები არიან, ადვილად პოულობენ ადამიანებთან საერთო ენას და გონებამახვილობით გამოირჩევიან. ფლირტის გაბმა მათ აბსოლუტურად ბუნებრივად გამოსდით. ტყუპებს არ სჩვევიათ თავიანთი ხუმრობების გამო სხვების უხერხულ მდგომარეობაში ჩაყენება. ტყუპებს არ ეშინიათ გრძნობების გამოხატვის, მათ შეუძლიათ დაუფარავად და გულწრფელად უთხრან ადამიანს, რომ მოხიბლულები არიან. ზოდიაქოს ამ ნიშნისთვის ფლირტის მთავარი იარაღი ინტელექტი და სიტყვებია, რომელიც განსაკუთრებულ შარმსა და მომხიბვლელობას ანიჭებთ.

სასწორი - ზოდიაქოს ამ ნიშნის ადამიანები განსაკუთრებით შარმიანები არიან, მათი ღიმილი გაყინულ გულებს ადნობს. სასწორი ძალიან რომანტიკული და ნაზია, როცა საქმე ფლირტს ეხება. ისინი მცირე მინიშნებებით იწყებენ ფლირტს და აგრძნობინებებნ პოტენციურ პარტნიორს ინტერესს. სასწორმა იცის, როგორ შეარჩიოს სიტყვები სწორად იმისთვის, რომ ობიექტის გული მოიგოს. მას შეუძლია პოტენციურ პარტნიორს თავი განსაკუთრებულ ადამიანად აგრძნობინოს. მისი მთავარი იარაღი მაცდური ღიმილი და იუმორის შესანიშნავი გრძნობაა, რომლის წინაშეც ყველა უძლურია.

ლომი - ზოდიაქოს ამ ნიშნის ადამიანები ძალიან თბილები და ქარიზმატულები არიან. ლომი დაუღალავად ცდილობს სხვების ყურადღების მიპყრობას. მას უყვარს ფლირტი, რადგანაც ფიქრობს, რომ ეს სახალისოა და შეუძლია თავისი მომხიბვლელობით ნებისმიერის გული მოიგოს.

მორიელი - ზოდიაქოს ამ ნიშნის ადამიანები ძლიერები, იდუმალები და ფლირტის ოსტატები არიან. მორიელს შეუძლია საუბრით ნებისმიერ დროს, ნებისმიერ ადგილას, ნებისმიერ ადამიანს თავბრუ დაახვიოს. მან იცის თავისი შესაძლებლობის შესახებ ამიტომაც, თავდაჯერებულია და ეს კიდევ უფრო საინტერესოს ხდის სხვების თვალში. მორიელმა თუ მოინდომა, წამებში მოახერხებს ნებისმიერის ცდუნებას.

ვერძი - როცა ვერძს რაიმე სურს, ის აუცილებლად მიიღებს კიდეც მას. ზოდიაქოს ამ ნიშნის ადამიანები ჯიუტები არიან და არასოდეს ნებდებიან. ისინი დიდად არ ცდილობენ სხვების მოხიბვლას, ეს აბსოლუტურად ბუნებრივად გამოსდით. ვერძს შეუძლია ადამიანს პირველივე შეხვედრაზე ინტიმური კითხვებით თავბრუ დაახვიოს. არ ეშინია პირველი ნაბიჯის გადადგმის, საკუთარ თავში დარწმუნებულია და ეს კიდევ უფრო მეტ მომხიბვლელობას ჰმატებს.

თევზები - ისინი ყველაზე მგრძნობიარე ადამიანები არიან, ამავდროულად, წარმოსახვისა და ინტუიციის საოცარი უნარით გამოირჩევიან. ზოდიაქოს ამ ნიშნის ადამიანები ფლირტის ნამდვილი ექსპერტები არიან. მათ შეუძლიათ პირველივე შეხვედრისთანავე გამოიცნონ როგორია ესა, თუ ის ადამიანი. მათ სიტყვებით სხვებზეზემოქმედება და შთაბეჭდილების მოხდენა შეუძლიათ. თევზების მთავარი იარაღი ფლირტის დროს ემოციურობისა და ინტელექტის შერწყმის გამოყენებაა, ამიტომაც ისინი სასურველი ადამიანების გულს მარტივად იგებენ.