ადამიანები განსხვავებულები ვართ - სხვადასხვა გემოვნება, მისწრაფებები და ინტერესის სფეროები გვაქვს, ამიტომ ყველას ერთნაირ საჩუქარს ვერ ვაჩუქებთ. საჩუქარი მისი ადრესატის გემოვნების შესაბამისად უნდა შევარჩიოთ.

გთავაზობთ ასტროლოგების რჩევებს - რა უნდა აჩუქოთ საუკეთესო მეგობარს ზოდიაქოს ნიშნების მიხედვით?

1. ვერძი - ზოდიაქოს ამ ნიშნის ადამიანები ბუნებით ლიდერები და თავგადასავლების მოყვარულები არიან. მათ ცხოვრებაში მარავალფეროვნება სჭირდებათ. უნდა აჩუქოთ რაიმე ისეთი, რაც დაუვიწყარ მოგონებად დარჩება. მაგალითად „ბანჯი ჯანფინგისთვის“ სპეციალური ბილეთი. საჩუქარი უნდა იყოს დაკავშირებული აქტივობასთან. ვერძს ასევე უყვარს უნიკალური ნივთები, რომელიც მხოლოდ მისთვისაა დამზადებული და რომლის მსგავსიც სხვას არ ექნება.

2. კურო - ზოდიაქოს ამ ნიშნის ადამიანებს უყვართ დასვენება, განტვირთვა და სიმშვიდე. შეგიძლიათ აჩუქოთ ერთი დღე სპა ცენტრში. კუროსთვის რაოდენობაზე მნიშვნელოვანი ხარისხია. კურო შეგიძლიათ გაახაროთ ასევე სუნამოთი, შარფით, ან უბრალოდ, გემრიელი შოკოლადით.

3. ტყუპები - ტყუპები კომუნიკაბელურები არიან, უყვართ ადამიანებთან ურთიერთობა. მას მცირედი საჩუქრებითაც გაახარებთ. ტყუპებისთვის მთავარი თქვენი ყურადღებაა. შეგიძლიათ აჩუქოთ საყვარელი სამოსის მაღაზიის სასაჩუქრე ბარათი, სათვალის ბუდე და ა.შ. ისინი პრეტენზიულები არ არიან.

4. კირჩხიბი - ზოდიაქოს ამ ნიშნის ადამიანები ბედნიერები იქნებიან თუ რაიმეს, საკუთარი ხელით გაკეთებულს აჩუქებთ. კირჩხიბებს ასევე უყვართ ისეთი ნივთები, რომლებიც სახლთან არის დაკავშირებული. მაგ: ჭურჭელი.

5. ლომი - ლომებს უყვართ, როცა თავს გამორჩეულად გრძნობენ. ამიტომ, თუ მისთვის არჩევთ საჩუქარს, რაიმე ისეთი უნდა შეარჩიოთ, რომ თავი განსაკუთრებულად იგრძნოს. ზოდიაქოს ამ ნიშნის ადამიანებს გაახარებთ ძვირფასი, ძვირადღირებული და ორიგინალური სამკაულებით, ასევე ძვირადღირებული კოსმეტიკური საშუალებების ნაკრებით.

6. ქალწული - ზოდიაქოს ამ ნიშნის ადამიანები პრაქტიკულები არიან და ისეთი ნივთები უნდა აჩუქოთ, რომლებსაც გამოიყენებენ. როგორც საუკეთესო გეგმების შემდგენელს, რომელიც მუდამ უფრთხილდება დროს, გაახარებთ თუ ორიგინალურ კალენდარს, ან დღიურს აჩუქებთ.

7. სასწორი - ზოდიაქოს ამ ნიშნის ადამიანები ხელოვნების ნიმუშებისა და ლამაზი ნივთების თაყვანისმცემლები არიან. გაახარებთ ხელნაკეთი სამკაულებით, ხელნაკეთი ჩანთებით და ა.შ.

8. მორიელი - მორიელები იდუმალები არიან და საიდუმლოებით მოცული ნივთები ხიბლავთ, ნივთები, რომელთა მიღმაც რაიმე ისტორია იმალება. ასევე, გაახარეთ არომატული და ფერადი სანთლებით, რომელთა საშუალებითაც ის სახლში იდუმალი გარემოს შექმნას მოახერხებს.

9. მშვილდოსანი - ზოდიაქოს ამ ნიშნის ადამიანები თავგადასავლების მოყვარულები არიან. მათ უყვართ მოგზაურობა, ამიტომაც გაახარებთ თუ მოდურ და მოსახერხებელ ზუგრჩანთას აჩუქებთ, რომელსაც მოგზაურობის დროს გამოიყენებს.

10. თხის რქა - ამბიციური თხის რქა განსაკუთრებით უფრთხილდება ჯანმრთელობას. მისთვის ვარჯიში უმნიშვნელოვანესია, ამიტომაც გაახარებთ, თუ სავარჯიშოდ ჰანტელებს აჩუქებთ, ასევე გაახარებთ ველოსიპედითაც.

11. მერწყული - მერწყულები მეგობრულები და კეთილები არიან. ისინი ყოველთვის თქვენ გვერდით არიან როცა გჭირდებათ. მერწყულს მცირედი საჩუქარიც გაახარებს. მისთვის მნიშვნელოვანია მუსიკა, ამიტომაც მოეწონება, თუ ყურსასმენებს აჩუქებთ.

12. თევზები - ზოდიაქოს ამ ნიშნის ადამიანები მეოცნებეები არიან და ძალიან გაუხარდებათ, თუ აჩუქებთ ორიგინალურ დღიურს, სადაც თავისი ოცნებების შესახებ დაწერს.