ვიწრო, ტანზე გამოყვანილი კაბა

შეიძლება ცოტა დაუჯერებლად ჟღერს, მაგრამ ეს ასეა! გოგონებს, რომლებსაც არ აწუხებთ წონის პრობლემა შეუძლიათ ნებისმიერი ქსოვილისგან შეკერილი კაბა ჩაიცვან, შედარებით სრულმა გოგონებმა კი სწორად უნდა შეარჩიონ ქსოვილი და სწორი აქსესუარები.

სწორი, გაშვებული კაბა

მსგავსი ტიპის კაბები ხაზს უსვავენ შენი ფორმების დელიკატურობას და ამავდროულად მალავენ ნაკლოვანებებს. თავიდან აირიდე ზედმეტად თავისუფალი კაბა, ის ვერ შეძლებს შენი სხეულის ლამაზი ფორმების აქცენტირებას, აუცილებელია შეარჩიო ზუსტი ზომა.

მოკლე მაისური (ტოპი)

რაც არ უნდა უცნაურად მოგეჩვენოს მოკლე მაისურები არამარტო მოდურია, არამედ ნებისმიერი ტანის ფორმის ადამიანს უხდება. არ არის აუცილებელი მოკლე მაისურის ჩაცმის დროს ჩანდეს მუცელი, პირიქით მაღალწელიან ქვედაბოლოს ან შარვლის ჩაცმის შემთხვევაში ის ვიზუალურად მაღალ ფეხებს გამოგიჩენს.

‘ფანქარი’ ქვედაბოლო

მსგავსი სტილის ქვედაბოლოს უხდება თითქმის ყველანაირი ფეხსაცმელი და მაისური. შედარებით დაბალ ქალებსაც შეუძლიათ მოიხდინონ ეს ქვედაბოლო, შეარჩიე უბრალოდ ისეთი, რომელიც მუხლს არ სცდება და ის ვიზუალურად გაადიდებს შენი ფეხების სიგრძეს.

მეგობარი ბიჭის ჯინსები

თავისუფალი, უბე ჩამოწეული ჯინსები ნებისმიერი ფორმების ქალს უხდება. ჩაიცვი ლამაზ მაისურთან ერთად და შეუხამე აქსესუარები.

კლასიკური შარვალი

კლასიკური შარვალი ის ნივთია, რომელიც ყველა ქალს უნდა ჰქონდეს კარადაში. დაიმახსოვრე, რომ შედარებით მაღალყელიანი შარვალი გაცილებით გრძელ ფეხებს გამოგიჩენს.

მაღალქუსლიანი წვეტიანი ფეხსაცმელები

მსგავს ფეხსაცმელებს ნამდვილად სასწაულების მოხდენა შეუძლიათ. ამ ფეხსაცმელების საშუალებით ნებისმიერი ფეხები უფრო გამხდარი და გრძელი გამოჩნდება.

ტყავის ქურთუკი

ნებისმიერი ჩაცმულობა შეგვიძლია გავაუმჯობესოთ ბაიკერის სტილის წელამდე ტყავის ქურთუკით. არ აქვს მნიშვნელობა რომელ სტილს ანიჭებ უპირატესობას. იმ შემთხვევაში თუ კაბაზე მსგავსი სტილის ქურთუკს ჩაიცმევ, მეამბოხე გოგონას იერსი შენია!

კედები

მართალია, ამ სიაში კედები ცოტა უცნაურად შეიძლება მოგეჩვენოს, მაგრამ უნდა ვაღიაროთ, რომ კედები ნამდვილად ყველას და ყველაფერს უხდება. მოდის უცნაური წესების საშუალებით კი კედები შეიძლება ნებისმიერ სტილს მოვარგოთ.

კაბა V ფორმის დეკოლტეთი

საუკეთესო საშუალებაა პრობლემატური ადგილების დასამალად და გვაძლევს ქვიშის საათის ფორმის სხეულის შთაბეჭდილებას. შედარებით გამხდარი ქალებისთვის ნებისმიერი ფერი მისაღებია, ხოლო შედარებით სრული ქალებისთვის პასტელური ფერები ნამდვილი აღმოჩენაა.

თეთრი პერანგი

თუკი არსებობს მსოფლიოში ისეთი ქალი, ვისაც არ უხდება თეთრი პერანგი, მაშინ ის ჯერ ჩვენ არ გვიპოვნია. უამრავი სხვადასხვა სტილის მორგება შეიძლება უბრალო თეთრი პერანგის საშუალებით: საოფისე, ყოველდღიური თუ წვეულებისათვის განკუთვნილი...

სწორი ქურთუკი

სწორი ქურთუკი უხდება ნებისმიერ ფორმას. იმისდა მიხედვით თი როგორი სტილი გინდა მოიხდინო, შეგიძლია ჩაიცვა კოჭამდე შარვალთან ან თავისუფალ კაბასთან ერთად.