გოგონების დიდ ნაწილს მოსწონს გრძელი თმა, ზოგისთვის ის ფლირტის ერთ-ერთი საუკეთესო საშუალებაა, თუმცა რამდენადაც ლამაზი და მომხიბვლელია ის, იმდენად რთული მოსავლელია და ბევრი უხერხულობის შექმნა შეუძლია.

ვნახოთ 12 მწარე სიმართლე, რომლებსაც მხოლოდ გრძელთმიანი გოგონები მიხვდებიან:

1. როცა გრძელი თმა გაქვთ, თმებისგან სუფთა სავარცხელი უბრალოდ აღარ არსებობს - ყოველ ჯერზე, თმის დავარცხნის შემდეგ, სავარცხელი ჩიტის ბუდეს ემსგავსება.

2. ჰკითხეთ გრძელთმიან ადამიანს, რომელია მისი დღის ყველაზე მტკივნეული ნაწილი - ის აუცილებლად გიპასუხებთ, რომ დილით, თმის დავარცხნის პროცესია ყველაზე მტკივნეული. ძალიან გრძელთმიანი გოგონებისთვის ეს ნაცნობი სიტუაციაა. მისი დავარცხნა არც ისე მარტივია.

3. ხშირად ჭამის დროს საკუთარი თმაც აღმოჩნდება ხოლმე ლუკმასთან ერთად პირში - ამაზე საშინელი არაფერია. ამ დროს საერთოდ გეკარგებათ ჭამის მადა.

4. გრძელ თმას განსაკუთრებული მოვლა სჭირდება, რადგანაც იქ ადვილად პოულობს ბუდეს ტილი, ასევე სხვა მწერებსაც უყვართ თმაში დაბუდება - მოკლეთმიანებისგან განსხვავებით, გრძელთმიანებს გაცილებით მეტი დროისა და ენერგიის დახარჯვა სჭირდებათ თმის მოსავლელად.

5. კიდევ ერთი პრობლემა დაბანის დროს იჩენს თავს - გრძელი თმის შემთხვევაში, როგორც წესი, ის ცვივა და დაბანის დროს შესაძლოა წყალი გაიჭედოს.

6. შესაძლოა, თქვენი გრძელი თმით მამაკაცი მოხიბლოთ, მაგრამ გრძელთმიანი გოგონას კოცნა, არც ისე მოსახერხებელია - დარწმუნებულები ვართ, ერთხელ მაინც ყოფილხართ ისეთ სიტუაციაში, როცა კოცნის დროს თმამ ხელი შეგიშალათ.

7. გრძელი თმა ფლირტის დროს ერთგვარი ბონუსია, მანამდე, სანამ თითები თმაში არ აგეხლართებათ - გეცნობათ სიტუაცია?

8. კიდევ უფრო რთულია იმ გოგონების ცხოვრება, რომლებსაც გრძელი და ამავდროულად, ხვეული თმა აქვთ - როგორც იქნა გაისწორეთ თმა, ბედნიერი ხართ, თუმცა მოგვიანებით აღმოაჩინეთ, რომ ერთი კულული გამოგრჩათ. ვფიქრობთ, ყველა გრძელთმიანი ხუჭუჭა ერთხელ მაინც ყოფილა მსგავს სიტუაციაში.

9. მოკლე თმა მომხიბვლელი და მოდურია, მაგრამ თუ თქვენ გრძელი თმა გიყვართ, არ უნდა შეიჭათ ის - ძალიან დაითრგუნებით და შფოთა შეგაწუხებთ მანამდე, სანამ ის არ გაიზრდება და ყოველ ჯერზე, როცა გრძელთმიან გოგონას დაინახავთ, შურით აივსებით.

10. თუ გრძელ თმას ატარებთ, ელვა შესაკრავი, ღილები, ყველაფერი თქვენი მტერია - ნებისმიერ დროს შეიძლება თმა ისე გაეხვეს მათში, რომ განცალკევების პროცესი ძალიან უხერხული და ამავდროულად, მტკივნეული იყოს.

11. ზოგიერთი სამოსი თმას იზიდავს და შეიძლება დღის ბოლოს თქვენი მაისური, ან შარვალი თმებით იყოს სავსე.

12. და ბოლოს, გრძელი თმა ნამდვილად არ არის ისეთი, როგორც ეს ფილმებში ჩანს - ჩვენ მოგვწონს როცა ვხედავთ მოდელების ფოტოებს ძილის დროს გადაღებულს, რომლებიც ფოტოშოპითაა დამუშავებული, ვხედავთ ფილმებში რა მომხიბვლელია გრძელი თმა ძილის დროს, თუმცა რეალურ ცხოვრებაში ნამდვილად არ არის ასე და ძილის დროს თმა სინამდვილეში გაჩეჩილია და თან ისე, რომ დილით დავარცხნა წარმოუდგენლად მტკივნეული პროცესია.