წლის მთავარი სპორტული მოვლენა, მსოფლიოს ჩემპიონატი ფეხბურთში ,დაიწყო და მთელი მსოფლიოდან ადამიანების ყურადღება სწორედ ჩემპიონატისკენაა მიმართული.

რა თქმა უნდა, ფეხბურთის მოყვარულებს ჩემპიონატის სანახავად დამატებით მიზეზები არ სჭირდებათ, თუმცა ზოგიერთისთვის მომხიბვლელი სპორტსმენების ნახვა ნამდვილად შეიძლება გახდეს ფეხბურთით დაინტერესების მიზეზი.

ვნახოთ, მსოფლიო ჩემპიონატის 15 ყველაზე სექსუალური მამაკაცი „ვოგის“ ვერსიით:

1. იან სომერი, 29 წლის შვეიცარიელი მეკარე - სომერი გარდა ფეხბურთისა, კულინარიითაც არის დაინტერესებული.„ინსტაგრამის“ გვერდის საშუალებით, გამომწერებს სხვადასხვა კერძების რეცეპტებს უზიარებს და ჯანსაღი კვების პროპაგანდას ეწევა. 

2. ჰუნგ მინ შონი , 25 წლის ფეხბურთელი სამხრეთ კორეიდან - ის ინგლისური კლუბის, „ტოტენჰემის“ ჰეხბურთელია და განსაკუთრებული პოპულარობით თავის ქვეყანასა და ინგლისში სარგებლობს. 

3. ანდრე სილვა, 22 წლის პორტუგალიელი ფეხბურთელი - მიუხედავად იმისა, რომ ყველას ყურადღება პორტუგალიელი მეგავარსკვლავის, კრიშტიანუ რონალდუსკენაა მიმართული, შეუმჩნეველი არც ეს ახალგაზრდა და ძალიან მომხიბვლელი თავდამსხმელი რჩება. 

4. მოჰამედ სალაჰი, 25 წლის ეგვიპტელი ფეხბურთელი - ფანები მას მოს ეძახიან და ძალიან უყვართ. „ინსტაგრამზე“ ლივერპულის თავდამსხმელს 16 მილიონი გამომწერი ჰყავს. 

5. ნასერ ჩადლი, 28 წლის ფეხბურთელი ბელგიიდან - ჩადლიმ 2014 წელს ბრიტანული „კოსმოპოლიტენისთვის“ შიშველმა იპოზიორა და ეს გულშემატკივრებისთვის ნამდვილი სენსაცია იყო. „როგორც ფეხბურთელისთვის, ჩემი სხეული ჩემი იარაღია, ამიტომ ვზრუნავ მასზე“, - ამბობს ნასერი ერთ-ერთ ინტერვიუში. 

6. დევიდ სილვა, 32 წლის ესპანელი ფეხბურთელი - ნახევარმცველი, რომელიც ვიზუალითაც იპყრობს ყურადღებას. თუმცა აქვე უნდა ითქვას, რომ ამ სიაში ყოფნას ესპანეთის ნაკრების თითქმის ყველა ფეხბურთელი იმსახურებს. 

7. ფელიპე კოუტინიო - 26 წლის ბრაზილიელი ფეხბურთელი. გასულ წელს „ბარსელონამ“ ის 160 მილიონ ევროდ იყიდა და ის მესამე ადგილზეა იმ ფეხბურთელებს შორის, რომელთა ტრანსფერისთვისაც კოლოსალური თანხა გადაიხადეს. ის 2012 წელს თავის ბავშვობის სიყვარულზე დაქორწინდა. 

8. კილიან მბაპე, 19 წლის ფეხბურთელი საფრანგეთიდან - ის მსოფლიო ჩემპიონატის ერთ-ერთი ყველაზე ახალგაზრდა ფეხბურთელია. თინეიჯერ თავდამსხმელს მომავალში პოლიტიკოსობა სურს. ის დიპლომატიურ ვახშამზეც იმყოფებოდა ელისეის სასახლეში. 

9. მათს ჰუმელსი, 29 წლის გერმანელი ფეხბურთელი - მსოფლიოში ერთ-ერთი საუკეთესო მცველი უდავოდ გამოირჩევა მომხიბვლელი გარეგნობით. ჰუმელსი იუნისეფის კეთილი ნების ელჩიც გახლავთ. 

10. ნიკოლას ტაგლიაფიკო, 25 წლის არგენტინელი ფეხბურთელი -ნიკოლასს ახალ ხავიერ ძანეტის უწოდებენ და არგენტინელები მასზე დიდ იმედს ამყარებენ. 

11. ხამეს როდრიგესი, 26 წლის კოლუმბიელი ფეხბურთელი - 2014 წლის მსოფლიო ჩემპიონატზე ხამესმა გოლის განსაკუთრებული აღნიშვნით დაგვამახსოვრა თავი და მალევე გახდა პოპულარული. მან გოლის გატანის შემდეგ სალსა იცეკვა. 

12. მაია იოშიდა, 29 წლის იაპონელი ფეხბურთელი - იაპონიის ნაკრების მთავარი იმედი და ნაკრების საუკეთესო მცველი. 

13. იგორ აკინფეევი, 32 წლის რუსი მეკარე - აკინფეევი რუსეთი ნაკრების კაპიტანია და გუნდის მთავარი ვარსკვლავი გახლავთ. ის იმ იშვიათ ფეხბურთელებს შორისააა, რომლებსაც „ინსტაგრამი“ არ აქვთ. 

14. დელე ალი, 22 წლის ფეხბურთელი ინგლისიდან - პრემიერ ლიგაში ის ერთ-ერთ საუკეთესო ნახევარმცველად მიიჩნევა. გარდა იმისა, რომ კარგი ფეხბურთელია, ასევე გამოირჩევა ჩაცმის დახვეწილი სტილით. დელეს უყვარს მოდურად ჩაცმა. მას უკვე თავისი ტანსაცმლის ხაზიც აქვს. 

15. ედინსონ კავანი, 31 წლის ურუგვაელი ფეხბურთელი - კავანის თაყვანისმცემელთა მთელი არმია ჰყავს და მსოფლიო ჩემპიონატის გამორჩეულად მომხიბვლელ ფეხბურთელად მიიჩნევა.