ჯინსის შარვალი არის ის სამოსი, რომლის გარეშეც უმეტესი ჩვენგანის გარდერობი წარმოუდგენელია.

ის, თუ როგორები გამოვჩნდებით, გამხდრები, თუ ცოტა პუტკუნები, რა თქმა უნდა, დიდწილადაა დამოკიდებული ტანსაცმელზე, ამიტომ აუცილებელია მისი სწორად შერჩევა.

მოდური ბლოგერი კრისტა ჯონსი წერს, რომ მას ყოველთვის სურდა უფრო გამხდარი ვიზუალი ჰქონოდა და ამისთვის ტანზე კარგად მომდგარ ჯინსებს იცვამდა. „ასე შეცდომას ვუშვებდი, რეალურად ასეთი ჯინსები ვიზუალს უფრო გამხდარს არ აჩენს“, - წერს ჯონსი.

როგორია ჯინსი, რომელიც ვიზუალს უფრო გამხდარს აჩენს?

ბლოგერი გვირჩევს, რომ უფრო გამხდარი ვიზუალის შესაქმნელად ჩავიცვათ მაღალწელიანი და სწორი ჯინსის შარვალი, რომელიც არც ძალიან განიერი და არც ტანზე მომდგარია.

ეს არის ვინტაჟური სტილის ჯინსის შარვლები, რომელიც კვლავ დაუბრუნდა მოდას და გარდა იმისა, რომ ვიზუალს უფრო გამხდარს აჩენს, ამავდროულად, ტრენდული სამოსიც გახლავთ.