1. ლომი - რა თქმა უნდა, ამ სიაში პირველ ადგილს ლომები იკავებენ. არავინაა უფრო ამაყი, ვიდრე ზოდიაქოს ამ ნიშნის ადამიანი. ისინი ამაყობენ საკუთარი თავით, თითოეული გადადგმული ნაბიჯით. ისინი საკუთარ თავსაც და სხვებსაც მაღალ სტანდარტებს უწესებენ და აქვთ მოლოდინი, რომ გარშემომყოფებმა, უკლებლივ ყველამ პატივი უნდა სცეთ. ლომი ვერ იტანს მას, ვინც აკრიტიკებს. თუ თქვენ ლომს საზოგადოების წინაშე დაამცირებთ და მის თავმოყვარეობას შელახავთ, ის აღარასოდეს შემოგხედავთ, სამუდამოდ დაკარგავთ. 

2. თხის რქა - ზოდიაქოს ამ ნიშნის ადამიანები რომ შრომისმოყვარეობით გამოირჩევიან ყველამ ვიცით და სწორედ შესრულებული საქმეებით ამაყობენ ისინი ყველაზე მეტად. მოსწონთ, როცა სხვები დახმარების თხოვნით მიმართავენ. თავად კი არავის სთხოვს დახმარებასა და რჩევას. თხის რქა მიიჩნევს, რომ ასე მისი თავმოყვარეობა ილახება.

3. ვერძი - რეიტინგში მესამე ადგილზე ვერძები არიან. ზოდიაქოს ამ ნიშნის ადამიანები ძლიერი და სიამაყით სავსენი არიან. მათ სჯერათ, რომ დიდი რისკის გაწევას დიდი წარმატება მოაქვს. ვერძს უყვარს აჩვენოს სხვებს, როგორ მიაღწია წარმატებას, რა ნაბიჯები გადადგა და ამაყობს საკუთარი მიღწევებით. როცა ვინმე მას ავტორიტეტს უჩვენებს, ამით ვერძის სიამაყე ილახება და არ უყვარს ასეთი ადამიანები.

4. მორიელი - მორიელი ამაყი და თავდაჯერებულია. მას ურჩევნია მოკვდეს, ვიდრე ვინმეს საკუთარი სისუსტე აჩვენოს. თუ დაამცირებთ, ნეგატიურად შეაფასებთ და მის ხელმძღვანელობას მოინდომებთ, ყველაფერს გააკეთებს იმისთვის, რომ გაჩვენოთ, ვინ არის თქვენს შორის ბოსი.

5. კურო - ამაყი და უკომპრომისოა. ის შეიძლება ცდებოდეს, იცოდეს ამის შესახებ, მაგრამ იმდენად ამაყია, რომ არ აღიარებს. სწორედ სიამაყის გამო უჭირთ ზოდიაქოს ამ ნიშნის ადამიანებს შეცდომების აღიარება. კურო არ უსმენს სხვებს. მისთვის მხოლოდ და მხოლოდ საკუთარი აზრებია სწორი.

6. კირჩხიბი - ზოდიაქოს ამ ნიშნის ადამიანის სიამაყეს თუ შელახავთ, ის მაქსიმალურად შორს დაიჭერს თავს თქვენგან და აღარ მოინდომებს ურთიერთობას. ის ძალიან მზრუნველი, მოსიყვარულე, თბილი და გამგებია, მაგრამ ამავდროულად, ძალიან ამაყია და არავის აპატიებს ამ სიამაყის შელახვას. თუ მას დაამცირებთ, სრულიად განსხვავებულ, დაუნდობელ კირჩხიბს დაინახავთ.