პეპელა თავისუფლების და სილამაზის სიმბოლოა. ბევრი შემოქმედისთვის ის შთაგონების წყაროა. ფსიქოლოგები სწორედ მასზე დაყრდობით გვთავაზობენ ახალ ფსიქოლოგიურ ტესტს, რომელიც ჩვენი პიროვნების ფარულ მახასიათებლებს ავლენს.

დააკვირდით მოცემულ ფოტოს და განსაზღვრეთ, რომელი პეპელა მოგწონთ ყველაზე მეტად. ახლა კი, იპოვნეთ შესაბამისი პასუხი.

1. თუ პირველი პეპელა აირჩიეთ - თქვენ მგრძნობიარე და საოცრად წესიერი, პატიოსანი ადამიანი ხართ. გამოირჩევით რომანტიკული ხასიათით. გიყვართ ადამიანების დახმარება. ყოველთვის ზრუნავთ სხვებზე და გარშემომყოფთა ტკივილი საკუთარივით გტკივათ. საკუთარ თავზე ისე არ ზრუნავთ, როგორც სხვებზე.

2. თუ მეორე პეპელა აირჩიეთ - მშვიდი, გაწონასწორებული ადამიანი ხართ. ჰარმონიას ქმნით ყველგან, სადაც მიდიხართ. თქვენგან კარგი დიპლომატი დადგებოდა. დიპლომატის ნიჭს ურთიერთობებში შესანიშნავად იყენებთ. ცდილობთ, რომ ბალანსი დაიცვათ და ეს კარგადაც გამოგდით. გჯერათ, რომ ბედნიერების გასაღები ცხოვრებაში ბალანსის პოვნაა.

3. თუ მესამე პეპელა აირჩიეთ - თქვენ კრეატიული ადამიანი ხართ, ყველაფერში სილამაზეს ეძებთ და ხედავთ. არ ხართ ზედაპირული ადამიანი, ცდილობთ, გაანალიზოთ და საკითხი სიღრმისეულად შეისწავლოთ. გამოირჩევით ლოგიკური აზროვნების უნარით. გიყვართ საქმის სრულყოფილად შესრულება. პერფექციონისტი ხართ.

4. თუ მეოთხე პეპელა აირჩიეთ - ეს თქვენს ამბიციურ ბუნებაზე მეტყველებს. ხართ ორგანიზებული, მიზანსწრაფული ადამიანი და გეგმის მიხედვით მოქმედებთ. გჯერათ, რომ აუცილებლად მიაღწევთ დასახულ მიზანს. გჯერათ საკუთარი ძალისა და შესაძლებლობების. არ ხართ ზარმაცი, შრომისმოყვარეობით გამოირჩევით. ხანდახან პირად ცხოვრებას ივიწყებთ და მთელ დროს კარიერას უთმობთ. კარიერასა და პირად ურთიერთობებს შორის ბალანსის დაცვა გიჭირთ.

5. თუ მეხუთე პეპელა აირჩიეთ - თქვენ დანარჩენებისგან ენთუზიაზმით გამოირჩევით. ინდივიდუალური ხართ, ცდილობთ, ყველაფერში დაინახოთ რაღაც დადებითი და ცხოვრებას ნათელი ფერებით შეხედოთ. მოგწონთ ახალი გამოცდილების შეძენა და მოგზაურობა. თვლით, რომ სამყაროს შეცნობას სწორედ მოგზაურობით შეძლებთ. მუდამ აქტიური ხართ, ერთ ადგილას ვერ ჩერდებით.

6. თუ მეექვსე პეპელა აირჩიეთ - თქვენ ლოგიკური აზროვნების უნარით გამოირჩევით. ბრძენი ადამიანი ხართ. ადამიანები თქვენთან რჩევის მისაღებად მოდიან. ზუსტად იცით, როდის, რა უნდა ურჩიოთ ადამიანებს. მარტივად შეგიძლიათ პრობლემებიდან გამოსავლის პოვნა. არ გჩვევიათ ემოციების საჯაროდ გამოვლენა. ვერავინ მიხვდება კონკრეტულ მომეტში გახარებული ხართ, თუ რაიმე გეწყინათ.