1. მერწყული - ზოგადად, მერწყულებს ტექნოლოგიები ხიბლავთ და ამ სფეროში ბევრი მათგანი კარგად ერკვევა. რა თქმა უნდა, ეს კარგია, მაგრამ ცუდი ისაა, რომ სოციალურ ქსელებზე დამოკიდებულებას ვერაფერს უხერხებენ. არ გეგონოთ, რომ ისინი „ნიუს ფიდს“ ათვალიერებენ, ან ვინმეს სწერენ - არა, მერწყულები სოციალურ ქსელებში სხვადასხვა თამაშებით არიან დაკავებულნი.

2. ტყუპები - ზოდიაქოს ამ ნიშნის ადამიანები გიჟდებიან ტექნოლოგიურ სიახლეებზე. მათ აუცილებლად ბოლო თაობის სმარტფონი უნდა ჰქონდეთ. ონლაინ სივრცეში ძალიან დიდ დროს ატარებენ. კითხულობენ ყველაფერს, რაც „ნიუს ფიდში“ ხვდებათ და დროს ისე კარგავენ, რომ ამას ვერც აცნობიერებენ.

3. მშვილდოსანი - სოციალური ქსელების საშუალებით მშვილდოსნები ცნობისმოყვარეობას იკმაყოფილებენ. მათ აბსოლუტურად ყველაფერი აინტერესებთ. არ არსებობს სფერო, ადამიანი, რომელთა შესახებაც მშვილდოსნებს სიახლეების გაგება არ უნდათ. სოციალური ქსელები კი, ცნობისმოყვარეობის დასაკმაყოფილებლად ერთ-ერთი საუკეთესო საშუალებაა.

კომუნიკაბელურ მშვილდოსნებს თანამედროვე ტექნოლოგიები ურთიერთობების წარმართვაშიც ეხმარება. ყოველივეს გათვალისწინებით ზოდიაქოს ამ ნიშნის წარმომადგენლები დამოკიდებულები არიან სოცქსელებზე.

4. ვერძი - ეს ადამიანები თითქმის ყველა სოციალურ ქსელში არიან დარეგისტრირებულნი და დიდ დროსა და ენერგიას უთმობენ ინტერნეტ სივრცეს. იმდენად დიდს, რომ რეალური ცხოვრებისთვის დრო აღარ რჩებათ. ონლაინ სივრცეში ყოფნა მათ სიამოვნებას ანიჭებთ.

5. მორიელი - მორიელისთვის სოციალური ქსელები ადამიანების კონტროლის საუკეთესო საშუალებაა. მათ ზედმიწევნით ზუსტად იციან ვინ ვის „ულაიქებს“ და „უკომენტარებს“ ფოტოებს. კონკრეტულმა ადამიანმა როდის, რა დაწერა სტატუსად, ან რა ფოტო გამოაქვეყნა, როდის იპოვა ახალი სიყვარული და როდის დაშორდა რომანტიკულ პარტნიორს. ისინი მთლიანად მიჯაჭვულები არიან ვირტუალ;ურ სივრცეზე.