ფსიქოლოგები ახალ ტესტს გვთავაზობენ, რომელიც ეფუძნება იმას, თუ როგორ აღვიქვამთ ადამიანების ღიმილს. დააკვირდით მოცემულ ფოტოს. როგორ ფიქრობთ, რომელ ადამიანს აქვს ყალბი ღიმილი? იპოვნეთ შესაბამისი პასუხი და გაიგეთ, რა გელოდებათ 2019 წელს სასიყვარულო ურთიერთობაში.

1. თუ ფიქრობთ, რომ პირველ ფოტოზე აღბეჭდილი მამაკაცი იღიმის ყალბად - ძალიან მგრძნობიარე ადამიანი ხართ და თქვენთვის თავის შეყვარება მარტივია. ხშირად წინდაუხედავად იქცევით და შეუფერებელ ადამიანებთან აბამთ სასიყვარულო ურთიერთობას. სწორედ ამიტომ არ გიმართლებთ სიყვარულში. უფრო ყურადღებით იყავით 2019 წელს.

ვიცით, რომ თქვენთვის ეს რთულია, მაგრამ ეცადეთ მაინც, რომ ცოტაოდენი რაციონალურობა გამოიჩინოთ სასიყვარულო ურთიერთობაში. ეცადეთ, ემოციების მიხედვით არ იმოქმედოთ. მხოლოდ ამ შემთვევაში გაგიმართლებთ 2019 წელს სიყვარულში.

2. თუ ფიქრობთ, რომ სათვალიანი ქალი იღიმის ყალბად - თქვენ ძალიან ეჭვიანი ხართ და ეს სასიყვარულო ურთიერთობაში ხელს გიშლით. ეცადეთ, დაძლიოთ ეჭვიანობა. თუ ასე მოიქცევით, კონფლიქტებს თავიდან აირიდებთ. ხშირ შემთხვევაში აბსოლუტურად უმიზეზოდ ეჭვიანობთ და აფუჭებთ ჯანსაღ ურთიერთობას.

უფრო მეტი დრო დაუთმეთ საკუთარ თავზე ზრუნვას, ეცადეთ ყოველთვის ლამაზად და მომხიბვლელად გამოიყურებოდეთ, იყავით თავდაჯერებულები და თუ ასე მოიქცევით წლის ბოლოს, შესაძლოა, იქორწინოთ კიდეც.

3. თუ ფიქრობთ, რომ მესამე ფოტოზე აღბეჭდილი ქალი იცინის ყალბად - პოზიტიური, თავდაჯერებული, მხიარული და უშუალო ადამიანი ხართ. გამოირჩევით კარგი იუმორით. სწორედ ხასიათის ასეთი შტრიხების გამო უამრავი თაყვანისმცემელი გყავთ. ყველას უყვარხართ და თქვენთან რომანტიკული ურთიერთობა სურთ.

2019 წელს დროა გადაწყვეტილება მიიღოთ. დაფიქრდით და გადაწყვიტეთ, როგორი ადამიანი გსურთ გვერდით და გაუღეთ გული სიყვარულს. მომდევნო წელი დიდ ბედნიერებას გპირდებათ.

4. თუ ფიქრობთ, რომ მეოთხე ფოტოზე აღბეჭდილი გოგონას ღიმილია ყალბი - მზრუნველი და პასუხისმგებლობით სავსე ადამიანი ხართ. გადაწყვეტილების მიღებამდე ბევრს ფიქრობთ. ადამიანებში სრულყოფილებას ეძებს და გავიწყდებათ, რომ სრულყოფილი არავინაა. ეცადეთ, არ იყოთ პერფექციონისტები და ადამიანები შეიყვაროთ ისეთები, როგორებიც არიან.

თუ არ ეცდებით საყვარელი ადამიანის შეცვლას, თუ მის გარდაქმნას არ მოინდომებთ, თუ მისგან სრულყოფილებას არ მოითხოვთ, ყველაფერი კარგად იქნება. წინააღმდეგ შემთხვევაში, სასიყვარულო ურთიერთობაში პრობლემები გელოდებათ.

5. თუ ფიქრობთ, რომ მეხუთე ფოტოზე აღბეჭდილი ქერა გოგონას ღიმილია ყალბი - თქვენთვის ცხოვრებაში ბალანსის პოვნა ყველაზე მნიშვნელოვანია და გვერდით გჭირდებათ ადამიანი, რომელიც ამ ბალანსს გაპოვნინებთ. ასეთი ადამიანის პოვნა კი ნამდვილად არ არის მარტივი და საჭიროა, რომ აქტიურად ეძებოთ ის. დაფიქრდით, იქნებ სულაც თქვენ გვერდითაა, სამსახურში, მეზობლად.

შესაძლოა, მეგობრობთ კიდეც იმ ადამიანთან, რომელთანაც სასიყვარულო კავშირი ბედნიერებას მოგიტანდათ. 2019 წელი მოგცემთ შესაძლებლობას, რომ იპოვოთ ის, ვინც ნამდვილად გჭირდებათ. მთავარია, შესაძლებლობა ხელიდან არ გაუშვათ.

6. თუ ფიქრობთ, რომ მეექვსე ფოტოზე აღბეჭდილი ქალი იღიმის ყალბად - თქვენ დამოუკიდებელი და თვადაჯერებული ხართ. ისეთი ადამიანების კატეგორიას განეკუთვნებით, რომლებიც ამბობენ, რომ ბედნიერებისთვის სიყვარული არ სჭირდებათ. თავს მარტოც კარგად გრძნობთ და იმდენად ხართ შეჩვეული ასეთ ცხოვრებას, რომ თანაცხოვრება ვერც წარმოგიდგენიათ.

თუკი გადაწყვეტთ, რომ სასიყვარულო ურთიერთობაში იყოთ, გვერდით ისეთი ადამიანი გჭირდებათ, რომელიც თქვენსავით დამოუკიდებელი, წარმატებული და ძლიერი იქნება. მხოლოდ ამ შემთხვევაში მოგიტანთ სასიყვარულო კავშირი ბედნიერებას.