ვერძი

აპრილში ოპტიმიზმით სავსე იქნებით და მომავლის იმედს არ დაკარგავთ. ადამიანებს თქვენ მიმართ დიდი მოლოდინები აქვთ და ამ მოლოდინებს გაამართლებთ. ახალი მიზნები გაგიჩნდებათ, რაც შესაძლოა, ცხოვრების წესის შეცვლასთან იყოს დაკავშირებული.

კურო

მსოფლიოში მიმდინარე პროცესები ყველაზე რთულ გავლენას თქვენზე ახდენს. აპრილი ნამდვილად არ არის თქვენი ბედნიერების თვე, თუმცა უნდა ეცადოთ სირთულეებს მყარად შეხვდეთ, არ გატყდეთ. ეცადეთ, ადაპტირდეთ ახალ სიტუაციასთან, ეს რთულია, მაგრამ არა შეუძლებელი. იმუშავეთ ფსიქოლოგიური მდგრადობის შენარჩუნებაზე. ხშირად ესაუბრეთ მეგობრებს, რა თქმა უნდა, დისტანციურად.

ტყუპები

ასტროლოგები გირჩევენ, რომ აპრილში საქველმოქმედო საქმიანობით დაკავდეთ, დაეხმაროთ მათ, ვისაც ახლა ყველაზე მეტად სჭირდება თანადგომა და სამყაროსგანაც პოზიტიური ენერგია წამოვა თქვენკენ. მოსალოდნელია, რომ სამსახურში უფრო საჭირო ადამიანი გახდებით, გაიგებთ ძალიან სასარგებლო ინფორმაციას, რომელიც ცხოვრების გაუმჯობესებაში დაგეხმარებათ. მოერიდეთ იმპულსურად მოქმედებას.

კირჩხიბი

ახლა თქვენთვის საუკეთესო პერიოდია - სახლში, ოჯახთან ერთად ყოფნის პერიოდი. ასეთ დროს თავს საუკეთესოდ გრძნობთ. გირჩევთ, გადაწყვეტილებების მიღებისას აპრილში მხოლოდ საკუთარი შეხედულებების მიხედვით იმოქმედეთ და არავის მოუსმინოთ.

ლომი

ცხოვრებას უფრო ფილოსოფიურად შეხედავთ. ბევრ რამეს გადააფასებთ. ფიქრისთვის ბევრი დრო გექნებათ. თქვენს ცხოვრებაში ცვლილებების დრო დგება, შესაძლოა, ეს ეხებოდეს სამსახურს, რომანტიკულ პარტნიორს, ან თუნდაც საცხოვრებელ ადგილს. ასტროლოგები გირჩევენ, რომ მიიღოთ ყველანაირი ცვლილება, რომელსაც სამყარო შემოგთავაზებთ. უფრო ყურადღებით იყავით და გახსოვდეთ, რომ ყველაფერი რაც ბრწყინავს, ოქრო არ არის.

ქალწული

მიუხედავად იმისა, რომ ახლა შესაძლოა, დისტანცირებული ხართ საზოგადოებისგან, თქვენი სოციალური წრე აპრილში მაინც გაფართოვდება და ხელსაყრელ წინადადებას მიიღებთ, რომელიც შემოსავლის ახალ წყაროს გაგიჩენთ. უნდა იმოქმედოთ ინტუიციურად და ამასთანავე, პასუხისმგებლობით.

სასწორი

ახლა კარგი დროა ქორწინებისთვის. გვესმის, რომ, შესაძლოა, დისტანცირებულნი ხართ საყვარელი ადამიანებისგან, მაგრამ თუ შეძლებთ, ეცადეთ ცალკე გადახვიდეთ საცხოვრებლად, რადგანაც ასტროლოგების მტკიცებით, თუ ამ პერიოდში დაიწყებთ ერთად ცხოვრებას, ურთიერთობა წარმატებული იქნება. მოსალოდნელია, რომ მოულოდნელად შემოსავლის ახალი წყარო გამოგიჩნდებათ და ფინანსური თვალსაზრისით საკმაოდ მყარად იქნებით.

მორიელი

ამ თვეში მთავარი ყურადღება სამსახურისკენ მიმართეთ. შესაძლოა არასწორი კომუნიკაციის გამო გაუგებრობაში აღმოჩნდეთ. გამოიყენეთ ყველა შესაძლებლობა, რომ თანამშრომლებს, ხელმძღვანელებს თქვენი მოსაზრება ნათლად და მკაფიოდ გააგებინოთ. გახსოვდეთ, რომ წარსულის გამოცდილება, შესაძლოა, ახლა დაგეხმაროთ სწორი გადაწყვეტილებების მიღებაში.

მშვილდოსანი

ვერანაირი დისტანცირება ვერ შეგიშლით ხელს - იქნებით იმაზე უფრო მეტად კომუნიკაბელურები, ვიდრე ოდესმე და ეს კომუნიკაცია ახალ შესაძლებლობებს მოგიტანთ. მალე სასიამოვნო და წარმატების მომტან სიახლეს გაიგებთ. ასტროლოგების თქმით, ფინანსური მდგომარეობა გაგიუმჯობესდებათ.

თხის რქა

ახლა თქვენს ცხოვრებაში დასვენების პერიოდია. გახსოვდეთ, რომ განტვირთვა ყველას სჭირდება, მათ შორის თქვენც და სახლში ყოფნის გამო ცუდ ხასიათზე ნუ იქნებით. ეს მიიღეთ რელაქსაციის შესაძლებლობად. უფრო მეტი დრო დაუთმეთ ოჯახის წევრებზე ზრუნვას.

მერწყული

თავი აარიდეთ დაპირისპირებებს. აპრილში შესაძლოა ურთიერთობებში პრობლემებმა იჩინოს თავი, ამიტომ გამოიჩინეთ ნებისყოფა და არ აჰყვეთ პროვოკაციებს.მოუსმინეთ შინაგან გრძნობებს და ამის მიხედვით იმოქმედეთ.

თევზები

საუკეთესო მეგობართან ერთად, შესაძლოა, რაიმე ახალი საქმე წამოიწყოთ. დისტანციურად, ცხადია. ეს საქმე კი წარმატებას მოგიტანთ. მთავარია, ახლა არ მოდუნდეთ და ცხოვრების ახალმა წესებმა არ გაგაზარმაცოთ. სოციალური ქსელებით ბევრი იურთიერთეთ ადამიანებთან. ამ ეტაპზე საზოგადოებასთან კომუნიკაცია ყველაზე მეტად გჭირდებათ.