კეთილი იყოს თქვენი მობრძანება წლის ბოლო ახალ მთვარეზე! რა თქმა უნდა, 2020 წელს, ჩვენ მარტივად ვერ გამოვძვრებით, თანაც, დეკემბრის ბოლოს მზის დაბნელებაცაა. 14 დეკემბრის დაბნელება, ახალი დასაწყისების მანიშნებელია, თუმცა ამჯერად, მნიშვნელოვან რყევების და ცვლილებებს, თითოეული ადამიანი უნდა ელოდოს.

ასტროლოგიაში ახალი მთვარე ხშირად ასოცირდება ახალ საწყისებთან, მაგრამ ის ფაქტი, რომ ამავე თვეში მზის დაბნელება მოჰყვება, ეს ჰიპერაჩქარების მანიშნებელია. ამ პერიოდის განმავლობაში, შეიძლება ძალიან სწრაფად მოხდეს ცვლილებები. მზესა და მთვარის დაბნელებები თავისუფალ, ცეცხლოვან მშვილდოსნის პერიოდს ემთხვევა, რაც სიტუაციას კიდევ უფრო ამძაფრებს - მოუთმენლად რადიკალური ცვლილებები თქვენს რწმენაში, ახალი გზის ძიების სურვილი და ჰორიზონტის გაფართოება - ესაა თემები, რაც 2021 წლამდე ძალიან აქტუალური იქნება.

ამ პერიოდში, ჩვენ, ასევე ვიგრძნობთ მოტივაციას, მუშაობისა და წინსვლის სურვილს. რა თქმა უნდა, ჩვენ ზუსტად ვერ განვსაზღვრავთ, რა გველოდება მომავალში, თუმცა შეგვიძლია ტენდენციების მიხედვით ვიმოქმედოთ და მივიღოთ საუკეთესო შედეგი მიმდინარე ენერგეტიკული რეალობიდან.

ვერძი

ამ დაბნელების ენერგიამ, შესაძლოა, შენი ოცნებები ახალ სიმაღლეზე აიყვანოს და შენი სული, სრულიად ახალი მისწრაფებებით აავსოს. ახალი მთვარე, შენს ცეცხლოვან ენერგიას კიდევ უფრო გააცხელებს და ახალი ნაბიჯებისკენ გიბიძგებს. შენ მზად იქნები გაბედო, რისკზე წახვიდე და რაღა თქმა უნდა, გაიმარჯვო. ამ პერიოდში, იღბალი ნამდვილად შენს მხარესაა.

კურო

ჩვენ არ შეგვიძლია გავაკონტროლოთ მთვარის დაბნელების მოტანილი რყევები, მაგრამ სამაგიეროდ, შეგვიძლია გავაკონტროლოთ საზღვრები. ახლა შესანიშნავია დროს, რომ დააწესო საზღვრები ურთიერთობებში, სამსახურში და მის ფარგლებს გარეთ. როდესაც საქმე შენი დროისა და ენერგიის დაცვას ეხება, გამოიყენე სულიერი უსაფრთხოების ახლებური გრძნობა, რათა ღიად შეისწავლო და გაანალიზო შენი დაუცველი მხარე.

ტყუპები

დაბნელება საკმაოდ ინტენსიური მოვლენაა და შენც ნამდვილად იგრძნობ დაძაბულობას სასიყვარულო ცხოვრებაში, ტყუპებო. გამოიყენე მაღალი დონის საკომუნიკაციო უნარ-ჩვევები, რათა თავიდან აიცილო რაიმე სახის გაუგებრობა. გააცნობიერე, ვის უნდა ენდოთ და ვის არა, ისწავლე მეტი ურთიერთობების შესახებ და გაითვალისწინე დინამიკა, რომელიც შენს სასიყვარულო ცხოვრებაში, ახალ ენერგიას შემოიტანს.

კირჩხიბი

დადგა დრო, რომ ახალმა ენერგიამ უბრალოდ დაგავიწყოს ძველი ჩვევები - შენი ყოველდღიური რუტინა, აღარასოდეს იქნება ისეთი, როგორიც მთვარის დაბნელებამდე. რაც არ უნდა ინტენსიურად შეიგრძნო დაბნელება, იზეიმე ყოველდღიური გრაფიკის რესტრუქტურიზაციით. ახალი პერიოდი, ახალი მიზნების დასახვასა და შესრულებაში დაგეხმარება. შედეგად კი პიროვნული ზრდა და განვითარება გარდაუვალი გახდება.

ლომი

შენში ვნების ცეცხლი მძაფრად იწვება ამ მთვარის ქვეშ, ასე რომ მთვარის მთელი ინტენსივობა შემოქმედებით პროექტებში ან რომანტიკაში გადაიტანე. ეს საშუალებას მოგცემს გათავისუფლდე, გამოხატო საკუთარი თავი და ხელახლა აღმოაჩინო შენი მხიარული მხარე. მაშინაც კი, თუ დაბნელება მოულოდნელ გრძნობებს ამოატივტივებს ზედაპირზე, შენ შეძლებ პოზიტიური დამოკიდებულების შენარჩუნებას.

ქალწული

დაბნელებამ შეიძლება სერიოზული შეარყიოს შენი წარსული ან ოჯახური ცხოვრება. ამიტომ, დაგეგმე თქვენი საცხოვრებელი სივრცის მოწესრიგება და ზამთრის კომფორტული სეზონისთვის მომზადება. მთვარის დამაბნეველი ენერგია საუკეთესო დროა სახლის, სხეულისა და სულის განსაწმენდად. ეს საშუალებას მოგცემს უსაფრთხოდ, კომფორტულად იგრძნო თავი და რაც არ უნდა დაგჭირდეს, თავშესაფარი მუდამ მზად გექნება.

სასწორი

დაფიქრდი, სანამ რამეს იტყვი, რადგან ახლა, შენ გაქვს უნარი, სიტყვები რეალობად გადააქციო. სიტყვები შენი ძალაა - ბუნებით მოლაპარაკე და დიპლომატიური ადამიანისთვის, ამ დაბნელების დროს სიტყვები ჯადოსნურ ჯოხად გადაიქცევა. არჩევანი შენზეა - მიმართავ მას პოზიტიური თუ ნეგატიური მოვლენებისკენ. გამოიყენე ეს ჯადოსნური პერიოდი კეთილი ძალების გასააქტიურებლად და სხვა ადამიანებსაც გადაეცი შენი სიტყვების მაგია.

მორიელი

ახალი მთვარე, ფულისა და რესურსების სახლს ხვდება, ასე რომ, ფრთხილად იყავი ნებისმიერი მოულოდნელი ტრანზაქციის შემთხვევაში. მართე თქვენი დაბნელების ბედი სწორი მიმართულებით, გააკეთე ბიუჯეტი და დააკვირდი ხარჯვის ჩვევებს. ახლა შესაძლებლობა გექნება გაითვალისწინო წარსული ფინანსური შეცდომები და ფულის მართვის ახალი გეგმები დაისახო.

მშვილდოსანი

ახალ წელს გილოცავთ, მშვილდოსანო! მთვარის დაბნელება ახალი ცხოვრების დაწყების შესაძლებლობას მოგცემს. მიიღე ბუნებრივად განახლებული განწყობილება და იყავი მოქნილი. ამჯერად, სამყარო ცვლილებების მომტანი ენერგიითაა სავსე და ეს შესანიშნავი პერიოდია, ახალი შეხედულებების მიღებისა და საკუთარი თავის გარდაქმნის საკითხებისთვის.

თხის რქა

ეს ახალი მთვარე შეგახსენებს, რომ ნელი ტემპი სულაც არ არის ცუდი. ახლა შესანიშნავი დროა დასვენებისთვის, შეუძლებელია 24/7-ზე იყო პროდუქტიული, ამიტომ ნუ შეეჭიდები სრულყოფილების მიუწვდომელ სტანდარტებს. ამის ნაცვლად, მოაწესრიგე შენი გრაფიკი და დრო დაუთმე საყვარელი ფილმების ყურებას, საღამოს სეირნობებსა და გონების გამორთვის ფავორიტ აქტივობებს.

მერწყული

თუ ახალმთვარეობას თავს არასტაბილურად იგრძნობ და ვერ გადაწყვეტ, რისი გაკეთება გსურს, დაეყრდენი მეგობრებსა და ოჯახის წევრებს, რათა სიყვარულისა და მხარდაჭერის აუცილებელი დოზა მიიღო. ეს მშვენიერი დროა იმისათვის, რომ შეახსენო საკუთარ თავს, რამდენად მნიშვნელოვანია ის ადამიანები, ვინც გიყვარს და ვისაც უყვარხარ. ამიტომ მეტი ყურადღება მნიშვნელოვანი ურთიერთობების აშენებას მიაქციე.

თევზები

შენს პროფესიაში, ეს წლის ერთ-ერთი ყველაზე ძლიერი მთვარეა. თუმცა, იმის ნაცვლად, რომ შეეცადო ხელში ჩაიგდოთ კონტროლი, იყავი ღია ყველა იმ შესაძლებლობების მიმართ, რომლებიც ამ პერიოდში გარშემო გამოჩნდება. ენერგია მუდმივად იცვლება და ახლა ყველა კარი შენთვის გაიხსნება. ცვლილებების ქარი აუცილებლად დაუბერავს და ამიტომ, არ შეგეშინდეს სამსახურში შენი გემის ახალი მიმართულებით წაყვანის.