სიცოცხლე სიკვდილის შემდეგ - ეს არ არის მხოლოდ სიტყვები და თუკი ვინმეზე შეიძლება ვთქვათ, რომ სიკვდილის შემდეგაც აგრძელებს სიცოცხლეს, ერთ-ერთია ფრანგული კინოკლასიკის სახე, ჟან-პოლ ბელმონდო.

ლეგენდარული მსახიობი 88 წლის ასაკში, 6 სექტემბერს გარდაიცვალა. ფრანგებმა ის ღირსეულად გააცილეს უკანასკნელ გზაზე. იყო ბევრი ცრემლი, ემოციები და სევდიანი თვალები, რომლებიც ამბობდნენ -„ეპოქა დასრულდა.“

ბელმონდოს ბობოქარი ცხოვრება ხშირად იყო პრესის განხილვის მთავარი თემა - სასიყვარულო ურთიერთობების საგა, რომანები, ქორწინებები - მისი პირადი ცხოვრება ისეთივე საინტერესო თავგადასავალი იყო, როგორიც კარიერა. სწორედ ამიტომ, დღეს მსახიობზე ამბობენ, რომ ის იყო კაცი, რომელმაც ნამდვილად იცხოვრა.

მას არასოდეს აკლდა თავგადასავლები

მას არასოდეს აკლდა თავგადასავლები

ჟან-პოლ ბელმონდოს არაერთ ქალთან ჰქონდა სასიყვარულო ურთიერთობა, ოფიციალურად კი ორჯერ დაქორწინდა. მისი პირველი ცოლი ელოდი კონსტანტინი გახლდათ. წყვილმა 1952 წლის 4 დეკემბერს იქორწინდა და სამი შვილი გაუჩნდათ - პატრიცია, ფლორენცი და პოლი.

ჟან პოლ ბელმონდო და ელოდი კონსტანტინი, 1962 წელი

ჟან პოლ ბელმონდო და ელოდი კონსტანტინი, 1962 წელი

ფოტო: ჟან პოლ ბელმონდო და ელოდი კონსტანტინი, 1962 წელი

ბელმონდო შვილებთან და პირველ ცოლთან ერთად

ბელმონდო შვილებთან და პირველ ცოლთან ერთად

მსახიობი პირველ ოჯახთან ერთად

მსახიობი პირველ ოჯახთან ერთად

1965 წელს ბელმონდო და კონსტანტინი ერთმანეთს დაშორდნენ. სხვადასხვა დროს მას რომანი ჰქონდა ურსულა ანდრესთან, ლაურა ანტონელისთან, მარია კარლოს სოტო მეიერთან, ბარბარა განდოლფთან, თუმცა არც ერთ მათგანთან ოფიციალური ქორწინება არ აკავშირებდა.

ლაურა ანტონელისთან ერთად

ლაურა ანტონელისთან ერთად

ურსულა ანდერსთან ერთად

ურსულა ანდერსთან ერთად

მეორედ დაქორწინება მოცეკვავე ნეთი ტარდიველთან გადაწყვიტა. წყვილმა ერთმანეთი 1989 წელს გაიცნო. მათ შორის დიდი ასაკობრივი სხვაობა იყო. ნეთის გაცნობისას ბელმონდო 50 წლის იყო, ხოლო ტარდიველი 24-ის.

ნეთი ტარდიველთან

ნეთი ტარდიველთან

ისინი ხანგრძლივად ცხოვრობდნენ ერთად, 2002 ურთიერთობა ოფიციალურად ქორწინებით გააფორმეს, 2003 წელს კი გოგონა, სტელა ევა ანჯელინა შეეძინათ. 2008 წელს ბელმონდო თავის მეორე ცოლსაც დაშორდა.

ბელმონდო მეორე მეუღლესთან და ქალიშვილ სტელასთან ერთად

ბელმონდო მეორე მეუღლესთან და ქალიშვილ სტელასთან ერთად

მსახიობს ერთი შვილი გარდაცვლილი ჰყავს, მისი უფროსი ქალიშვილი, პატრიცია 1993 წელს ტრაგიკულად დაიღუპა - ის ხანძარს ემსხვერპლა.

პატრიცია ბელმონდო მამასთან ერთად

პატრიცია ბელმონდო მამასთან ერთად

მსახიობის ვაჟმა, პოლ ბელმონდომ, რომელიც პირველი ქორწინებიდან ჰყავს, თავადაც სამსახიობო კარიერაში მოსინჯა ძალა, გარდა ამისა, ის პროფესიონალი მრბოლელია და წლების წინ F1-ის მონაწილეც იყო. განსაკუთრებული ყურადღება მან 1981 წელს მიიპყრო, როდესაც მონაკოს პრინცესა სტეფანიასთან რომანი გააბა.

პოლ ბელმონდო მამასთან ერთად

პოლ ბელმონდო მამასთან ერთად

ლეგენდარული მსახიობის კიდევ ერთი შვილი პირველი ქორწინებიდან, ფლორენს ბელმონდო აშშ-ში ცხოვრობს. როგორც მედიაში წერენ, მას ჯანმრთელობასთან დაკავშირებული პრობლემები აქვს, გარდა ამისა, პანდემიის გამო არსებული რეგულაციების მიზეზით ვერ შეძლო მამის დაკრძალვაზე ჩასვლა. ფლორენსი ყოველთვის იყო მამის დიდი მხარდამჭერი და ცდილობდა, რთული, თუ ბედნიერი მომენტები მასთან ერთად გაეზიარებინა. ფლორენსი დაქორწინებულია და სამი შვილი ჰყავს.

ფლორენსი მამასთან ერთად

ფლორენსი მამასთან ერთად

მსახიობის შვილები და შვილიშვილები ერთად

მსახიობის შვილები და შვილიშვილები ერთად

მედიის განსაკუთრებული ყურადღება ბელმონდოს უმცროსმა ქალიშვილმა მიიპყრო. სტელა ევა ანჯელინა ბელმონდო 18 წლისაა. ბელმონდოს გარდაცვალების შემდეგ საზოგადოების მხრიდან მთავარი აქცენტი სწორედ ამ ულამაზეს გოგონაზე გაკეთდა, აქამდე იშვიათად ჩნდებოდა საჯაროდ. ინტერნეტსივრცეში მისი და ჟან პოლ ბელმონდოს მხოლოდ რამდენიმე ერთობლივი ფოტო იძებნება.

თავდაპირველად სტელა ჟან პოლ ბელმონდოს შვილიშვილი ეგონათ.

გოგონამ სოციალურ ქსელებში მამის გარდაცვალების შემდეგ საოცარი პოპულარობა მოიპოვა და „ინსტაგრამზე“ მისი გამომწერების რაოდენობა უკვე 47 ათასს აჭარბებს, მაშინ, როცა აქამდე პოპულარული არ ყოფილა.


ჯერჯერობით უცნობია, აირჩევს თუ არა მამის გზას მომხიბვლელი სტელა. ერთი რამ ცხადია, გოგონამ ერთი გამოჩენით შეძლო საზოგადოების მონუსხვა. ამბობენ, რომ განსაკუთრებული შარმი მას მამისგან მემკვიდრეობით ერგო.