ვერძი

ძვირფასო ვერძებო, ეს აპრილი იდეალური დროა იმისთვის, აისრულოთ თქვენი ყველაზე ველური ოცნებები. მაგრამ ჩვენი რეკომენდაციაა დარწმუნდეთ, რომ თქვენი მოტივაციის წყარო, ნამდვილად ჯანმრთელი ემოციებია. თქვენი კონკურენტული სულისკვეთება აუცილებლად მიგიყვანთ ფინიშის ხაზამდე, მაგრამ გაიძულებთ, რომ სხვებს დაუმტკიცოთ თქვენი შესაძლებლობები. ამიტომ დაფიქრდით - „სხვებისთვის გამარჯვება“, ნამდვილად ის გამარჯვებაა?

აპრილის ბოლოსთვის, თქვენი ყველაზე სერიოზული პარტნიორობა მიაღწევს კულმინაციას - ეს კი ან სამუდამო დაშორების, ან ახალი ვალდებულებების აღების დრო იქნება. ნებისმიერ შემთხვევაში, თქვენ მოგიწევთ, რომ მოვლენებს ბუნებრივი განვითარების საშუალება მისცეთ და არ ჩაერიოთ მათ მიმდინარეობაში - ყველამ ვიცით, რომ კონტროლის სურვილი, თქვენი მთავარი სისუსტეა!

კურო

ძვირფასო კუროებო, ეს აპრილი იდეალური თვეა იმისთვის, რომ საკუთარი თავის საუკეთესო ვერსიაზე ფოკუსირდეთ. ეს ბუნებრივიცაა - ამ თვეში თქვენი დაბადების დღე იწყება! ყურადღება მიაქციეთ, რატომ თრგუნავთ თქვენს გრძნობებსა და ინსტინქტურ რეაქციებს. მართალია თვითკონტროლის და სიმშვიდის შენარჩუნების ეს უნარი ნამდვილად აღმაფრთოვანებელია, მაგრამ თუ ყველა სიტუაციის ასე გადარჩენას შეეცდებით, საბოლოოდ დიდი იმედგაცრუება დაგრჩებათ.

აპრილის ბოლოს კი, მნიშვნელოვანი გამოწვევის წინაშე აღმოჩნდებით - თქვენ მოგიწევთ განახორციელოთ თქვენს ხელთ არსებული ყველა შესაძლო ცვლილება. დიახ, ეს ისაა რაც არ გიყვართ, მაგრამ ჩვენი მკაცრი რეკომენდაციაა, დატოვოთ თქვენი კომფორტის ზონა და მოერგოთ ახალ რუტინას. არაჯანსაღი სამუშაო გარემოსა თუ ურთიერთობებში დარჩენა, მხოლოდ თქვენთვისაა ცუდი...

ტყუპები

ძვირფასო ტყუპებო, აპრილი კარგი თვეა იმისთვის, რომ თქვენი ოცნებებისკენ გადადგათ პატარა ნაბიჯები. უბრალოდ დარწმუნდით, რომ მკაფიოდ აცნობიერებთ იმ მიზნებს, რომელთა მიღწევაც გსურთ, რათა იცოდეთ რომელი მიმართულებით წახვიდეთ.

თუ თქვენ ამბიციებზე გაამახვილებთ ყურადღებას, მაშინ ამ თვის ბოლოს მნიშვნელოვანი რომანტიკული გადაწყვეტილების მიღება მოგიწევთ - გადავა თუ არა თქვენი და თქვენი პარტნიორის ურთიერთობა ახალ ეტაპზე? ან იქნებ ეს ურთიერთობა საერთოდ უნდა დაასრულოთ? თუ გადაწყვეტილების მიღება გართულდება, მაშინ შეეცადეთ განასხვავოთ, რას სურს თქვენს გულს და რა არის თქვენთვის კარგი. ამიერიდან, სხვებზე ფიქრში დროს აღარ დაკარგავთ!

კირჩხიბი

ძვირფასო კირჩხიბებო, ამ თვეში ყველაზე მეტად იმის გაანალიზება გამოგადგებათ, თუ როდის უნდა დატოვოთ თქვენი კომფორტის ზონა. მიენდეთ საკუთარ თავს და დაიკავეთ ხელმძღვანელის პოზიცია! თავიდან შესაძლოა ეს უხერხულიც კი ჩანდეს, მაგრამ მიხვდებით, რომ თქვენი განვითარებისთვის ეს აუცილებელია. თუ საქმე კარიერას ეხება, დასაწყისისთვის ნუ ორიენტირდებით ფინანსურ შედეგებზე, რადგან წარმატების მრავალი სხვა ინდიკატორი არსებობს.

სიახლეებით სავსე თვის დასასრულს კი, აუცილებლად დაბრუნდებით სახლში, თქვენი სიმშვიდის ზონაში. ოჯახის წევრები, მეგობრები თუ საყვარელი ადამიანები - თქვენ გაანალიზებთ, რომ მათთან საკმარის დროს არ ატარებთ. ჩვენი რჩევაა, ნუ მისცემთ უფლებას თქვენს სენტიმენტალურ გრძნობებსა თუ მონატრებას, წინსვლაში ხელი შეგიშალოთ.

ლომი

ძვირფასო ლომებო, ამ აპრილში თქვენ მზად იქნებით იცხოვროთ მღელვარებისთვის. თუ თქვენ ეძებთ ახალ კარიერულ შესაძლებლობებს, ეს შესანიშნავი თვეა თქვენი მიზნების მისაღწევად. ჰკითხეთ საკუთარ თავს: რისთვის ცხოვრობთ? ვნებისთვის, თავგადასავალებისთვის, სწავლისთვის, სიყვარულისთვის? რაც არ უნდა იყოს თქვენი პასუხი, გჯეროდეთ, რომ მას აუცილებლად მიიღებთ!

დაიმახსოვრეთ, თქვენი მიზნების მიღწევაში თუ რამე ხელს გიშლით, ესაა ბუნებრივი ინსტინქტი, ასიამოვნოთ სხვა ადამიანებს. მიაქციეთ ყურადღება საკუთარ საჭიროებებს და პირველ ადგილზე თქვენი თავი დააყენეთ. ჩვენი რეკომენდაციაა, იპოვეთ სწორი ბალანსი თანამშრომლობასა და დასვენებას შორის, რათა მიიღოთ ის, რაც ასე ძალიან გსურთ.

 ქალწული

ძვირფასო ქალწულებო, ამ თვეში შეეცადეთ, რომ მეტი დრო დაუთმოთ სხვა ადამიანებს, რათა გააძლიეროთ პირადი კავშირები. მათ შორის, ინტიმური ურთიერთობები. მჭიდრო კავშირების ჩამოყალიბება მოითხოვს, რომ იყოთ დაუცველი და სხვა ადამიანებს საკუთარი თავის ნაკლებად დახვეწილი მხარე აჩვენოთ.

სამსახურში დაკავებული თვე გელოდებათ, რაც საბოლოოდ გამოაღვიძებს თქვენს თავდაჯერებას. შეეცადეთ დაკმაყოფილდეთ მიღწევებით ისე, რომ არ იყოთ ზედმეტად კრიტიკული საკუთარი თავის მიმართ. თვის მეორე ნახევარში თქვენ გექნებათ სურვილი ისწავლოთ რაიმე ახალი, რათა გააუმჯობესოთ თქვენი ცხოვრება. შეეცადეთ უპირატესობა მიანიჭოთ იმას, რაც ნამდვილად გსიამოვნებთ და გადაწყვეტილება მხოლოდ პრაქტიკული მიზეზების გამო არ მიიღოთ.

სასწორი

ძვირფასო სასწორებო, აპრილში თქვენი მთავარი თემა ურთიერთობები იქნება. ჩვენი რჩევაა, რომ თქვენს პარტნიორს, იქნება ეს რომანტიკული თუ საქმიანი, დაანახოთ რამდენად მნიშვნელოვანია თქვენთვის. დარწმუნდით, რომ გამოხატავთ იმას, რასაც გრძნობთ, რადგან უჩვენოთ, რომ მის გვერდით, თქვენ ძალიან კარგად ხართ.

ხოლო თუ თანამშრომელთან ცდილობთ რომანტიკული ურთიერთობის წამოწყებას, მაშინ აპრილის ბოლო საუკეთესო დროა ამ ნაბიჯისთვის. ნუ იქნებით ზედმეტად მესაკუთრე ან ზედმეტად დაცული, თუმცა შეინარჩუნეთ და გააძლიერეთ პირადი საზღვრები, რათა სხვების გასაბედნიერებლად, საკუთარი თავის დათმობა არ დაგჭირდეთ.

მორიელი

ძვირფასო მორიელებო, ამ თვეში ცხოვრების მოწესრიგების სურვილი გექნებათ. ნაცვლად იმისა, რომ ყოველდღიურ რუტინას გაჰყვეთ, დაუთმეთ დრო დაბალანსებული, მაგრამ საინტერესო ცხოვრების წესის შემუშავებას. დაფიქრდით, იქნებ თქვენი ქვეცნობიერი შიშები გიშლით ხელს სასიყვარულო ურთიერთობების, კარიერული და სულიერი ცხოვრების ტრანსფორმაციაში?

შეიძლება ბევრჯერ გსმენიათ, მაგრამ საკუთარი თავის სიყვარული და ნდობა არის წარსული ტკივილის განკურნების გასაღები. წარსული გამოცდილება და მოუნელებელი შიშები ხომ ისაა, რაც პირველი ნაბიჯის გადადგმასა და გულის გახსნაში გიშლით ხელს...

მშვილდოსანი

ძვირფასო მშვილდოსნებო, დაუკავშირდით თქვენს შინაგან ბავშვს და აკეთეთ ის, რაც სიხარულით გავსებთ! იყავით კრეატიული, თავგადასავლების მოყვარული და მხიარული, რათა დაარღვიოთ ჩვეული რუტინა და უბრალოდ იცხოვროთ. ნუ დაელოდებით სხვა ადამიანების ინიციატივას, თავად გადაწყვიტეთ რა არის ის, რისი კეთებაც გაგაბედნიერებთ.

ახლა ის დროა, რომ ახალი მიზნების დასახვაზე ორიენტირდეთ, ახალი სამსახურის ძებნა დაიწყოთ ან ვინ იცის, იქნებ ახალ სიყვარულსაც გადაეყაროთ. მაგრამ ნუ იჩქარებთ, გახსოვდეთ, რომ ყველაფერს თავისი დრო აქვს. დრო კი, მხოლოდ თამაშში და ბედნიერებაში გადის ძალიან სწრაფად...

თხის რქა

ძვირფასო თხის რქებო, ახალი დასაწყისების დროა! გაასუფთავეთ თქვენი სახლი და მოიშორეთ ის ნივთები, რომლებიც აღარ გჭირდებათ - ეს გონების გასუფთავებაში დაგეხმარებათ. შედეგად კი შეძლებთ ფოკუსირდეთ იმაზე, რაც ნამდვილად გაბედნიერებთ. შეეცადეთ ყოველდღიურად სცადოთ ერთი ახალი რამ - იქნება ეს კულინარიული ექსპერიმენტი თუ ვარჯიშის ახალი სახეობა. ჩვენი რეკომენდაციაა შეარჩიოთ ისეთი რამ, რაც ასევე აღგაფრთოვანებთ და რასაც არ აქვს კონკრეტული საბოლოო მიზანი... დიახ, ეს თქვენს საქციელს არ ჰგავს, მაგრამ ხომ გითხარით - სიახლეების დრო მოვიდა!

დაისვენეთ, ნაცვლად იმისა, რომ კიდევ ერთ სერიოზულ დავალებაში გადაეშვათ, დაისვენეთ - თქვენ ამას იმსახურებთ!

მერწყული

ძვირფასო მერწყულებო, აპრილის თვეში თქვენ ახალი პერსპექტივით შეხედავთ ცხოვრებას. ეს კი, რისკების აღებას გაგიადვილებთ. ისაუბრეთ საკუთარ თავზე და სხვებს საკუთარი ემოციები გაუზიარეთ - მაშინაც კი, თუ თქვენი ხმა ემოციებისგან აკანკალდება. ისწავლეთ, როდის უნდა მიატოვოთ რთული სიტუაციები და დანებდეთ. დაინახეთ, ვის ესმის თქვენი და ვის არა....

ამ თვეში ნებისმიერი საქმე დამაკმაყოფილებელ კულმინაციამდე მიაღწევს, რაც დაგეხმარებათ იმის გაცნობიერებაში, რომ ამ წელს უკვე ბევრი რამ ისწავლეთ ცხოვრებისა და საკუთარი თავის შესახებ. დაიმახსოვრეთ, რომ პერსპექტივის შეცვლა კარგია, ხოლო გონებრივი ჰორიზონტის გაფართოება არ ნიშნავს, რომ ცუდი ადამიანი ხართ...

თევზები

ძვირფასო თევზებო, აპრილის თვეში ახალი შესაძლებლობები გამოჩნდება, რამაც შესაძლოა დიდი ფინანსური ჯილდო მოგიტანოთ, მაგრამ გაითვალისწინეთ, რომ თქვენ უნდა იყოთ საკმარისად თავდაჯერებული, რათა თქვათ „დიახ“. უბრალოდ დარწმუნდით, რომ მატერიალიზმს თვითშეფასების შესანარჩუნებლად არ იყენებთ.

თვის მიმდინარეობასთან ერთად, თქვენი რომანტიკული თუ ინტიმური ურთიერთობების მხრივ გაუგებრობები წარმოიქმნება. ამ დროს, თქვენი ყველაზე დიდი გამოწვევა იქნება შიშებისა და შფოთვების მართვა. ჩვენი რეკომენდაციაა ისწავლოთ თუ როგორ ითანამშრომლოთ სხვებთან ისე, რომ არ მისცეთ უფლება თქვენს გრძნობებსა თუ მძიმე მოგონებებს, ბედნიერებაში ხელი შეგიშალოთ.