ცნობილია, რომ კანის მოვლის რუტინა, სეზონის მიხედვით უნდა შეიცვალოს. ზუსტად ისევე, როგორც თქვენი გარდერობი.

1. დილით და საღამოს დაიბანეთ სახე სპეციალური გამწმენდის გამოყენებით.

2. გამოიყენეთ გამაგრილებელი ტონერი.

3. არ დაივიწყოთ ისეთი ანტიოქსიდანტით მდიდარი შრატი, როგორიცაა C ვიტამინი.

4. გამოიყენეთ მსუბუქი, წყლის ბაზაზე დამზადებული, გელის ან ემულსიის სტრუქტურის მქონე დამატენიანებელი.

5. არასოდეს დაივიწყოთ მზისგან დამცავი საშუალების გამოყენება. თანაც, სულ მცირე SPF 30-ის შემცველობით.

6. კოსმეტიკური პროდუქცია გამოიყენეთ მინიმალური რაოდენობით და გადადით მსუბუქ მაკიაჟზე.

7. კვირაში ორჯერ გამოიყენეთ კანის ამქერცლავი საშუალებები.  

რას უნდა მოვერიდოთ ზაფხულში, რათა ჩვენმა კანმა ჯანსაღი იერი შეინარჩუნოს?

• ზაფხულში მოერიდეთ მძიმე დამატენიანებელ საშუალებებს (პროდუქტებს, რომლებსაც ზამთარში იყენებთ). ყოველთვის გამოიყენეთ მსუბუქი დამატენიანებელი საშუალება, რომელიც არ არის წებოვანი და მძიმე.

• აირჩიეთ არაკომედოგენური (პროდუქტები, რომლებიც ფორებს არ ახშობენ) კანის მოვლისა და კოსმეტიკური საშუალებები.

• ეცადეთ, არ გამოიყენოთ მძიმე მაკიაჟი, რათა თქვენმა კანმა სუნთქვა შეძლოს.

• არ დაგავიწყდეთ ჰიდრატაცია - დღის განმავლობაში მიიღეთ წყლის საკმარისი რაოდენობა.

• დღის განმავლობაში, არ გახვიდეთ გარეთ მზის დამცავი საშუალების გარეშე.

• ასევე მოერიდეთ თქვენი კანის მოვლის რუტინის ზოგიერთი გადამწყვეტი ნაბიჯის გამოტოვებას, როგორიცაა ტონირება და აქერცვლა.