მნიშვნელოვანია, აქტიური სექსუალური ცხოვრების მქონე ადამიანები ყოველთვის დაცული სექსით დაკავდნენ. თუმცა, პარტნიორები, ხშირად პრეზერვატივის გამოყენებით დისკომფორტს განიცდიან. ხშირად, ამ მიზეზით მამაკაცები განსაკუთრებით არიდებენ თავს მათ გამოყენებას და რამდენიმე სულელურ მიზეზს იგონებენ. 

TREND. გთავაზობთ იმ ტყუილების ჩამონათვალს, რომლებსაც მამაკაცები ხშირად ამბობენ. იყენებს ამ ჩამონათვალიდან რომელიმეს თქვენი პარტნიორი? დაფიქრდით, იქნებ მისი მიზანიც სექსით პრეზერვატივის გარეშე დაკავებაა!

1. "აბებს ვიყენებ"

მამაკაცების უმრავლესობა, ხშირად ამბობს, რომ წინასწარი პროფელაქტიკის მიზნით აბებს იყენებს. კერძოდ, მართლაც არსებობს პრეპარატი, რომელსაც მამაკაცები სხვადასხვა ვირუსული და ინფექციური დაავადებების თავიდან აცილების მიზნით, სექსუალურ აქტამდე სვამენ. ექიმებისა და პროფესორების უმრავლესობა ამტკიცებს, რომ ეს პრეფარატები უსაფრთხო და ეფექტურია. თუმცა, ისიც უნდა იცოდეთ, რომ ალბათობა ძალიან ცოტაა თქვენი პარტნიორის ნათქვამი სიმართლეს შეესაბამებოდეს!

2. "უი, პრეზერვატივის ყიდვა დამავიწყდა!"

რა შეიძლება მოიტყუო ამაზე ჭკვიანური? როცა ორივე პარტნიორი აღგზნებულია, ორივეს სურს სექსით დაკავდეს, მამაკაცი მარტივად იტყუება, რომ პრეზერვატივის ყიდვა, უბრალოდ დაავიწყდა! ესეც ასე, მიზანი მიღწეულია!

3. "პრეზერვატივი სისხლის მიმოქცევას ანელებს და ერექციას მიფუჭებს"

ამ მორიგ სისულელეზე, უბრალოდ, გირჩევთ უთხრათ, რომ არაუშავს, შეუძლია, მაინც სცადოს!

4. "არაფერი მჭირს, ყველაფრისგან სუფთა ვარ!"

შესაძლოა ასეც იყოს, თუმცა ამის გარანტიები, უბრალოდ, არ არსებობს! შესაბამისად, არც თქვენ ხართ ვალდებული მას პირველივე სიტყვაზე ენდოთ, განსაკუთრებით იმ შემთხვევაში, თუ იგი თქვენი სტაბილური პარტნიორი არ არის და უბრალოდ უთხრათ, რომ არ ენდობით და არ გჯერათ მისი!

5. "მოიცა, არ მენდობი?"

ოჰ, ეს მამაკაცები! როგორ უყვართ ემოციებზე თამაში! მარტივად შეგიძლიათ უთხრათ, რომ საუკეთესო მეგობარსაც კი არ მიენდობოდით ისე, რომ მასთან დაუცველი სექსი გქონოდათ. 

6. "ყველაფრის ანალიზი გავიკეთე და არაფერი მჭირს"

მარტივია! არავინ გამორიცხავს იმას, რომ ასეც არის, თუმცა, ამასთან, არც ის უნდა გამოვრიცხოთ, რომ იტყუება. სრული უფლება გაქვთ, მოსთხოვოთ განახოთ ანალიზების შედეგები!

7. "არ მერგება, პატარაა"

რა გაეწყობა, ან სხვა დროისთვის უნდა გადადოთ ან იმით სცადოთ, რაც გაქვთ!

8. "პრეზერვატივით, ისეთი კარგი არ არის..."

ეგოისტები! და მათ ჰგონიათ ეს განსხვავება მხოლოდ მათთვის არის შესამჩნევი? რა თქმა უნდა არა! შეგიძლიათ უთხრათ, რომ თქვენთვის ყველაზე პრირიტეტული დაცულობაა. სიამოვნებით კი, აუცილებლად ორივე ისიამოვნებთ!

9. "მას ძალიან ცოტახნით ვხვდებოდი"

ჰკითხეთ: "და მთელი ამ დროის განმავლობაში, მონოგამიური სექსუალური ცხოვრებით ცხოვრობდი?"

10. "ვერავინ მაიძულებს მათ გამოყენებას!"

ღმერთმანი, ზუსტად ამიტომ უნდა გამოიყენო ახლა!