ელეგანტურმა ქალმა უნდა იცოდეს სამკაულისა და სამოსის სწორად შეხამება. ეს არცთუ ისე მარტივი საქმეა. სულ უმნიშვნელო დეტალმაც კი, რომელსაც არასწორად გააკეთებთ, თქვენს ვიზუალს, შესაძლოა, ჩრდილი მიაყენოს.

გთავაზობთ წესებს, რომლებიც აქსესუარებისა და სამოსის სწორად შეხამებაში დაგეხმარებათ.

1. უარი თქვით 3, ან 4-ზე მეტი დიდი აქსესუარის ტარებაზე - ნუ გაიკეთებთ ძალიან ბევრ დიდ აქსესუარს. სადა ქალი წელს ყველაზე მოდურია. რა თქმა უნდა, სამკაულის ფერი სამოსის ფერთან უნდა იყოს ჰარმონიაში.

2. ნუ გაიკეთებთ დიდ შარფს - ნუ შემოიხვევთ ყელზე დიდ შარფს, განსაკუთრებით მაშინ, თუ დიდი ქურთუკი გაცვიათ. შეგიძლიათ, ატაროთ თხელი შარფი, რომელიც არ იქნება თვალშისაცემი.

3. გაიკეთეთ სრული კომპლექტი სამკაულის მხოლოდ იმ შემთხვევაში, თუ ისინი მცირე ზომისაა - ზოგი ამტკიცებს, რომ სამკაულის კომპლექტის ტარება უგემოვნებაა. ეს მხოლოდ ნაწილობრივაა მართალი და დამოკიდებულია იმაზე, თუ რამდენად დიდია სამკაული. თუ მცირე ზომისაა გაიკეთეთ ყველა(ბეჭედი, საყურე, ყელსაბამი, სამაჯური) ეს თქვენ უფრო ელეგანტურს გაგხდით.

4. დაივიწყეთ წესი იმის შესახებ რომ თქვენი ჩანთის ფერი ფახსაცმლის ფერს უნდა შეესაბამებოდეს - შეუსაბამო ფეხსაცმლისა და ჩანთის ფერი ერთმანეთს, სულაც არაა სავალდებულო. თუ თქვენი ფეხსაცმელი არის ნათელი ფერის, კარგი იქნება თუ შეუსაბამებთ ჩანთას კონტრასტულ ფერში.

5. დაალაგეთ პრიორიტეტები - ან ნათელი ტანსაცმელი, ან თვალისმომჭრელი აქსესუარები - როცა ვმუშაობთ ჩვენს სტილზე, ვცდილობთ შევიმოსოთ ისე, რომ ეფექტი მოვახდინოთ და კონცეტრირებას ვახდენთ სამოსზე. მაკიაჟსა და სამკაულზე. თუმცა ეს შეცდომაა. აირჩიეთ - ან სამოსი, ან აქსესუარები, ან მკვეთრი მაკიაჟი. თუ ულამაზეს და თვალისმომჭრელ სამოსს ბრილიანტის უზარმაზარ საყურეს შეუხამებთ, ეს აბსურდული იქნება.

6. არ ატაროთ საათი საღამოს კაბასთან ერთად - მაჯის საათი უხდება სპორტულ, ყოველდღიურ და საქმიან სტილს და თუ მას გაიკეთებთ საღამოს კაბასთან ერთად, თქვენ არცთუ ისე მოდურად გამოჩნდებით.

7. დაიმახსოვრეთ, დიდი ზომის, სქელი ბეჭდები ყველას არ უხდება - სქელი ბეჭდები არ უხდება მოკლე თითებს, მის სიგრძეს ის ვიზუალურად კიდევ უფრო ამოკლებს.გაითვალისწინეთ ეს წესი ბეჭდის შერჩევისას.

8. ხელთათმანის ფერი უნდა შეესაბამებოდეს თქვენი სამოსის რომელიმე დეტალს - შეხედეთ თქვენს ფეხსაცმელს, ქამარს, ან ტუჩსაცხის ფერს. როგორც წესი, ხელთათმანი ჰარმონიაში უნდა იყოს რომელიმე დეტალთან.

9. თუ ღია ფერის სამოსი გაცვიათ, უარი თქვით შავ ფეხსაცმელზე - ღია ფერის ტანსაცმლთან შეგიძლიათღია ფერის ფეხსაცმელი ჩაიცვათ. ამ დროს შავი ფეხსაცმლის ჩაცმა დიდი შეცდომაა.

10. დიდი აქსესუარები შეუსაბამეთ მხოლოდ ნეიტრალური ფერის სამოსს - თუ ატარებთ აქსესუარებს უამრავი მძივით ის ეფექტური იქნება ნეიტრალური ფერის სამოსზე.