ადამიანების უმეტესობა ცდილობს გამოიყურებოდეს უფრო ახალგაზრდულად, ვიდრე ის სინამდვილეშია - ეს ბუნებრივია. არავის მოსწონს ნაოჭები სახეზე და თმაში ჭაღარა, თუმცა წლების მატებასთან ერთად ყოველივე გარდაუვალია.

მთავარია, სწორად აღიქვათ ყველაფერი. ამბობენ, რომ მთავარია, გული არ დაბერდეს და შინაგანად მუდამ ახალგაზრდა იყოთ.

გთავაზობთ 10 რჩევას - თუ გსურთ, თავს მუდამ ახალგაზრდულად გრძნობდეთ:

1. თქვენ ლამაზი და უნიკალური ხართ, დაბერების პროცესშიც - ცხოვრება მიდის და თქვენი კანი ჭკნება. არის ამაშიც რაღაც ლამაზი. თუ შეიყვარებთ თქვენს ნაოჭებს, თქვენ აუცილებლად მუდამ იბრწყინებთ და მუდამ ახალგაზრდა იქნებით.გახსოვდეთ, რომ ახალგაზრდა გული მარადიული ახალგაზრდობის გასაღებია.

2. გახადეთ თქვენი კვების რაციონი უფრო პიკანტური - მიირთვით განსხვავებული, გემრიელი და პიკანტური საკვები, რომელიც გაგხდით უფრო ბედნიერს.

3. იმღერეთ - უმეტესი ჩვენგანი თავის საყვარელ სიმღერას მანქანაში, ან აბაზანაში მღერის, მაგრამ რატომ არ უნდა სცადოთ რომ იმღეროთ გამუდმებით ჩიტების მსგავსად? ისინი ხომ თავიანთ მელოდიებს მთელი დღეები მღერიან. შეიძლება სიმღერის წერის ნიჭიც კი აღმოაჩინოთ. სცადეთ დღესვე. არაფერი დაგეხმარებათ ახალგაზრდა გულის შენარჩუნებაში იმაზე მეტად, ვიდრე სიმღერა.

4. გაატარეთ უფრო მეტი დრო თქვენს ძაღლთან ერთად - ეს შეიძლება ახალგაზრდობის შენარჩუნების თვალსაზრისით სასაცილოდ მოგეჩვენოთ, მაგრამ ჭეშმარიტებაა. თუ დიდ დროს გაატარებთ მასთან, ეთამაშებით, ახალგაზრდულად იგრძნობთ თავს. რა შეიძლება იყოს რაიმე საუკეთესო მეგობართან დროის გატარებაზე უკეთესი?!

5. გაანებივრეთ თავი ძილით - უმეტესი ჩვენგანი ძილის დეფიციტს განიცდის. ჩვენი საქმიანობა არ გვაძლევს საშუალებას რომ ძილისთვის დრო გამოვნახოთ, მაგრამ გახსოვდეთ, რომ დღის განმავლობაში 10 წუთითაც რომ ჩათვლიმოთ, ეს თქვენს განწყობას აამაღლებს. ნუ დაგავიწყდებათ, რომ დღე-ღამეში 8 საათი აუცილებლად უნდა გეძინოთ.

6. განვიხილოთ რწმენის ფაქტორი - მეცნიერულად დადასტურებულია, რომ ძლიერი რწმენა ადამიანს წლებს ჰმატებს. რწმენა ამაღლებს მოტივაციას, ქმნის წარმატების მოლოდინს.

7. არ დაკარგოთ იუმორის გრძნობა - იუმორი და სიცილი ბედნიერი ცხოვრების და ახალგაზრდობის გასაღებია. ცხოვრება რთულია, მაგრამ არ უნდა დაკარგოთ გულწრფელად გაცინების უნარი და იუმორის გრძნობა.

8. რთულია, იყო მუდამ აქტიური, მაგრამ ეს აუცილებელია - ვარჯიში, აქტიური ცხოვრების წესი, სტრესისგან გათავისუფლების საუკეთესო საშუალებაა. ნუ დაანებებთ თავს ვარჯიშს მიუხედავად იმისა, რომ წლები მოგემატათ.

9. წაიკითხეთ წიგნები სიყვარულზე, უყურეთ ფილმებს ბედნიერი დასასრულით- უმჯობესია, წაიკითხოთ მარტივი და სასიყვარულო წიგნები, ან უყუროთ ფილმებს ბედნიერი დასასრულით. ეს თქვენს განწყობას, ახალგაზრდობის შეგრძნებას აამაღლებს.

10. იყავი ის, ვინც ხარ - როცა უახლოეს ადამიანებთან ერთად ვართ, ვართ ისეთები, როგორებიც სინამდვილეში. სცადეთ იყოთ ბუნებრივები სხვა ადამიანების გარემოცვაშიც. იყავი ყველგან და ყოველთვის ის, ვინც სინამდვილეში ხარ. გაეცი ბევრი სიყვარული და სითბო, თუ გინდა რომ სხვებისგანაც იგივე მიიღო.