ქართველი ტელემაყურებლის მთელი ყურადღება ერთ-ერთ ყველაზე სანსახაობრივ და საინტერესო სატელევიზიო პროექტს ეთმობა. აღნიშნული გასაკვირი არც არის, ვინაიდან X ფაქტორი უკვე წლებია, წარმოუდგენლად მრავალფეროვან შოუს გვთავაზობს, განაგრძობს უნიჭიერესი ქართველი ახალგაზრდებისა და ადამიანების აღმოჩენას და მათ კარიერულ განვითარებას. 

გარდა მონაწილეებისა, X ფაქტორი მაყურებლისთვის საინტერესოა იმითაც, რომ გადაცემა ყოველ სეზონზე განახლებული ჟიურის შემადგენლობით გვიბრუნდება. ერთ-ერთი ყველაზე თვალშისაცემი და ხშირად თავად ჟიურის წევრთა განხილვის საგანი თავიანთი და წამყვანების ვიზუალური ნაწილი ხდება. 

TREND. გთავაზობთ პროექტის წამყვანებისა და ჟიურის სტილს ეთერში უკვე გასული გადაცემებიდან:

გამომდინარე იქედან რომ, ქართული ესტრადის დამსახურებული ვარსკვლავი, ლელა წურწუმია პირველად ვიხილეთ X ფაქტორის ჟიურის წევრებს შორის, ბუნებრივია, დაგვაინტერესა, როგორ წარსდგებოდა იგი ამ ამპლუაში ქართველი ტელემაყურებლის წინაშე. 

უნდა ითქვას, რომ ლელა ინარჩუნებს იმიჯს და არ კარგავს დახვეწილობისა და ელეგანტურობის განცდას. იგი ტელემაყურებელს არა ერთხელ გამოეცხადა, შავ, დახვეწილ და გემოვნებიან კაბაში. 

შავი და დახვეწილი კაბით ქართული ესტრადის "დივა" არ შემოიფარგლა და თავის ქალურობასა და სექსუალურობას მან შავი, გამჭვირვალე, ბადე კაბით გაუსვა ხაზი პირველივე გადაცემაში. 

რაც შეეხება სოფო ნიჟარაძეს, იგი კვლავ ჟიურის ყველაზე საყვარელ, ემოციურ წამყვანად რჩება და საკუთარი ხასიათის შთავისებურებებს არაჩვეულებრივად უსვამს ხაზს ჩაცმულობის და სტილის საშუალებითაც. 

სექსუალური, ლამაზი და ახალგაზრდული სოფო ნიჟარაზე, სამ, კონტრასტულ ფერში გამოეცხადა ტელემაყურებელს. 

თუმცა, ქალურობასა და სისადავეს იგი ნებისმიერ სტილში ინარჩუნებს. 

სოფო ნიჟარაძის ჩაცმულობაში მკვეთრად იგრძნობა მისი ემოციურობაც. იგი უპირატესობას, ნაზ, პასტელურ ფერებს ანიჭებს და შერჩეული იმიჯით ხაზს უსვამს მისი ხასიათის სიმტკიცესაც. სოფო მაყურებლის წინაშე დახვეწილი, ღია ვარდისფერი ზედითა და შავი შარვლის კომბინაციით არა ერთხელ გამოჩნდა. 

ლელა წურწმუმია არ წყვეტს მაყურებელთა გაოცებას და ულამაზესი და უსექსუალურესი კაბებით განაგრძობს ტელეეკრანებზე გამოჩენას. 

გარდა ღია ფერებისა, სოფო ნიჟარაძე არც ელეგანტურ შავ ფერზე ამბობს უარს და მეტიც, ძალიან მოხდენილად ირგებს კიდეც მას. 

უნდა აღინიშნოს, რომ ელეგანტურ შავ ფერში ჩაცმული, X ფაქტორის წამყვანი რუსკა მაყაშვილიც საკმაოდ ელეგანტური და დახვეწილი იმიჯის მორგებას განაგრძობს. 

პროექტის წამყვანი, თავის მრავალფეროვან ხასიათს, საკუთარ, ექსტრავაგანტულ ჩაცმულობაში არაჩვეულებრივად უსვამს ხაზს. 

რუსკა მაყაშვილი კვლავ რჩება X ფაქტორის ერთ-ერთ ყველაზე მხიარულ, ფერად და ღიმილიან წმყვანად!