ქალაქისა და ქართული მოდის სამყაროს ერთ-ერთი ყველაზე მნიშვნელოვანი მოვლენა Mercedes-Benz Fashion Week Tbilisi 8 მაისს დაიხურა. მოდის კვირეულის ფარგლებში, როგორც ქართველმა, ასევე უცხოელმა სტუმრებმა ქართველი და არაქართველი დიზაინერების ჩვენებები იხილეს. 

ერთ-ერთი ქართველი დიზაინერის, LALO-ს 2017/2018 წლის შემოდგომა/ზამთრის ჩვენება 6 მაისს გაიმართა. ლალო დოლიძის ოცნება, მიუხედავად იმისა, რომ უცხო ენების და ევროპული კულტურის სპეციალისტია, ყოველთვის იყო შეექმნა მოდური ბრენდი. მას არასოდეს წარმოედგინა, რომ ამ ოცნებას რეალობად აქცევდა, თუმცა, ეს მოხდა. 

ლალო დილიძემ თავდაპირველად თავისთვის დაიწყო ტანისამოსის შექმნა. 2012 წელს, მან თავის ტყუპ დასთან ერთად დააფუძნა ბრენდი LaloCardigans, რომელმაც, საკმაოდ დიდ წარმატებას მიაღწია. 2016 წელს კი დიზაინერმა ინდივიდუალურად შექმნა ახალი ხაზი LALO, რომელიც LaloCardigans-თან შედარებით, გაცილებით ძვირადღირებული ბრენდია. 

LALO-ს განსხვავებულობა იმაშია, რომ თითოეულ ნივთს კოლექციიდან ხელით დამზადებული დეტალი გააჩნია. დიზაინერის ინსპირაცია ბუნებას უკავშირდება. კონკრეტულ დეტალებს ლალო დოლიძე, ინდივიდუალური ხედვით ტანისამოსში აცოცხლებს. 

2017/2018 წლის შემოდგომა ზამთრის კოლექციაში დიზაინერი თბილ ქსოვილებს უხვად იყენებს. აღასანიშნავია ისიც, რომ გამოყენებულია ძალიან ბევრი ფერი, თუმცა ეს კოლექციას არ უკარგავს ჰარმონიულობის განცდას. 

TREND. გთავაზობთ LALO-ს ჩვენების სრულ ვერსიას:

BO-3 IMG_0401.jpg