კიევი, ალმაატი. მოსკოვი და ბათუმი - ეს ის ქალაქებია, სადაც ცნობილი ქართველი დიზაინერის შემოქმედება იყიდება. 

აკა ნანიტაშვილი ძალიან წარმატებული ქართული ბრენდის ავტორია, რომელიც საბავშვო ბრენდს, MAIA-საც ფლობს. დიზაინერი თბილისის სახელმწიფო სამხატვრო აკადემიის დასრულების შემდეგ ძალიან ბევრ მოდის პროექტშია ჩართული. სხვა დიზაინერებთან ერთად აკა ნანიტაშვილმა შექმნა მოდის სახლი K STUDIO, რომლის პარალელურადაც ხელმძღვანელობდა ტანსაცმლის ბუტიკს KAPRIZ-ს. 

აკა ნანიტაშვილი Mercedes-Benz Fashion Week Tbilisi-ის დებიუტანტი 2008 წელს გახდა, ხოლო ბრენდი AKA NANITA 2009-ში შექმნა. დიზაინერი ხშირად მონაწილეობს რუსეთისა და ევროპის მოდის კვირეულში და აღსანიშნავია, რომ მისი შემოქმედება მოდის მოყვარულთა მხრიდან ყოველთვის დადებით შეფასებებს იმსახურებს.

აკა ნანიტაშვილმა 2017/2018 წლის შემოდგომა/ზამთრის კოლექცია 6 მაისს წარუდგინა სტუმრებს. კოლექციაში ჭარბობდა თბილი პასტელური ფერები, რომლებიც კონტრასტს ქმნიდა ასევე ხშირად გამოყენებულ წითელ ფერთან, რომელიც ერთგვარ ფონად გასდევდა მთლიან კოლექციას. 

TREND. გთავაზობთ AKA NANITA -ს ჩვენების სრულ ვერსიას: