Mercedes-Benz Fashion Week Tbilisi-ის სეზონზე, რომელიც 4 მაისს გაიხსნა, კვირეულის სცენა ძალიან ბევრ ნიჭიერ, განსხვავებულ და ორიგინალურ დიზაინერს დაეთმო. 

ერთ-ერთი ყველაზე გამორჩეული, მოტივირებული, ჭკვიანი, დახვეწილი და განსხვავებული მათ შორის NICOLAS GRIGORIAN აღმოჩნდა. თბილისის სახელმწიფო სამხატვრო აკადემიის დასრულების შემდეგ, NICOLAS GRIGORIAN-მა პირველად პოდიუმი 2011-12 წლებში, თბილისის მოდის კვირეულის ფარგლებში დაიპყრო. მას შემდეგ, დიზაინერი და მისი კოლექციები მოდის სამყაროს ხმაურიანი დღეების განმავლობაში ყველაზე ცხელი და აქტუალური თემა ხდება. 

NICOLAS GRIGORIAN მსოფლიოში ცნობილი, ავსტრალიური მაღაზიის JURY-ს ფავორიტი გახდა და საშუალება მიეცა გაეყიდა თავისი კოლექციები ისეთი დიზაინერების გვერდით, როგორიცაა, YOHJI YAMAMOTO, RICK OWENS, MARGIELA და სხვები. 

6 მაისს მოდის მოყვარულები NICOLAS GRIGORIAN-მა ერთხელაც გაგვაოცა და 2017/2018 წლის შემოდგომა/ზამთრის შეუდარებელი სრული კოლექცია წარმოგვიდგინა. 

ნაცრისფერი, ლურჯი, თეთრი, მწვანე და წითელი - ეს ფერები მოარგო წელს დიზაინერმა განსხვავებულ ქალს, რომელიც ქალური, მკაცრი, თავისუფალი და სექსუალური ერთდროულად არის. 

TREND. გთავაზობთ NICOLAS GRIGORIAN-ის ჩვენების სრულ ვერსიას: