ქართული მოდის ვარსკვლავი და გამორჩეული დიზაინერი ანუკი არეშიძე, თავისი ბრენდის ANOUKI-ის კოლექციით თავის მომხმარებლებს თანამედროვე, მოდურ ტანსაცმელსა და აქსესუარებს, განსაკუთრებული გზით სთავაზობს, ცდილობს ინდივიდუალურობაზე ხაზგასმას და უარს ამბობს მასობრივ პროდუქციაზე. 

ANOUKI საქართველოში, კერძოდ კი თბილისში 2013 წლის ივლისში შეიქმნა, რომლის შემოქმედებითი დირექტორი, ანუკი არეშიძეა. მან მოდის დიზაინი იტალიაში, Istituto Marangoni and the Accademia del Lusso-ში შეისწავლა, რის შემდეგაც, საკმაოდ წარმატებული კარიერა, როგორც დიზაინერმა, საქართველოში გაიკეთა. ANOUKI-ს, როგორც ბრენდის მთავარი იდეა, თითოეულ მომხმარებელთან ინდივიდუალური მიდგომის მცდელობაა.

აღსანიშნავია, რომ წელს ANOUKI მილანის მოდის კვირეულის ოფიციალური და მუდმივი წევრი გახდა. იგი ისეთი დიზაინერების გვერდით იკავებდა ადგილს, როგორიც არის Gucci, Fendi, Prada, Bottega Veneta და Dolce & Gabbana.

Mercedes-Benz Fashion Week Tbilisi-ის ფარგლებში, 7 მაისს ანუკი არეშიძემ კოლექციის ჩვენება გამართა. როგორც თავად აღნიშნა, 2017/18 წლის შემოდგომა-ზამთრის კოლექციის შთაგონებად, ქართული ანბანი იქცა. ANOUKI-ს ამ სეზონის ქალი ნაზი, დახვეწილი და ინდივიდუალისტია. დიზაინერი არ უშინდება ზამთრის ამინდებს და კოლექციაში ღია, ნაზი ფერების იჭარბეს გვთვაზობს. 

ANOUKI იქმნება ისეთი ქალებისთვის, ვისაც სტილის მძფრი შეგრძნება აქვს, ვინც დიზაინერის რჩევას ითვალისწინებს და გემოვნებას არ უჩივის.

გთავაზობთ ANOUKI-ის ჩვენების ფოტოებს: