ხშირად, ბავშვთა ასაკში, ლოყების არეში სიწითლისა და სიმშრალის განვითარების ერთ-ერთი მიზეზი ატოპიური დერმატიტია. გთავაზობთ 7 კითხვას, რომელიც TREND-მა, ალერგიისა და იმუნოლოგიის ცენტრის ალერგოლოგს - ნინო ლომიძეს დაუსვა, წაიკითხეთ და გაიგეთ მნიშვნელოვანი ინფორმაცია ბავშვთა ალერგიის შესახებ.

1. რა არის ატოპიური დერმატიტი?

ატოპიური დერმატიტი კანის ქრონიკული ანთებითი დაავადებაა, რომელიც ვლინდება ბავშვთა ასაკში შემდეგი ნიშნებით:

• ლოყების ან/და კიდურების გამშლელი ზედაპირების სიწითლითა და სიმშრალით.
• ქავილით, რომელიც განსაკუთრებით შემაწუხებელია საღამოს საათებში.
   

2. რა ასაკში იწყება ატოპიური დერმატიტი?

• პირველი გამოვლინება ძირითადად 0-2 წლამდე ასაკშია, თუმცა შესაძლებელია ცოტა მოგვიანებით 5 წლამდე ასაკშიც გამოვლინდეს.
  
  
  
  
  

3. რა იწვევს ატოპიური დერმატიტის განვითარებას?

• ატოპიური დერმატიტის განვითარებას იწვევს კანის ზედაპირულ შრეში არსებული ცილა „ფილაგრინის“ არასრულფასოვანი სინთეზი.
• ცილა „ფილაგრინი“ ქმნის კანის მტკიცე ბარიერს, ხელს უწყობს კანში წყლის შეკავებას და იცავს გარემოში არსებული სხვადასხვა გამღიზიანებლებისგან.
• ცილა „ფილაგრინის“ არასრულფასოვანი, დარღვეული სინთეზის დროს კანის ბარიერი ირღვევა, კანის ზედაპირული შრიდან აქტიურად იკარგება წყალი.
• შედეგად კანი შრება, ვითარდება ქავილი, სიწითლე და საბოლოოდ დერმატიტი.
   

4. რამდენად შესაძლებელია საკვებმა გაამწვავოს ატოპიური დერმატიტი?

დიახ, საკვები ხშირად არის ატოპიური დერმატიტის გამამწვავებელი ფაქტორი, განსაკუთრებით საყურადღებოა შემდეგი პროდუქტები:

• ძროხის რძე
• ქათმის კვერცხი
• მარცვლეული
• სოიო
• თხილი,ნიგოზი, არაქისი
• შოკოლადი
• თაფლი
• ფერადი კამფეტები და ა.შ
  
  

5. რატომ უნდა მივაკითხოთ დროულად ალერგოლოგს?

• დროულად დაინიშნოს სწორი მკურნალობის კურსი, დაავადების უფრო რთულ ფორმაში გადასვლამდე.
• გამწვავების დროს სწორედ შეირჩეს სამკურნალო მალამოები.
• გამწვავების დროს სწორედ დაინიშნოს ქავილის საწინააღმდეგო ანტიალერგიული მედიკამენტები.
• სწორედ შეირჩეს კანის დასაბანი და დამატენიანებელი საშუალებები.
• გაირკვეს რა საკვები ამძაფრებს ატოპიური დერმატიტის მიმდინარეობას და მის საფუძველზე სწორედ დაინიშნოს ჰიპოალერგიული დიეტა.

6. რა რეკომედაციები უნდა დაიცვან ატოპიური დერმატიტის მქონე პაციენტებმა?

• არ დაბანოთ ბავშვი ძალიან ცხელი წყლით
• სასურველია დაბანის ხანგრძლივობა 10-15 წთ-ს არ აღემატებოდეს, რომ კანი ზედმეტად არ დალბეს და გამოშრეს
• დაბანა უმჯობესია ჰიპოალერგიული უსაპნო თხევადი საპნით
• დაბანის შემდეგ შეამშრალეთ ბავშვი პირსახოცით და დაელოდეთ კანს შეშრეს არაუმეტეს 20 წამისა.
• დამატენინებელი წაუსვით ბავშვს ოდნავ სველ კანზე, აბაზანის შემდგომ რათა შეინარჩუნოს ტენიანობა.

7. განკურნებადია თუ არა ატოპიური დერმატიტი?

• პაციენტების უმრავლესობას დროული მკურნალობით გასდის სკოლამდელ ასაკში.
• გარკვეულ ნაწილს უგრძელდება გარდატეხის ასაკის პერიოდამდე და შემდეგ გასდის, მხოლოდ მცირე ნაწილს აღენიშნება მოზრდილთა ასაკშიც.

FB: https://web.facebook.com/allergycentergeorgia/

ტელ: 0322 52 05 33

მის: 2/6 ლუბლიანას ქ. თბილისი