სისტემატიური მედიტაციის საშუალებით, შესაძლებელია გონების სტრესისგან გათავისუფლება, შფოთის შემცირება და მენტალური მდგომარეობის გაუმჯობესება. თანამედროვე ცხოვრების პირობებში, ეს პრობლემები უამრავ ადამიანს აწუხებს. ალბათ სწორედ ამიტომ გადაიქცა აღმოსავლური კულტურის ნაწილი - მედიტაცია, ჩვენი ეპოქის მთავარ გამოწვევად.

თუ დიდი ხანია გინდათ სცადოთ მედიტაცია და არ იცით საიდან დაიწყოთ, ან უბრალოდ დასაწყისისთვის ზედმეტად გერთულებათ - პრობლემა სულაც არ არის.
გაიცანით მედიტაცია 5-4-3-2-1 მეთოდით, რომლის გაკეთებაც ყველას შეუძლია. ამისთვის მხოლოდ თავისუფალი 5 წუთია საჭირო.

დაჯექი კომფორტულად - ამ წამიდან შენ სამყაროს 5 ელემენტს შეიგრძნობ;
ამოიცანი 4 ხმა, რომელიც გესმის - ფეხის ხმა, ჩიტების ჭიკჭიკი, ავტომანქანების ხმა, ხმაური გვერდითა სახლიდან...

შეეხე 3 ნივთს, რომელსაც ადგომის გარეშე მისწვდები: ფანქარი, ბეჭედი, სკამის სახელური;

ამოიცანი 2 სურნელი, რომელსაც ახლა შეიგრძნობ: სუნამოს სურნელი, ახალგარეცხილი მაისურის სუნი...

და ბოლოს - შეიგრძენი 1 გემო, რომლსაც წინასწარ გაამზადებ და მედიტაციისას შენს სიახლოვეს იქნება: წყლის ერთი ყლუპი, პური, შოკოლადის ნატეხი...

ამ შეგრძნებებზე ფოკუსირება დაგეხმარება გააცნობიერო მოცემული მომენტი. ის ასევე საშუალებას მოგცემს გათავისუფლდე ნეგატიური ფიქრებისგან. მედიტაციის 5 წუთის განმავლობაში, შენ გამოდიხარ გონების დაუსრულებელი სპირალიდან, ისვენებ და ყურადღება ისეთ საკითხებზე გადაგაქვს, რაც აქამდე უმნიშვნელო იყო. ეს გონების ერთგვარი გადატვირთვაა, რომელიც აუცილებელია ბედნიერი ცხოვრებისთვის.