სტილი

დემნას ემოციური შოუ - დიზაინერმა ჩვენება უკრაინას მიუძღვნა

დემნას ემოციური შოუ - დიზაინერმა ჩვენება უკრაინას მიუძღვნა

ბალენსიაგას 2022 წლის შემოდგომა-ზამთრის ჩვენება, სულ რამდენიმე წუთის წინ გაიმართა. დემნა და მისი გუნდი, ამ შოუზე 6 თვის განმავლობაში მუშაობდნენ. 

BO-1 Custom embed code

ჩვენებაზე მისულ ყველა სტუმარს, სკამზე უკრაინის დროშა დახვდათ. დროშასთან ერთად, დემნამ ემოციური წერილი გამოაქვეყნა და აფხაზეთის ომთან დაკავშირებული ტკივილი გაიხსენა. შეგახსენებთ, რომ მსოფლიოში აღიარებული ქართველი დიზაინერი, აფხაზეთიდან დევნილია.

BO-2 Custom embed code

“უკრაინაში მიმდინარე ომმა, ჩემში იმ წარსული ტრავმის ტკივილი გააღვიძა, რომელსაც 1993 წლიდან ვატარებ, როდესაც იგივე მოხდა ჩემს ქვეყანაში და მე სამუდამოდ ლტოლვილი გავხდი. ეს არის ისეთი რამ, რაც მუდამ შენში რჩება. შიში, სასოწარკვეთა, იმის გაცნობიერება, რომ არავის უნდიხარ, მაგრამ ასევე გავაცნობიერე, თუ რა არის ცხოვრებაში ნამდვილად ფასეული, ყველაზე მნიშვნელოვანი – სიცოცხლე, სიყვარული და თანაგრძნობა.

დემნას ემოციური შოუ - დიზაინერმა ჩვენება უკრაინას მიუძღვნა

სწორედ ამიტომ, ამ კვირაში ჩემთვის წარმოუდგენლად რთული იყო შოუზე მუშაობა. ასეთ დროს, მოდა კარგავს რელევანტურობას და არსებობის უფლებას. მოდის კვირეული აბსურდულად გამოიყურება. რაღაც მომენტში, ვიფიქრე, რომ გამეუქმებინა შოუ, რომელზეც მე და ჩემმა გუნდმა ძალიან ბევრი ვიმუშავეთ და ყველა ძალიან ველოდით. მაგრამ შემდეგ, ვიფიქრე, რომ ეს კიდევ ერთხელ იქნებოდა დანებება იმ ბოროტებასთან, რომელმაც უკვე საკმარისი ტკივილი მომაყენა, უკანასკნელ 30 წლის განმავლობაში.

BO-3 Custom embed code


შოუს დამატებითი განმარტება არ სჭირდება. ის ეძღვნება უშიშრობას, გამძლეობას, სიყვარულისა და მშვიდობის გამარჯვებას!“