სამყაროში, სადაც ჩვენ ვცხოვრობთ, დრო ფუფუნებაა. დაკავებული და საქმიანი ქალბატონებისთვის, რომლებიც თავდაუზოგავად მუშაობენ, ოჯახურ და პირად ვალდებულებებს ზედმიწევნით ასრულებენ, სილამაზის ხანგრძლივი რუტინა შეიძლება აუხდენელ ოცნებად ექცეთ, თუმცა მათ მაინც შეუძლიათ შესანიშნავად გამოიყურებოდნენ სულ რაღაც 5 წუთში, თუნდაც ყველაზე დაძაბულ დღეებში და თუ როგორ, ამას ჩვენ გასწავლით.

პირველ რიგში, მოაწყვეთ თქვენი მაკიაჟისა და კანის მოვლის საშუალებები ისე, რომ უზრუნველყოთ სწრაფი და მარტივი წვდომა და მივყვეთ რუტინას ნაბიჯ-ნაბიჯ:

1. გაწმენდა-დატენიანება (1წთ)

დაიწყეთ ექსპრეს რუტინა კანის ნაზი გაწმენდით. სახის დაბანის შემდეგ გაასუფთავეთ და მოამზადეთ თქვენი კანი. ასეთი დასაწყისი კარგ საფუძველს უყრის თქვენს რუტინას და კანიც მზადაა შემდეგი ნაბიჯებისთვის.

2. BB კრემი ან დამატენიანებელი (1წთ)

გაამარტივეთ თქვენი მაკიაჟის ტექნიკა BB კრემით ან რაიმე დამატენიანებელი საცხით, რომელიც განკუთვნილი იქნება თქვენი სახის კანისთვის. ეს პროდუქტები გთავაზობთ მსუბუქ დაფარვას და ასევე უზრუნველყოფს დატენიანებას და მზისგან დაცვას. შეარჩიეთ თქვენი შესაფერისი ფერი და წაისვით მთელ სახეზე საცხი თანაბრად თითებით.

3. თვალების გამოკვეთა (1წთ)

ფოკუსირება მოახდინეთ თვალებზე. სწრაფად განსაზღვრეთ თქვენი წარბები წარბის გელის ან ფანქრის გამოყენებით. მოვლილი წარბები თქვენს იმიჯს გაუსვამს ხაზს. გამოიყენეთ ნეიტრალური თვალის ჩრდილი.

4. ყვრიმალებისა და ტუჩების გამოკვეთა (1წთ)

ყვრიმალებზე რბილი ფუნჯით წაისვით რუჯისფერი ბლაში, რაც მყისიერად გააცოცხლებს თქვენს სახეს და გამოკვეთს სახის კონტურებს იმის მიხედვით, თუ რომელი ნაწილის ან კონტურის გამოკვეთა გვსურს. ასევე მნიშვნელოვანია ტუჩების მოხატვაც, ყოველდღიური სადა მაკიაჟის დროს, სასურველია ტუჩი მოვიხატოთ ბაცი ვარდისფრით, ან სულაც უფერული ტუჩსაცხით.

5. ბოლო შტრიხი (1წთ)

დაასრულეთ თქვენი 5 წუთიანი სილამაზის რუტინა ჰაილაითერით სახის სხვადასხვა უბნებზე - ლოყების ზევით და ცხვირის წვერზე. ეს ნაბიჯი თქვენს კანს ბზინვარებას მიანიჭებს და გამოკვეთს სახის ოვალსაც.

5 წუთიანი რუტინის სილამაზე მის სიმარტივეშია. არ აქვს მნიშვნელობა სად მიდიხართ - საქმიან შეხვედრაზე, თუ ბაღიდან ბავშვის გამოსაყვანად, გააკეთეთ ეს მარტივი პროცედურები და აუცილებლად თავდაჯერებული გახვალთ სახლიდან.