შემოდგომა არომატების დროა, წელიწადის ამ სეზონზე ის უფრო ღრმად და თბილად ჟღერს.

მსუბუქი და გრილი ზაფხულის არომატების შემდეგ, თქვენ გსურთ - სიღრმე, სითბო, კომფორტისა და სტაბილურობის განცდა. წლის ამ დროს სუნამოები თითქმის სიმბოლოდ იქცევა: ისინი ასახავს განწყობას და ხელს უწყობს ნაცრისფერი დღეების დაძლევას.

TREND გთავაზობთ შემოდგომის 10 გამორჩეულ და დაუვიწყარ არომატს.

Yves Saint Laurent - Saharienne

Yves Saint Laurent კოლექციიდან „Saharienne“ შექმნილია, როგორც უნივერსალური სურნელი, რომელსაც თანაბრად თავდაჯერებულად იყენებენ როგორც მამაკაცები, ასევე ქალები. ის იწყება მკვეთრი ციტრუსის აკორდით: ბერგამოტი, ლიმონი და მანდარინი და იძლევა სიახლეს და ენერგიას. ცოტა მოგვიანებით კი იხსნება - თეთრი ყვავილები, გალბანუმი, შავი მოცხარის ფოთოლი და ფორთოხლის ყვავილი. აქ სურნელი უფრო რბილი ხდება; ბაზა შეიცავს კოჭას და ვარდისფერ წიწაკას, რაც კომპოზიციას სიმშრალეს და მსუბუქ სიცხარეს მატებს.

შემოდგომაზე, „Saharienne“ აღიქმება, როგორც ახალი ნიავი მყარ და მდიდარ არომატებს შორის.

Angel Schlesser - Vibrant Woody Mandarin

ეს კომპოზიცია აგებულია მანდარინზე, მაგრამ ის გაცილებით რთულად ჟღერს, ვიდრე შეიძლება ელოდეთ. ზედა ნოტებში მანდარინი ერწყმის ლიმონს და კარდამონს, ქმნის როგორც ციტრუსის სიკაშკაშეს, ასევე მსუბუქ ცხარე ელფერს. არომატის გულში ვარდისფერი წიწაკა, ლავანდა და იის ფოთლებია, რასაც მოაქვს სიგრილე და სწორედ ეს აბალანსებს ხილის სიტკბოს. ბაზა დამზადებულია კედრისგან, ტონკას მარცვლებისგან და ფაჩულისგან. ისინი არომატს სიღრმეს და სტაბილურობას ანიჭებენ, რაც განსაკუთრებით მნიშვნელოვანია გრილ სეზონზე.

„Vibrant Woody Mandarin“ თავშეკავებული შემოდგომის აქცენტია, სადაც სიახლე შერწყმულია რბილ ხის სითბოსთან.

Narciso Rodriguez - For Her Musc Nude

Musc Nude აგრძელებს Narciso Rodriguez-ის ლეგენდარული ხაზის ისტორიას. ეს არომატი ჩაფიქრებულია როგორც გამჭვირვალე, როგორც მეორე კანი. დასაწყისში ვარდისფერი წიწაკა, ჟასმინი და თეთრი ყვავილებია, რაც ქმნის არომატის რბილ და ნაზ შთაბეჭდილებას. გულში კი მუშკის, ვარდის და ფორთოხლის ყვავილის ნოტები იშლება - აქ ვლინდება არომატის ხასიათი, მისი სინაზე და სექსუალურობა. ბაზა დაფუძნებულია ტონკას მარცვლის აბსოლუტზე, კაშმერანზე და ფაჩულის ნოტებზე. სწორედ ეს ბაზა იძლევა სიღრმეს და თბილ სურნელს.

შემოდგომაზე Musc Nude განსაკუთრებით ჰარმონიულად აღიქმება: ის არ გადაგტვირთავთ, მაგრამ მოგანიჭებთ სითბოს და კომფორტის შეგრძნებას.

MiN New York - Voodoo

Voodoo არის მდიდარი აღმოსავლური არომატი, რომელიც აგებულია ხის და ფისოვანი ნოტების კომბინაციით. ზედა აკორდებში ის იხსნება ლაიმით, გალბანუმით, ვარდისფერი წიწაკით და კარდამონით. ეს მკვეთრი და ცხარე კომბინაცია მყისიერად ქმნის განწყობას. კომპოზიციის გული შედგება გერანიუმის, თურქული ვარდისა და საკმევლისგან, რაც არომატს უფრო სქელს, კვამლიანს და მდიდარს ხდის. ბაზა შედგება უდის, სანდალოზის ხის, ფაჩულის და ტყავისგან. ეს ნოტები ჟღერადობას მძიმეს, მდგრადს და გამორჩეულს ხდის. შემოდგომაზე, ის განსაკუთრებით აქტუალურია გრილ დღეებსა და საღამოებზე, როდესაც გსურთ თბილი აქცენტით დატკბეთ.

Mark Buxton Black Angel

ის სითბოსა და სიგრილის, სინათლისა და ჩრდილის კონტრასტს ჰგავს - იგივე, რაც წელიწადის ორ დროს - ზაფხულსა და შემოდგომაზე არის. მანდარინისა და ჯანჯაფილის პირველი აკორდები სუფთად, ცხარედ და კაშკაშად იფრქვევა, გულში კი ჟასმინი და იის ფესვი ჩნდება: რბილი და მსუბუქი მელანქოლიით. ეს ნოტები ქმნის სიმყუდროვისა და სიღრმის შეგრძნებას, თითქოს ცივი ქარის გამო თბილ ოთახს აფარებთ თავს.

ETAT LIBRE D’ORANGE LikeThis

მსახიობ ტილდა სვინტონთან თანამშრომლობით შექმნილი არომატი დიდი ხანია ბრენდის სავიზიტო ბარათია. ის დაფუძნებულია „სახლის სურნელის“ იდეაზე: სწორედ იმ ადგილას, სადაც ყოველთვის გსურთ დაბრუნება.

ზედა ნოტებში ჯანჯაფილი, გოგრა და მანდარინი ქმნის თბილ, ოდნავ ცხარე შესავალს, რომელიც მაშინვე გადაგიყვანთ კომფორტის ატმოსფეროში. კომპოზიციის გული ვლინდება უკვდავას, ნეროლისა და ვარდის ნოტებით - ისინი არომატს სინაზეს და სიღრმეს მატებენ. ბაზა შეიცავს ხის აკორდებს, ვეტივერს, მუშკს და ჰელიოტროპს, რომლებიც ტოვებს ხანგრძლივ და სასიამოვნო სურნელს.

Guerlain Aqua Allegoria Mandarine Basilic

Aqua Allegoria კოლექციიდან Mandarine Basilic აგებულია ციტრუსისა და მწვანე აქცენტებით. დასაწყისში ლიმონი, მანდარინი და ფორთოხალი - ნათელი და წვნიანი ხილი ჟღერს. გული შავი მოცხარის, რეჰანის და ფორთოხლის ყვავილის ნოტებს, მწვანე და ოდნავ მჟავე აქცენტებს, ბაზა კი კედრისა და მწვანე ჩაის შეიცავს, რაც არომატს უფრო მდგრადს ხდის.

შემოდგომაზე, Mandarine Basilic აღიქმება, როგორც ახალი და მხიარული: ეს არის კომპოზიცია, რომელიც ენერგიას გმატებთ და კონტრასტს ქმნის ცივ ამინდთან.

L’ARTISAN PARFUMEUR Passage d’Enfer

სახელს ორი თარგმანი აქვს: ერთი მხრივ, ეს არის პარიზში Passage d’Enfer-ის ქუჩა, სადაც ბრენდის ოფისი მდებარეობდა, მეორე მხრივ, ეს არის სიტყვებით თამაში, რაც ნიშნავს „ჯოჯოხეთში გადასვლას“ - ბნელი ქვეტექსტის მიუხედავად, არომატი მშვიდად და წყნარად ჟღერს. პარფიუმერმა ოლივია ჯაკობეტიმ კომპოზიცია შექმნა საკმევლის ცივი და მშრალი ნოტებით, რაც ქვის კედლების და უძველესი გალობის ექოს ასოციაციას იწვევს; ფუძეში კი სანდალოზის ხე, კედარი და ბენზოინი არბილებენ სიგრილეს და ქმნიან ჰარმონიის განცდას.

Passage d’Enfer არ არის დრამატული, არამედ მედიტაციური სუნამოა, რომელიც შემოდგომაზე ირგვლივმყოფების ყურადღების ცენტრში მოგაქცევთ.

Giorgio Armani Si

Armani-ს ერთ-ერთი ემბლემატური არომატი, კვლავ აქტუალურია. ზედა ნოტები შავი მოცხარის ფოთოლია, რაც ქმნის ნათელ და საინტერესო დასაწყისს. კომპოზიციის გულში თეთრი კი ფრეზია და ვარდია, რაც არომატს უფრო გამჭვირვალეს ხდის. ბაზა აგებულია ვანილის, პაჩულის, ამბროქსანის და ხის აკორდებზე. ეს ნოტები კომპოზიციას სიღრმეს და სიმყარეს ანიჭებს.

Si განსაკუთრებით აქტუალურია შემოდგომაზე: ის მდიდარია, მაგრამ არა გადატვირთული, კარგად ინარჩუნებს თვისებებს და შესაფერისია სხვადასხვა სიტუაციისთვის.